रोमि 5:12 - लिम्‍बु

¹² काक्‍नुःल्‍ले़ तगिबा मे़न्‍छाम् याप्‍मि आदमलाम् इक्‍सादिङ् खाम्‍बेःक्‍मो लायोन् पोगे़, हे़क्‍क्‍याङ् खे़न् लायोल्‍ले़ चोगुल्‍ले़ सिमे़न् पोगे़रो॥ अक्‍खेलॽरिक् काक् मे़न्‍छाम् याप्‍मिहाॽओ सिमे़न् त्‍ये़रो, थेआङ्‌भे़ल्‍ले़ के़रे़क्‍ले़ लायो मे़जोगुरो॥

रोमि 5:12 Referans Kwoze

रोमि 5:19

थेआङ्‌भे़ल्‍ले़ थिक् मनाःल्‍ले़ निङ्‌वाॽफु इङ्‌जाङ् फे़ःन्‍दुबाल्‍ले़ चोगुल्‍ले़ यरिक् मनाहाॽ लायोबा मे़बोःक्‍खे़बा हे़क्‍केए लत्‍छा मनाःल्‍ले़ निङ्‌वाॽफु इङ्‌जाङ्‌ङिन् ते़न्‍दिङ् चोगुबाल्‍ले़ चोगुल्‍ले़ यरिक् मनाहाॽ निङ्‌वाॽफुमाङ्‌ङिल्‍ले़ कुनिमाओ साम्‌योबा मे़बोङ्‌लो॥

रोमि 6:23

थेआङ्‌भे़ल्‍ले़ लायोरे़ आबिबा नाम्‌याक्‍किङ्‌ग सिमे़न्‍लो, कर निङ्‌वाॽफुमाङ्‌ङिल्‍ले़ आम्‍भा आबिबा पर्धाःम्‍मिङ्‌ग आनिॽ दाङ्‌बा ख्रिस्‍त ये़सुओलाम् मे़न्‍नुप्‍मनाबा हिङ्‌मन्‍लो॥

रोमि 3:23

थेआङ्‌भे़ल्‍ले़ के़रे़क् मनाहाॽरे़ लायो मे़जोगुआङ् मे़वाॽ हे़क्‍क्‍याङ् निङ्‌वाॽफुमाङ्‌ङिल्‍ले़ कुमिमिदिङ्‌गे़न् कुलिङ्‌दो मे़ङ्‌गे़त्‍ने़न्‍लो॥

याकुब 1:15

कन् फे़न्‍निङ्‌वाॽइल्‍ले़ आनिॽ आयुक्‍काङ् लायो चोःक्‍मा आबाङ्‌लो, हे़क्‍क्‍याङ् लायोल्‍ले़ आनिॽ सिमे़न्‍नो आदेॽरो॥

तोलिङ्‌सोमु 2:17

कर नुबा नु ताप्‍फे़ःम्‍बा ने़हिनिङ्‌वाॽ आबिबिबा सिङ्‌बुङ्‌ङिल्‍ले़ कुजाॽइन् मे़न्‍जाए़ॽ, थेआङ्‌भे़ल्‍ले़ आत्तिन् ये़न्‍नो खे़न् के़जःॽ खे़ने़ॽ से़क्‍खाए के़सिरो॥”

निङ्‌वाॽफु साम्‍लोसुम् 51:5

से़क्‍खाए, सावाःन्‍छिङ्‌ङाले़ए लायोबा वयाङ्‌लो, आम्‍मारे़ कुसाप्‍पोःक्‍को यागाङ्‌बा ये़न्‍नाङ्‌धोए आङ्‌गाॽ लायोबा चोःक्‍कारो॥

तोलिङ्‌सोमु 3:19

खाम्‍मो मे़न्‍नुःङ् मे़म्‍बेःक्‍के थारिक् के़द्‌वाबो के़होःम्‍ब्रिक्‌वा से़र याःम्‍बक् के़जोगुआङ् कुजा के़जरो॥ थेआङ्‌भे़ल्‍ले़ खे़ने़ॽ खाम्‍मोलाम् लःप्‍मनाआङ् के़वये़, खे़ने़ॽ खाम्‍ने़रो, हे़क्‍क्‍याङ् खे़ने़ॽ खाम्‍मोए के़नुःङ् के़बेःक्‍लो॥”

