रोमि 6:9 - लिम्‍बु

⁹ ख्रिस्‍ते़ङ्‌ग स्‍ये़आङ् कुहिङ्‌वे़त् पोःक्‍खे़बाल्‍ले़ आल्‍ल याम्‍मो मे़सिने़न्‍लो के़लॽबान् आनिॽ आनिसुम्‍लो॥ हे़क्‍केःल्‍ले़ आल्‍लआङ्‌धो खुने़ॽ सम्‍दाङ् सिमे़ल्‍ले़ युक् मे़गत्तुन्‍लो॥

रोमि 6:9 Referans Kwoze

रोमि 6:14

खिनिॽ सम्‍दाङ् लायोन् युक् चोक् मे़बाङ्‌घे़म्‍मिन्‍ने़ॽ, थेआङ्‌भे़ल्‍ले़ खिनिॽ साम्‌योथिम्‍मिल्‍ले़ कुयुक्‍को के़होःप्‍तिॽ, कर निङ्‌वाॽफु लुङ्‌गुम्‍मिल्‍ले़ कुयुक्‍को के़वयिॽरो॥

सुफो 1:18

कुहिङ्‌वे़त् के़बोङ्‌बे़ङ्‌ग इङ्‌गाॽएरो॥ इङ्‌गाॽ स्‍याङ्‌ङाङ् वयाङ्, कर ओमे़त्ते़ॽ, इङ्‌गाॽ सदादिङ्‌ले़ लागि याम्‍मो हिङाङ्‌ङाङ् वाॽआरो॥ हे़क्‍क्‍याङ् सिमे़न् नु खे़मायङ्‌सङ्‌ङिल्‍ले़न् तिमिक्‍हाॽ इङ्‌गाॽ कत्तुङ्‌लो॥

हिब्रु 7:25

खे़ल्‍ले़चोगुल्‍ले़ खुने़ॽलाम्‍बा निङ्‌वाॽफुमाङ्‌ङो के़दाबाहाॽ खुने़ॽ सदादिङ् ताङ्‌से़ःप्‍मा सुक्‍तुसिॽ, थेआङ्‌भे़ल्‍ले़ खुने़ॽ खे़ङ्‌हाॽरे़ लागि पेलिगे़न् तुवा चोःक्‍से़ सदादिङ् हिङ्‌लो॥

रोमि 5:14

आदम्‍मिल्‍ले़ कुये़म्‍माङ्‌धो साम्‌योथिम् के़साप्‍पा मोसाःल्‍ले़ कुये़म् थारिक् मे़न्‍छाम् याप्‍मिहाॽरे़ आदम्‍मिन् हे़क्‍के निङ्‌वाॽफुमाङ्‌ङिल्‍ले़ कुइङ्‌जाङ् मे़म्‍भेःन्‍ने मे़वये़साङ् मे़स्‍ये़रो॥ आल्‍ल कुभा पाःन्‍नो आदमे़ङ्‌ग ताःन्‍दि के़दाबा ख्रिस्‍ते़न् हे़क्‍तङ्‌बा वये़रो॥

हिब्रु 7:16

खुने़ॽग मे़न्‍छाम् थाःक्‍पा साक्‍थिम् कुइसिक् निङ्‌वाॽफुसाम्‍बा पोःक्‍खे़बा मेःन्, कर मे़म्‍मे़क्‍मनाबा हिङ्‌मन्‍ले़न् मुक्‍साम्‍लाम्‍बा निङ्‌वाॽफुसाम्‍बा पोःक्‍खे़बारो॥

रोमि 6:4

खे़ल्‍ले़चोगुल्‍ले़ आनिॽग बप्‍तिस्‍मालाम् सिमे़न्‍नो खुने़ॽनु आहुम्‍सिङ्, हे़क्‍केःल्‍ले़ ख्रिस्‍ते़न् पानुदिङ् पा निङ्‌वाॽफुमाङ्‌ङिल्‍ले़ मिमिदिङ्‌गे़न् कुमुक्‍साम्‍मिल्‍ले़ सिमे़न्‍लाम्‍बा कुहिङ्‌वे़त् चोगुबा कुइसिक् आनिॽआङ् कुसङ् हिङ्‌मन्‍नो आहिङ्‌लो॥

रोमि 6:10

ख्रिस्‍ते़न् स्‍ये़ल्‍ले़ लायोल्‍ले़ कुमुक्‍साम्‍मिन् नाःम्‍मा फाॽआङ् सदादिङ्‌रे़ लागि खुने़ॽ थिक्‍ले़ङ्‌ङो स्‍ये़, कर आल्‍ल खुने़ॽ कुहिङ्‌वे़त् वाॽरो, हे़क्‍क्‍याङ् कुहिङ्‌मन्‍निन् खुने़ॽ निङ्‌वाॽफुमाङ्‌ङिल्‍ले़ कुनिङ्‌वाॽ तामा फाॽआङ् हिङ्‌लो॥