रोमि 6:21 - लिम्बु21 खे़न् ये़म्मो के़जोगुम्बा पाःन्हाॽलाम् आल्लो सिरिङ् के़मयिल्ले़ थे इन्धाःक् के़घोसुम्बे? कुनुप्मोग खे़न् पाःन्हाॽरे़ मे़न्नुप्मनाबा सिमे़न्नो के़गे़त्तिॽरो॥ Gade chapit la |
रोमि 6:21
46 Referans Kwoze
निङ्वाॽफुमाङ्ङिल्ले़ कुनिङ्वाॽ कुइसिःक्पा खिनिॽ निङ्वाॽ तुक्माल्ले़ खिनिॽओ थे़मा चोगुआङ् वाॽ के़लॽबा पाःन्निन् निङ्वाॽ इःत्ते़म्मे़ॽओ॥ खे़ल्ले़ कुसिक्के़सम्बा के़जोगिॽआङ् खिनिॽ से़क्खाए आप्तिक् मेःन्नेबा चोगिगे़ फाॽआङ् ओसेःन्गे़धाक्सिङ्बा के़जोगिॽरो॥ खे़ल्ले़ खिनिॽ लुम्मो लायो के़जोःक्पाहाॽनु कुसाक्के़न् के़बोःक्पा के़जोगिॽरो॥ खे़ल्ले़ लायोल्ले़ तारुबा खुम्दिङ्ङिन्नु के़गिबा के़सिबा के़जोगिरो॥ खे़ल्ले़ग इङ्गाॽनु तुम्मा निङ्वाॽ के़जोःक्पा के़जोगिॽरो॥ खे़ल्ले़ लायो के़जोःक्पाहाॽ खुम्दिङ् पिमासिआङ् निङ्वाॽफुमाङ्ङो तोःम्मासि निङ्वाॽ के़जोःक्पा के़जोगिॽरो॥ खिनिॽग काक् पाःन्नो से़क्खाए फोत्या मेःन्नेबा पोङ्मा ओसेःन्गे़धाक्कासिरो॥
हे़क्क्याङ् खे़ङ्हाॽरे़ मे़जोगुआङ् वाॽबा खे़न् के़रे़क् पाःन्हाॽओ खुन्छिॽ सिरिङ्ममो मे़धाने़भग्र खे़ने़ॽ खे़ङ्हाॽ कन् माङ्हिम्मिन् नु खे़प्मो चाहा के़जोःक्पा के़रे़क् पाःन्हाॽ, खे़प्मो लाःक्कात् लःम्मा नु सिगाङ् लाःप्मा लाम्धेःप्पाहाॽ, खे़प्मोबा के़रे़क् चोःङ्हाॽ हे़क्क्याङ् खे़प्मोबा के़रे़क् थिम्हाॽ नु इङ्जाङ्हाॽ खक्पे़त् मे़त्ते़से़ॽ॥ खे़ङ्हाॽरे़ खुन्छिॽ तगि कन् पाःन्हाॽ खे़ने़ॽ साप्ते़ॽ, हे़क्केलॽरिक् खे़प्मोबा कुजोङ् पाःन्नो खे़ङ्हाॽ कुदोःप्मा याःम्बक् के़जोःक्पा मे़बोङ्ल, हे़क्क्याङ् खे़प्मोबा थिम्हाॽ नु इङ्जाङ्हाॽ मे़इःत्तु मे़नाःत्तुर॥
खे़ने़ॽलाम्बा माःङ्घा इःम्सिङ् पेगाङ्ङाङ् वयाङ्लो कर हाराए खे़ने़ॽओए नुःङ्मा तामा निङ्वाॽ चोगुङ्लो॥ खे़ने़ॽ आङ्गाॽ खुम्दिङ् के़बिराङ्लो हे़क्क्याङ् आये़त्तुक्खेओ आधेगेःक्किन् थुःक्खुङ्लो॥ आङ्गाॽग सिरिङ्ममो नु चाःत्थि पेःक्मो थ्याङ्लो थेआङ्भे़ल्ले़ थाङ्बे़न् वयाङ्ङिल्ले़ लायो चोगुङ्ङाङ् वयाङ्लो॥’
आङ्गाॽ आमनाहाॽरे़ सि मे़हेॽरुरो, कर खे़ङ्हाॽरे़ कुदिङ् के़बप्पा याःन्हाॽ मे़सुप्सुरो॥ खे़ङ्हाॽरे़ स्याङ्मे़न्दाङ् याःम्बक् मे़जोगुरो कर खुन्छिॽ हुक्को थेआङ् मे़ध्ये़ने़न्लो॥ आङ्गाॽ साॽरिक् किप्मा के़घुबा आसिक्किल्ले़ हे़क्के पोःक्खे़बारो खे़ङ्हाॽरे़ खुन्छिॽ पोगुगे़न् कुजा मे़धोःक्ते़म्बाल्ले़ खे़ङ्हाॽ सिरिङ्ममो मे़ध्ये़रो॥”
कन् याम्गे़सिङ्बा याःम्बक्किन् मे़जोगुबाओ खुन्छिॽ नुःम्मा के़बोङ्बा मेःम्बि? कर खे़ङ्हाॽग मिसाक्काङ् नुःम्माए मे़न्नुःन्दे़न्लो॥ नुःम्मा पाःन्निन् थे़माबे फाॽआङ् खे़ङ्हाॽरे़ मे़ल्ले़सुन्लो॥ खे़ल्ले़चोगुल्ले़ वेॽ के़मे़क्पाहाॽनुए खे़ङ्हाॽआङ् मे़मे़क्लो॥ खे़ङ्हाॽ खुम्दिङ् पिरुङ्सिङ्बा ये़म्मो खे़ङ्हाॽ मे़मे़क्लो॥
सोलोमन हाङ्ङिल्ले़ निङ्वाॽफुसाम्बा अबियाथारे़न् मे़त्तु, “खे़ने़ॽ आप्फेक् के़लाजेॽ सिङ्बुङ् अनातोतओ पेगे़ॽ॥ खे़ने़ॽग सिमा के़यारुॽ, कर आङ्गाॽ आल्लोसा खे़ने़ॽ मे़से़त्ने़न्ॽ, थेआङ्भे़ल्ले़ खे़ने़ॽ आङ्गाॽ आम्बा दाउदरे़ कुदगि यहवे दाङ्बे़ल्ले़ कुसन्दोःक्किन् पङ्मा याःम्बक् के़जोगुआङ् वये़, हे़क्क्याङ् आम्बारे़ तुमुबा तुक्खेओ खे़ने़ॽआङ् के़वये़॥”
खे़ल्ले़ कुले़क्वा आनिगे़ग मनारे़ मे़न्निए चोःक्मनाबा सिरिङ्ममा याःम्बक्हाॽ नाॽरुम्बे़आङ् वयिगे़रो॥ आनिगे इङ्ले़क् मे़जोगुम्बे़न्लो हे़क्क्याङ् निङ्वाॽफु पाःन्जाक्किन् योधो मे़जोगुम्बे़न्लो॥ आनिगे़ग निङ्वाॽफुमाङ्ङिल्ले़ ओमत्तिगे़र वाॽ फाॽआङ् निसुम्बे़आङ् मनाहाॽ से़क्खा पाःन्लक् मे़त्तुम्सिम्बे़ॽ, हे़क्क्याङ् काक् नसाःन्साबाहाॽरे़ खे़न् कुसिङ् मे़निःत्तुॽरो॥
Piblisite