रोमि 5:9 - लिम्‍बु

⁹ खे़ल्‍ले़चोगुल्‍ले़ आनिॽग ख्रिस्‍तरे़ कुमाक्‍खिॽइल्‍ले़ निङ्‌वाॽफुमाङ्‌ङिल्‍ले़ कुनिमाओ आप्‍तिक् मेःन्‍नेबा आबोःक्‍खे़आङ् आवाॽबाल्‍ले़ चोगुल्‍ले़ ख्रिस्‍तरे़ निङ्‌वाॽफुमाङ्‌ङिल्‍ले़ कुघुम्‍दिङ्‌लाम् से़क्‍खाए ताङ्‌आसे़ःप्‍लो॥

रोमि 5:9 Referans Kwoze

१ थिस्‍सलोनिकि 1:10

हे़क्‍क्‍याङ् निङ्‌वाॽफुमाङ्‌ङिल्‍ले़ सिमे़न्‍लाम् याम्‍मो हिङ्‌घुबा कुस्‍सा ये़सुरे़ साङ्‌ग्राम्‍पेदाङ्‌लाम् कुयुमे़न् के़हाङ्‌घुम्‍बान् मे़मे़त्तिगे़आङ् वाॽरो॥ खुने़ॽए के़दाबा निङ्‌वाॽफुमाङ्‌ङिल्‍ले़ कुघुम्‍दिङ्‌लाम् ताङ्‌आसे़ःप्‍लो॥

रोमि 8:1

खे़ल्‍ले़चोगुल्‍ले़ आल्‍ल ख्रिस्‍त ये़सुन् नु थिक्‍हुप् के़वाॽबाहाॽ निङ्‌वाॽफुमाङ्‌ङिल्‍ले़ आप्‍तिक् मे़गुःत्तुन्‍छिन्,

एफिसि 2:13

कर खिनिॽ तगि निङ्‌वाॽफुमाङ्‌लाम् माःङ्‌घा के़वयिसाङ् आल्‍लो खिनिॽ ख्रिस्‍त ये़सुन् नु थिक्‍हुप् के़बोङ्‌बाहाॽ ख्रिस्‍तरे़ कुमाक्‍खिॽइन् वादेःन्‍दुबाल्‍ले़ चोगुल्‍ले़ निःत्ताङ् के़बोःक्‍खिआङ् के़वयिॽरो॥

युहुन्‍ना 5:24

इङ्‌गाॽ से़क्‍खाए मे़त्‍निङ्, आत्तिल्‍ले़ पेलिगे़न् आबाःन्‍जाक्‍किन् खे़प्‍सुआङ् इङ्‌गाॽ याप्‍मि के़बाङ्‌बान् नसान् चोगुॽ, खे़ल्‍ले़ मे़न्‍नुप्‍मनाबा हिङ्‌मन् खोसुआङ् वाॽ, हे़क्‍क्‍याङ् खे़ल्‍ले़ खुम्‍दिङ् मे़घोसुन्, कर खे़ङ्‌ग तगिसा सिमे़न्‍लाम् मे़न्‍नुप्‍मनाबा हिङ्‌मन्‍नो चत्‍छिङ् पेआङ् वाॽरो॥

रोमि 5:1

खे़ल्‍ले़चोगुल्‍ले़ नसान् आजोगुम्‍बाल्‍ले़ आप्‍तिक् मेःन्‍नेबा आबोःक्‍खे़आङ् आनिॽ दाङ्‌बा ये़सु ख्रिस्‍तलाम्‍बा निङ्‌वाॽफुमाङ्‌ङिन्‍नु आनिॽ नादङ् पोःक्‍खे़आङ् वाॽरो॥

रोमि 1:18

साङ्‌ग्राम्‍पेदाङ्‌लाम् निङ्‌वाॽफुमाङ्‌ङिल्‍ले़ कुसाक्‍के़न्‍निन् लायोबा नु फे़न्‌याःम्‍बक्‍किल्‍ले़ कुधिम्‍बा के़रे़क् मे़न्‍छाम् याप्‍मि सम्‍दाङ् चुक्‍ते़आङ् वाॽरो॥ हाबा कन् मनाहाॽरे़ए खुनिॽ ताप्‍फे़ःम्‍बा याःम्‍बक्‍किल्‍ले़ से़क्‍खान् थेःक्‍तुआङ् वाॽरो॥

