रोमि 4:13 - लिम्‍बु

¹³ अब्राहाम्‍मिल्‍ले़ साम्‌योथिम्‍मिन् इःत्तु नाःत्तुआङ्‌ग मेःन्, कर निङ्‌वाॽफुमाङ्‌ङिन् नसान् चोगुबालाम् आप्‍तिक् मेःन्‍नेबा पोःक्‍खे़बाल्‍ले़ए निङ्‌वाॽफुमाङ्‌ङिल्‍ले़ खुने़ॽ नु कुमुॽइदाङ्‌साहाॽरे़ इक्‍सादिङ् खाम्‍बेःक्‍माल्‍ले़न् लक् के़घोसुम् के़लॽबा माङ्‌हे़क्‍किन् अब्राहाम्‍मिन्‍नु चोगुबारो॥

रोमि 4:13 Referans Kwoze

गलाति 3:29

खिनिॽ ख्रिस्‍तरे़ कुमना के़बोःक्‍खिआङ् के़वयिॽने़ फाॽग्र खिनिॽग अब्राहामरे़ से़क्‍खा कुमुॽइदाङ्‌सानिङ्‌लो, हे़क्‍क्‍याङ् निङ्‌वाॽफुमाङ्‌ङिल्‍ले़ अब्राहाम्‍मिन् पिरुबा माङ्‌हे़क्‍किल्‍ले़न् लक् के़घोबानिङ्‌लो॥

रोमि 9:8

कन् फाॽइङ्‌ग अब्राहामरे़ नासिङ्‌गे़न् कुधक्‍कोलाम् सागे़वाःन्‍छिङ्‌बाहाॽ निङ्‌वाॽफुमाङ्‌ङिल्‍ले़ कुस्‍सासि के़लॽबा पान् मेःन्‍लो, कर निङ्‌वाॽफुमाङ्‌ङिल्‍ले़ पिने़ फाॽआङ् पिरुबा माङ्‌हे़क्‍लाम्‍बा सागे़वाःन्‍छिङ्‌बाहाॽए अब्राहामरे़ से़क्‍खाबा कुमुॽइदाङ्‌सासिरो॥

तोलिङ्‌सोमु 28:14

खे़ने़ॽ के़मुॽइदाङ्‌साहाॽ खाम्‍बेःक्‍मोबा खाम्‍भुत्रा यारिक् मे़बोङ्॥ खे़ने़ॽ नाम्‍गे़त्, नाम्‍धा, थाङ्‌गे़त् नु लाङ्‌गे़त् पिसाङ् के़बोःन्‍ल के़बेःक्॥ खे़ने़ॽ नु के़मुॽइदाङ्‌साहाॽ लाम्‍बाए इक्‍सा खाम्‍बेःक्‍मोबा के़रे़क् मे़न्‍छाम् याप्‍मिहाॽरे़ हाङ्‌वागे़न् मुॽइसाम् मे़घोसुरो॥

निङ्‌वाॽफु साम्‍लोसुम् 2:8

आङ्‌गाॽ खे़ने़ॽ नाःक्‍ताङ्‌ङे़ॽओ, इक्‍सादिङ् खाम्‍बेःक्‍मोबा सुवाङ्‌हाॽ के़लक् चोगुङ्‌सिङ् पिने़रो, हे़क्‍क्‍याङ् काक् इक्‍सा खाम्‍बेःक्‍किन् खे़ने़ॽइन् चोगुङ् पिने़रो॥

तोलिङ्‌सोमु 17:16

आङ्‌गाॽ खे़न् हाङ्‌वामुॽइ पिरुङ्, हे़क्‍क्‍याङ् से़क्‍खाए खुने़ॽलाम् खे़ने़ॽ ये़म्‍बित्‍छा साधिक् पिने़॥ आङ्‌गाॽ सारान् हाङ्‌वामुॽइ पिरुङ्, हे़क्‍क्‍याङ् खे़न् यरिक् मे़न्‍छाम् सुवाङ्‌हाॽरे़ खुन्‍छिॽ मा पोङ्ॽ॥ यरिक् मे़न्‍छाम् सुवाङ्‌हाॽरे़ खुन्‍छिॽ हाङ्‌हाॽ खुने़ॽलाम् मे़लःन्‍लो॥”

