रोमि 3:3 - लिम्‍बु

³ खे़ङ्‌हाॽ कुभा नसाःन्‍साबा मे़न्‍जोःक्‍ने़न्‍छाङ् थे पोःक्‍खे़आङ्‌बे? खे़ङ्‌हाॽ नसाःन्‍साबा मे़न्‍जोःक्‍ने़न्‍बाल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ चोगुबा माङ्‌हे़क्‍किन् मे़गे़त्तुम्‍बि?

रोमि 3:3 Referans Kwoze

२ तिमोथि 2:13

आनिॽ नसाःन्‍साबा आम्‍बोङ्‌ने़न्‍छाङ् खुने़ॽग नसाःन्‍साबा चोक्‍लो॥ थेआङ्‌भे़ल्‍ले़ खुने़ॽग आप्‍फेक् नाॽसिङ्‌मा मे़सुक्‍ने़न्‍लो॥

हिब्रु 4:2

आनिॽओ कुइसिःक्‍के खे़ङ्‌हाॽरोआङ् सुनाइङ् इङ्‌भोसे़आङ् वये़, कर खे़ङ्‌हाॽरे़ खे़न् मे़घे़प्‍सुबा पाःन्‍निन् नसान् मे़न्‍जोगुम्‍बाल्‍ले़ चोगुल्‍ले़ खे़ङ्‌हाॽरे़ थेआङ् इन्‍धाःङ् मे़ङ्‌घोसुन्‍लो॥

रोमि 9:6

कङ्‌ग निङ्‌वाॽफुमाङ्‌ङिल्‍ले़ खे़ङ्‌हाॽनु चोगुबा माङ्‌हे़क्‍हाॽग मे़गे़रे़म्‍बा मेःन्‍लो, थेआङ्‌भे़ल्‍ले़ इस्राइल सुवाङ्‌लाम्‍बा सागे़वाःन्‍छिङ्‌बाहाॽ के़रे़क्‍क से़क्‍खाबा इस्राइलि मेःन्‍छिरो॥

यसैया 55:11

हे़क्‍केलॽरिक्‍के आङ्‌गाॽ पाःत्तुङ्‌बा आबाःन्‍जाःक्‍किन्‍नाङ् पोङ्‌लो॥ खे़न् आबाःन्‍जाःक्‍किन् थेनाधे याङ्‌ना आङ्‌गाॽओ मे़नुःङ्‌ने़ल्‍लो, कर आङ्‌गाॽ चोःक्‍मा कोःत्तुङ्‌बा याःम्‍बक्‍किन् खे़ल्‍ले़ चोगुरो, खे़ब्‍याङ् आङ्‌गाॽ याःम्‍बक् चोःक्‍मारे़ लागि पाङ्‌घुङ्‌बान् खे़ल्‍ले़ कुलिङ्‌दो के़त्तुरो॥

२ थिस्‍सलोनिकि 1:3

फुॽनुसाॽ नु ने़ॽनुसाॽसे, खिनिॽ याःम्‍बेओ आनिगे़ग निङ्‌वाॽफुमाङ्‌ङिन् सदादिङ् नोगे़न् पिमाए पोङ्‌लो॥ हे़क्‍क्‍याङ् हे़क्‍के चोःक्‍माग लाॽरुएरो, थेआङ्‌भे़ल्‍ले़ खिनिॽ नसाःन्‍नो के़बोरिर के़बत्‍छिआङ् लुङ्‌माॽ के़दुक्‍कासिबा पाःन्‍निन् पोर पत्‍लो॥

रोमि 10:16

कर के़रे़क्‍ले़ सुनाइङ्‌ङिन् मे़न्‍दाःक्‍तुन्‍लो॥ माङ्‌निङ्‌वाॽपान् के़बाःप्‍पा यसैयाःल्‍ले़ अक्‍खेलॽरिक् पाःत्तुॽ, “आदाङ्‌बे, आनिगे इङ्‌भोसुम्‍बे़बा पाःन्‍निन् हाःत्‍ले़ नसान् चोगुआङ् वाॽबे?”

निङ्‌वाॽफु साम्‍लोसुम् 84:7

खे़ङ्‌हाॽ लाम्‍मो मे़बेःक्‍ल मे़बत्तिल्‍ले़ आल्‍लसाङ् के़धुम्‍बा मे़बोङ्‌लो, हे़क्‍क्‍याङ् खे़ङ्‌हाॽरे़ सियोःन्‍नो निङ्‌वाॽफुमाङ्‌ङिन् मे़निसुरो॥

१ सामुए़ल 15:29

यहवे दाङ्‌बाङ्‌ग इस्राइलबा हाङ्‌वा माङ्‌वा मिमिदिङ्‌लो, खुने़ॽ इङ्‌ले़क् मे़बाःत्‍ने़न्, थेआङ्‌भे़ल्‍ले़ खुने़ॽ मना मेःन् हे़क्‍क्‍याङ् कुनिङ्‌वाॽआङ् मे़ले़क्‍खुन्॥”

खानिःत् 23:19

निङ्‌वाॽफुमाङ्‌ङिल्‍ले़ इङ्‌आल्‍ले़क्‍ने़न्‍लो, थेआङ्‌भे़ल्‍ले़ खुने़ॽ मे़न्‍छाम् याप्‍मि मेःल्‍लो, खुने़ॽ कुनिङ्‌वाॽ मे़ले़क्‍खुन्‍लो, हे़नाङ्‌भे़ल्‍ले़ खुने़ॽ मे़न्‍छाम् याप्‍मि मुॽइदाङ्‌सा मेःन्‍लो॥ थे खुने़ॽ पाःत्तुआङ् खे़न् मे़जोगुन्‍बि? इग्र थे खुने़ॽ माङ्‌हुप् चोगुआङ् खे़न् मे़गे़त्तुम्‍बि?

२ कोरन्‍थि 3:18

आनिॽ दाङ्‌बाल्‍ले़ कुमिमिदिङ्‌ङिन् ओसेःन्‍आधाक्‍ल फाॽआङ् आनिॽ नादे़प्‍मान् हरे़आङ् वाॽरो॥ दाङ्‌बान् सेसेमाङ्‌लो, हे़क्‍क्‍याङ् खुने़ॽलाम्‍बा के़दाबा कुमिमिदिङ्‌ङिल्‍ले़ खुने़ॽ कुइसिक् आले़ङ्‌सिङ्‌ल आबेक्, हे़क्‍क्‍याङ् आल्‍लसाङ् यरिक् मिमिङ्‌दिङ्‌बा आबोङ्‌ल आबेःक्‍लो॥

मत्ति 24:35

ताङ्‌साक्‍पे़न् नु खाम्‍बेःक्‍मान् ले़क्‍काङ् पेक्, कर इङ्‌गाॽ आबाःन्‍जाक्‍हाॽ आप्‍फाल्‍ले़आङ् मे़ले़क्‍ने़न् मे़बेःक्‍ने़न्‍लो॥

रोमि 11:29

थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ आबिबा पर्धाःम्‍हाॽ नु उःत्‍छिङ्‌मान् याङ्‌ना मे़नुःक्‍तुन्॥

युहुन्‍ना 1:16

खुने़ॽ कुलुङ्‌गुम् कुधिम्‍लाम् हाङ्‌वासाम्‍मे हाङ्‌वासाम् आघोसुम्‍माङ् आवाॽरो॥