हिब्रु 9:22

से़क्‍खाःल्‍ले़ साम्‌योथिम्‍मिल्‍ले़ पाःत्तुबा कुइसिक् यरिक् पाःन्‍हाॽग माक्‍खिॽरे़ सुत्‍थो पोङ्‌लो, हे़क्‍क्‍याङ् माक्‍खिॽ वामे़न्‍दे़ःन्‍नेग लायोन् ले़प्‍मि मे़बोङ्‌ने़ल्‍लो॥

हिब्रु 9:14

खे़न्‍नुःल्‍ले़ग ख्रिस्‍तरे़ कुमाक्‍खिॽइल्‍ले़ आक्‍ख्‍याक् यरिक् सुत्‍थो आजोक्! खुने़ॽ मे़न्‍नुप्‍मनाबा सेसेमाङ्‌लाम् कुसाङ् के़लबा सिदुङ्‌जभा पोङ्‌से़ निङ्‌वाॽफुमाङ्‌ङो आबाङे तोःन्‍छिङ्‌लो॥ आजुनि निङ्‌वाॽफुमाङ्‌ङिन् से़वा चोःक्‍मा आसुक्‍तुम्‍ल फाॽआङ् कुमाक्‍खिॽइल्‍ले़ सिमे़न्‍नो के़देॽबा याःम्‍बक्‍लाम् आनिॽ खासिङ्‌ङिन् सुत्‍थो चोगुॽरो॥

रोमि 8:30

हे़क्‍क्‍याङ् आत्तिन्‍हाॽ तगिसा सेगुसि, खे़ङ्‌हाॽग उःत्तुसिआङ्‌लो॥ आत्तिन्‍हाॽ उःत्तुसिॽ, खे़ङ्‌हाॽग आप्‍तिक् मे़ःन्‍नेबाआङ् चोगुसिॽरो॥ आत्तिन्‍हाॽ आप्‍तिक् मेःन्‍नेबा चोगुसिॽ, खे़ङ्‌हाॽग कुमिमिदिङ्‌ङिन्‍नाङ् पिरुसिॽरो॥

१ युहुन्‍ना 1:7

कर निङ्‌वाॽफुमाङ्‌ङिन् से़न्‍दाङ्‌गे़न् ओःत्तिओ वाॽबा कुइसिक् आनिॽआङ् से़न्‍दाङ्‌गे़न् ओःत्तिओ आहिङ्‌ल आवाॽने़ फाॽग्र आनिॽ लुम्‍मो सेसे तङ्‌जुम् पोङ्‌लो॥ हे़क्‍क्‍याङ् आबुगे़न् कुस्‍सा ये़सुरे़ कुमाक्‍खिॽइल्‍ले़ आनिॽ काक् लायोलाम् सुत्‍थो आजोःक्‍लो॥

रोमि 5:10

खे़न् फाॽइङ्‌ग निङ्‌वाॽफुमाङ्‌ङिल्‍ले़ कुनिङ्‌मि आवये़ल्‍ले़सा आबुगे़न् कुस्‍साःल्‍ले़ कुसिमे़न्‍लाम् निङ्‌वाॽफुमाङ्‌ङिन्‍नु नादङ् आबोःक्‍खे़आङ् आवाॽबाल्‍ले़ चोगुल्‍ले़ खुने़ॽ कुहिङ्‌मन्‍निल्‍ले़ निङ्‌वाॽफुमाङ्‌ङिल्‍ले़ कुघुम्‍दिङ्‌लाम् से़क्‍खाए ताङ्‌आसे़ःप्‍लो॥

एफिसि 2:3

खे़ङ्‌हाॽरे़ खुनिॽ लुम्‍मो उन्‍छोन् आनिॽआङ् याम् नु निङ्‌वाॽइल्‍ले़ चोःक्‍मा कोःत्तुबा लायोबा लाम्‍मो आवये़॥ खे़ङ्‌हाॽ हे़क्‍के आनिॽआङ् निङ्‌वाॽफुमाङ्‌ङिल्‍ले़ कुघासे़न्‍नो के़धाबा आबोःक्‍खे़आङ् आवये़रो॥