तोलिङ्‌सोमु 12:3

“खे़ने़ॽ हाङ्‌वामुॽइ के़बिबाहाॽ आङ्‌गाॽ हाङ्‌वामुॽइ पिरुङ्‌सिङ्‌लो, हे़क्‍क्‍याङ् खे़ने़ॽ साङ्‌ग्रा माङ्‌दे के़मे़प्‍पाहाॽ आङ्‌गाॽ साङ्‌ग्रा मे़त्तुङ्‌सिङ्‌लो॥ खे़ने़ॽ लाम्‍बाए इक्‍सादिङ् खाम्‍बेःक्‍मोबा के़रे़क् मे़न्‍छाम् याप्‍मिहाॽरे़ हाङ्‌वागे़न् मुॽइसाम् मे़घोसुरो॥”

निङ्‌वाॽफु साम्‍लोसुम् 72:11

के़रे़क् हाङ्‌हाॽ कुदगि साम्‍बोन् मे़भन्‍छिङ्‌लो, हे़क्‍क्‍याङ् काक् इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽरे़ कुसे़वा याःम्‍बक् मे़जोगुरो॥

तोलिङ्‌सोमु 49:10

यहुदाःल्‍ले़ कुहुक्‍कोलाम् हाङ्‌तक्‍काःत्तिन् मे़ले़त्‍ने़ल्‍लो, कुन्‍दाङ्‌बे़न् मे़न्‍दाए थारिक् हाङ्‌जुम्‍मो ओगप्‌ के़बोङ्‌बा तक्‍काःत्तिन् कुलाङ्‌भिःप्‍मोलाम् मे़जत्‍ने़ल्‍लो॥ हे़क्‍क्‍याङ् मे़न्‍छाम् सुवाङ्‌हाॽ खुने़ॽ मे़त्तुसिबा पाःन्‍निन् खे़म्‍मा के़दे़म्‍बा मे़बोङ्‌लो॥

सेःक्‌युक्‍मिबाहाॽ 13:32

“हे़क्‍क्‍याङ् निङ्‌वाॽफुमाङ्‌ङिल्‍ले़ आनिगे पाधे़बाहाॽ पिरुसिबा माङ्‌हे़क्‍किल्‍ले़ कुयाःम्‍बेओ कन् सुनाइङ् इङ्‌भोसे़ आनिगे खिनिॽओ त्‍ये़ॽइगे़आङ् वयिगे़रो—

रोमि 4:12

अब्राहाम्‍मिङ्‌ग हर्दो के़हे़क्‍पाहाॽरे़न्‍नाङ् खुनिॽ पारो, कर हर्दो के़हे़क्‍पाआङ् अब्राहामरे़ हर्दो हे़क्‍मानुःल्‍ले़ तगि कत्तुबा कुइसिक् नसान् के़गप्‍पाहाॽरे़न्‍लक् खुनिॽ पारो॥

हिब्रु 7:6

कर कन् मल्‍किसे़दे़क्‍किङ्‌ग ले़बिरे़ कुमुॽइदाङ्‌सा होःप्‍ते़साङ् खे़ल्‍ले़ अब्राहामलाम् थिबोङ्‌लक् ताःक्‍तुआङ् माङ्‌हे़क् के़घोबा अब्राहाम्‍मिन् मुॽइसाम् थासु पिरुरो॥

हिब्रु 11:7

नसाःन्‍लाम्‍बाए नुहारे़ कुहिम्‍सयङ्‌हाॽ ताङ्‌से़ःप्‍से़ वालाधा चोगुरो॥ तगि आप्‍फाल्‍ले़आङ् मे़म्‍बोङ्‌ङे के़वाॽबा पाःन्‍हाॽ आल्‍ल पोङ्‌लो लॽरिक् साम्‍दिङ् के़बिबा निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् खे़प्‍सुआङ् हे़क्‍के चोगुरो॥ खुने़ॽ कुनसाःन्‍लाम्‍बाए खे़न् ये़म्‍मोबा इक्‍सादिङ् खाम्‍बेःक्‍मोबा मनाहाॽ आप्‍तिक्‍को मे़ध्‍ये़ हे़क्‍क्‍याङ् नसाःन्‍लाम् के़दाबा साम्‌योबा लक्‍के़घोबा पोःक्‍खे़रो॥