रोमि 5:5 - लिम्बु5 हे़क्केलॽरिक् निङ्साङ् आजोगुम्मिल्ले़ आनिॽ निङ्साङ् मे़बुक्ने़न्लो, थेआङ्भे़ल्ले़ निङ्वाॽफुमाङ्ङिल्ले़ साॽरिक् लुङ्माॽ आदुक्ते़आङ् वाॽ के़लॽबान् खुने़ॽ आबिरे़बा सेसेमाङ्लाम् आनिॽ सिक्लुङ्मो निङ्वाॽ आघोसुम्लो॥ Gade chapit la |
रोमि 5:5
35 Referans Kwoze
इङ्गाॽग आयाःम्बक्किल्ले़ चोगुल्ले़ निङ्वाॽफुमाङ्ङिल्ले़ कुदगि सिरिङ्ममो आप्फाल्ले़आङ् मे़धाआन्नि कर इङ्गाॽ हाङ्हाङ् के़लॽबा पोङ्ङाङ् सिआसाङ् हिङ्ङासाङ् इङ्गाॽ आहिङ्मन्लाम्बा आल्लो हे़क्के सदादिङ् ख्रिस्तरे़ कुमिङ्सो इङ्धाङ् पोङ्ल फाॽआङ् पयम् निङ्वाॽ नु निङ्साङ् चोगुङ्लो॥
हे़क्क्याङ् बा खे़ल्ले़चोगुल्ले़ए इङ्गाॽ तुक्खे चाआर वाॽआरो॥ कर इङ्गाॽ सिरिङ् मे़मआन्लो, थेआङ्भे़ल्ले़ हात् इङ्गाॽ नसान् चोगुङ्ङाङ् वाॽआ फाॽआङ् नुरिक्काङ् निसुङ्ङाङ् वाॽआरो, हे़क्क्याङ् इङ्गाॽ कुहुक्को पिरुङ्बा पाःन्हाॽ निङ्वाॽफुमाङ्ङिल्ले़ कुनुःङ्मा युमा ये़न् थारिक् से़ःप्तुआङ् कत्तुॽ फाॽआङ् इङ्गाॽ निस्से वाॽआरो॥
“‘निङ्वाॽफुमाङ्ङिल्ले़ पाःत्तुआङ् वाॽ, कन् इक्सादिङ् खाम्बेःक्माल्ले़ कुनुप्मा ये़न्हाॽओ इङ्गाॽ आसेसेमाङ्ङिन् काक् मे़न्छाम्गे़न् सुवाङ् सम्दाङ् पाङ्घुङ्ङाङ् खिनिॽ ये़म्बित्छाॽ नु मे़न्छुमाॽसाहाॽरे़ माङ्निङ्वाॽपान् मे़बाःत्तुॽ, खिनिॽ नालिङ्गे़न् थाङ्बे़न्साहाॽरे़ सुफो मे़निसुॽ, हे़क्क्याङ् खिनिॽ खदाक्मिहाॽरे़ तादिगे़न् से़प्माङ् मे़माक्तुॽरो॥
खे़ने़ॽ के़लागि हाङ्हाॽ पानुदिङ् पा हे़क्के हे़क्क्याङ् हाङ्माहाॽ मा हे़क्के कम्ब्राङ् के़मे़प्पा मे़बोङ्लो॥ खे़ङ्हाॽरे़ खे़ने़ॽ खाम्बाङ्ङो थारिक् अःक्खुम् मे़भन्छिङ्ङाङ् से़वा के़म्मे़त्लो, हन्नाङ् नःम्नःम्बा मे़बोङ्ङाङ् मिङ्सो इङ्धाङ् के़म्बिरो॥ हे़क्केलॽरिक् यहवे दाङ्बाआ फाॽआङ् खे़ने़ॽ निङ्वाॽ के़घोसुरो, आङ्गाॽ आलाम् ओगे़मे़प्पाहाॽ निङ्वाॽ तुक्मो मे़न्धाने़ल्लो॥”
कङ्ग साम्योसाप्लाओ अक्खेलॽरिक् साप्ते़बा कुइसिक् पोःक्खे़रो, “ओमे़त्ते़म्मे़ॽ, इङ्गाॽ यरुसले़म्मो मनाहाॽ मे़दोःक्ल फाॽआङ् मना के़घबा लुङ्ङिन् ने़स्सुङ्लो, हे़क्क्याङ् मे़ले़ःङ्ङाङ् मे़गे़ङ्ल फाॽआङ् लुङ्जेक् ने़स्सुङ्लो, कर खुने़ॽ सम्दाङ् नसान् के़जोःक्पाङ्ग आप्फाल्ले़आङ् सिरिङ्ममो मे़धाने़न्लो॥”
Piblisite