खिनिॽ कुसिङ् निःप्मा के़सुक्तुम्ल फाॽआङ् हिम्दाङ्बान् नु योःक्किल्ले़ कुबिःन् ओगप् चोगुङ्ल पत्तारो॥ खिनिॽ आबाङे याम्लक्किन् तगि याप्मि के़जिःम्बा नु फे़न्याःम्बक्किल्ले़ कुयोःक्पा पोङ्से़ के़दोःन्दुम्माङ् के़वयिबा कुइसिक्, आल्ल सेसेगे़न् सुत्थो पोङ्मारे़ लागि साम्योबाल्ले़ कुयोःक्पा पोङ्से़ खिनिॽ याम्लक्किन् तोःन्दे़म्मे़ॽओ॥
रोमि 3:5 - लिम्बु5 कर कुभारे़ अक्खे मे़बाःत्तुॽ, आनिॽ लायो आजोगुम्मिल्ले़ निङ्वाॽफुमाङ्ङिल्ले़ कुसाम्योनिमान् नुरिक्काङ् कुसिङ् निःत्ते़त्ने़ फाॽग्र निङ्वाॽफुमाङ्ङिल्ले़ आनिॽ खुम्दिङ् आबिःल्ले़ खुने़ॽ फे़न् याःम्बक् चोगुबा पोङ्बि? (इङ्गाॽ कुभा मे़न्छाम् याप्मि कुइसिक् पाःत्ताबारो॥) Gade chapit la |
रोमि 3:5
32 Referans Kwoze
हे़क्केःल्ले़ आनिॽ थे पाःप्माबे? साम्योथिम्मिन् लायोबि? से़क्खासाङ् मेःन्लो! कर साम्योथिम्मिन् होःप्ते़ल्ले़ग इङ्गाॽ आहिङ्मन्नोबा लायोहाॽ मे़न्निबान्मे़न्॥ थेआङ्भे़ल्ले़ साम्योथिम्मिल्ले़, “खे़ने़ॽ मे़घिःप्से़न्ने़ॽ” फाॽआङ् मे़बाःत्तुन्निल्ले़ग इङ्गाॽ खिःम्मान् ताप्फे़ःम्बारो के़लॽबा पाःन्निन् कुसिङ् मे़निःत्तुङ्ङिन्बारो॥
यहवे दाङ्बे़ङ्ग कुनागे़हे़म्बा चोक्लो हे़क्क्याङ् कुले़क्वा के़नुःक्पा निङ्वाॽफुमाङ्लो, यहवे दाङ्बे़ल्ले़ कुले़क्वा नुःक्तु पिरुसिरो खुने़ॽ कुसाक्के़न् इसेःङ्बा चोक्लो॥ यहवे दाङ्बे़ल्ले़ कुनिङ्मिहाॽओ कुले़क्वा नुःक्तुरो, हे़क्क्याङ् खुने़ॽ के़अप्पाहाॽओ कुसाक्के़न्निन् थासुरो॥
साङ्ग्राम्पेदाङ्ङो के़वाॽबासे, खे़न् मे़गे़बाओ सःत्ते़म्मे़ॽओ! निङ्वाॽफुमाङ्ङिल्ले़ सेसे कुमनाहाॽ, सेःक्युक्मिबाहाॽ हे़क्क्याङ् माङ्निङ्वाॽपान् के़बाःप्पासे, सःत्ते़म्मे़ॽओ! थेआङ्भे़ल्ले़ खिनिॽ निङ्घुम् के़मे़त्तिबाल्ले़ चोगुल्ले़ निङ्वाॽफुमाङ्ङिल्ले़ खे़न् खुम्दिङ् पिरुआङ् वाॽरो॥”
हे़क्क्याङ् खे़ङ्हाॽरे़ निङ्वाॽफुमाङ्ङिल्ले़ कुसे़वारोबा मोसारे़ कुसाम्लो नु मे़ल्लुक्साःल्ले़ कुसाम्लोन् अक्खेलॽरिक् साम्मे़मे़त्तु, “मुक्साम्दाङ्बा निङ्वाॽफुमाङ्ङे, खे़ने़ॽ के़याःम्बक्हाॽग पयम् यम्बा नु निङ्वाॽ के़माबा चोक्लो॥ काक् मे़न्छाम् सुवाङ्हाॽरे़ खुनिॽ हाङ्ङे, खे़ने़ॽ के़लाम्हाॽग नुबा नु से़क्खाबा चोक्लो॥
आमिःम् आन्जुम्से, फे़न् पाःन्निल्ले़ कुले़क्वा आप्फाल्ले़आङ् ताप्फे़ःम्बा मे़जोगे़म्मिन्ने़ॽओ, कर निङ्वाॽफुमाङ्ङिल्ले़ कुसाक्के़न्नो ले़रे़म्मे़ॽओ, थेआङ्भे़ल्ले़ साम्योसाप्लाओ अक्खे साप्ते़आङ् पत्, “ताप्फे़ःम्बा याःम्बक् के़जोक्पे़न् खुम्दिङ् पिमाग आलक्लो॥ इङ्गाॽए कुले़क्वा नुःक्तुङ् पिरुङ् लॽरिक् यहवे दाङ्बाल्ले़ पाःत्तुरो॥”
कुइगे़भे़म्बा मनाहाॽनु सोरिक् साम्योबा मनाहाॽ से़प्मासि याःम्बक् खे़ने़ॽलाम् आभे़ल्ले़आङ् मे़बोङ्ने़ल्लरो॥ लायोबा मनाःल्ले़ तुमुबा हे़क्तङ्बा साम्योबा मनाःल्ले़ खे़ने़ॽलाम् तुम्मा मे़बोङ्ने़ल्ल॥ खे़ने़ॽए के़रे़क् इक्सादिङ् खाम्बेःक्मोबा खासे़न्दाङ्बाने़, खे़ने़ॽ कुदोःप्मा खासे़न् के़न्लोःन्दुम्बि?”
निङ्वाॽफुमाङ्ङिल्ले़ कुनिङ्वाॽ कुइसिःक्पा खिनिॽ निङ्वाॽ तुक्माल्ले़ खिनिॽओ थे़मा चोगुआङ् वाॽ के़लॽबा पाःन्निन् निङ्वाॽ इःत्ते़म्मे़ॽओ॥ खे़ल्ले़ कुसिक्के़सम्बा के़जोगिॽआङ् खिनिॽ से़क्खाए आप्तिक् मेःन्नेबा चोगिगे़ फाॽआङ् ओसेःन्गे़धाक्सिङ्बा के़जोगिॽरो॥ खे़ल्ले़ खिनिॽ लुम्मो लायो के़जोःक्पाहाॽनु कुसाक्के़न् के़बोःक्पा के़जोगिॽरो॥ खे़ल्ले़ लायोल्ले़ तारुबा खुम्दिङ्ङिन्नु के़गिबा के़सिबा के़जोगिरो॥ खे़ल्ले़ग इङ्गाॽनु तुम्मा निङ्वाॽ के़जोःक्पा के़जोगिॽरो॥ खे़ल्ले़ लायो के़जोःक्पाहाॽ खुम्दिङ् पिमासिआङ् निङ्वाॽफुमाङ्ङो तोःम्मासि निङ्वाॽ के़जोःक्पा के़जोगिॽरो॥ खिनिॽग काक् पाःन्नो से़क्खाए फोत्या मेःन्नेबा पोङ्मा ओसेःन्गे़धाक्कासिरो॥
Piblisite