तोलिङ्‌सोमु 3:6

मे़न्‍छुमाःल्‍ले़ खे़न् सिङ्‌बुङ्‌ङिल्‍ले़ कुजाॽइन् चामाल्‍ले़ नुबा के़बोङ्‌बा नु ओमे़प्‍मे़ल्‍ले़ नुबा निगे़धाःप्‍पा हे़क्‍क्‍याङ् सिक्‍कुम् निङ्‌वाॽ खोमारे़ लागि खे़न् सिङ्‌बुङ्‌ङिल्‍ले़ कुजाॽइन् चामा के़बोङ्‌बा निसु, हे़क्‍क्‍याङ् खे़न् सिङ्‌बुङ्‌ङिल्‍ले़ कुजाॽइन् तुबुआङ् च, खे़ब्‍याङ् खुने़ॽनु सोरिक् के़वाॽबा कुये़ःम्‍बाःन्‍नाङ् पिरु, हे़क्‍क्‍याङ् खे़ल्‍ले़ च॥

रोमि 5:21

हे़क्‍केलॽरिक् लायोल्‍ले़ के़रे़क् मनाहाॽओ हाङ् चोगुआङ् सिमे़न् तारुबा कुइसिक् आल्‍ल निङ्‌वाॽफुमाङ्‌ङिल्‍ले़ कुलुङ्‌गुम्‍मिल्‍ले़ हाङ् चोगुॽआङ् खे़ल्‍ले़ आनिॽ आप्‍तिक् मेःन्‍नेबा आजोक्, हे़क्‍क्‍याङ् दाङ्‌बा ये़सु ख्रिस्‍तलाम् मे़न्‍नुप्‍मनाबा हिङ्‌मन् आघोसुम्‍लो॥

याकुब 3:2

आनिॽ के़रे़क् यरिक् पाःन्‍हाॽओ आबेःन्‍लो, कर आत्तिन् मनान् आबाङे पाःत्तुबा पाःन्‍नो मे़बेःन्‍निन्‍ने़ फाॽग्र से़क्‍खासाङ् खे़ल्‍ले़ग नासिङ्‌गे़न् कुधक्‍किन् युक्‍को कप्‍मा सुक्‍तुॽ, हे़क्‍क्‍याङ् खे़न् मनान् कुलिङ्‌दो के़गे़प्‍पा पोङ्‌लो॥

इजकिएल 18:4

थेआङ्‌भे़ल्‍ले़ पामाहाॽ नु साहाॽ खक्‍पे़त् खासे़न् चोःक्‍मासिरे़ लागि के़रे़क् आङ्‌गाॽ आमनासिरो॥ हे़क्‍क्‍याङ् कन् आङ्‌गाॽ आधिम्‍बेरो—आत्तिन् मनाःल्‍ले़ लायो चोगुॽ, खे़न् सिरो॥

रोमि 5:18

हे़क्‍केलॽरिक् लत्‍थिक् मनाःल्‍ले़ चोगुबा लायोल्‍ले़ काक् मनाहाॽ आप्‍तिक्‍को मे़ध्‍ये़बा हे़क्‍केए लत्‍छा मनाःल्‍ले़ चोगुबा थिक् साम्‌योबा याःम्‍बक्‍किल्‍ले़ के़रे़क् मनाहाॽ निङ्‌वाॽफुमाङ्‌ङिल्‍ले़ कुनिमाओ आप्‍तिक् मेःन्‍नेबा मे़बोङ्‌ङाङ् कुसङ् हिङ्‌मन् मे़घोसुॽरो॥

रोमि 6:21

खे़न् ये़म्‍मो के़जोगुम्‍बा पाःन्‍हाॽलाम् आल्‍लो सिरिङ् के़मयिल्‍ले़ थे इन्‍धाःक् के़घोसुम्‍बे? कुनुप्‍मोग खे़न् पाःन्‍हाॽरे़ मे़न्‍नुप्‍मनाबा सिमे़न्‍नो के़गे़त्तिॽरो॥

१ कोरन्‍थि 15:56

सिमे़ल्‍ले़ कुमुक्‍साम्‍मिन् लायोलाम् खोसुॽरो, हे़क्‍क्‍याङ् लायोल्‍ले़ कुमुक्‍साम्‍मिङ्‌ग साम्‌योथिम् इङ्‌जाङ्‌लाम् खोसुॽरो॥

एफिसि 2:3

खे़ङ्‌हाॽरे़ खुनिॽ लुम्‍मो उन्‍छोन् आनिॽआङ् याम् नु निङ्‌वाॽइल्‍ले़ चोःक्‍मा कोःत्तुबा लायोबा लाम्‍मो आवये़॥ खे़ङ्‌हाॽ हे़क्‍के आनिॽआङ् निङ्‌वाॽफुमाङ्‌ङिल्‍ले़ कुघासे़न्‍नो के़धाबा आबोःक्‍खे़आङ् आवये़रो॥