रोमि 3:21 - लिम्बु21 कर आल्ल साम्योथिम् मे़ःन्नेसाङ् निङ्वाॽफुमाङ्ङिल्ले़ मनाहाॽ आप्तिक् मेःन्नेबा चोगुसिआङ् वाॽ के़लॽबा लाम्मिन् खोदे़त्ते़आङ् वाॽरो॥ हे़क्क्याङ् खे़न् पाःन्निल्ले़ कुयाःम्बेओ साम्योथिम् नु माङ्निङ्वाॽपान् के़बाःप्पाहाॽरे़ मे़बाःत्तुआङ् वाॽरो॥ Gade chapit la |
रोमि 3:21
37 Referans Kwoze
आङ्गाॽ यहवे दाङ्बाओ साॽरिक् सःत्तारो, आनिङ्वाॽफुमाङ्ङो आयाम्साम्मिन् साॽरिक् सःत्लो॥ थेआङ्भे़ल्ले़ निङ्वाॽफुसाम्बान् हे़क्के मेःक्खिम्साबे़ल्ले़ कुधे़गेःक्किन् चोःक्तुबा हे़क्के, हे़क्क्याङ् मेःक्खिम्सामे़न् आबाङे साम्म्याङ् युप्पा वाःत्छिङ्बा हे़क्के खुने़ॽ से़न्लप्ले़न् चाङ् चाक्ताङ्ङाङ् वाॽरो, हे़क्क्याङ् साम्योनिमा चाङ्ङिल्ले़ ते़प्ताङ्ङाङ् वाॽरो॥
निङ्वाॽफुमाङ्ङिल्ले़ थिम्मे़न्दङ् सुवाङ्हाॽ खुनिॽ नसाःन्लाम् आप्तिक् मेःन्नेबा चोगुसिॽ के़लॽबा ताःन्दिबा पाःन्निन् साम्योसाप्लाओ साप्ते़आङ् पत्, हे़क्क्याङ् अब्राहाम्मिन् तगिसा अक्खेलॽरिक् सुनाइङ्ङिन् इङ्भन् चोगु, “काक् मे़न्छाम् सुवाङ्हाॽरे़ खे़ने़ॽ लाम्बाए हाङ्वागे़न् मुॽइसाम् मे़घोसुॽरो॥”
थेआङ्भे़ल्ले़ निङ्वाॽफुमाङ्ङिल्ले़ कुनिमाओ आक्खेलॽरिक् आप्तिक् मेःन्नेबा आजोक् फाॽआङ् कन् सुनाइङ्ङिल्ले़ ओसेःन्आधाक्लो, हे़क्क्याङ् कङ्ग नसाःन्लाम् हेःक्सिङ्ङाङ् नसाःन्लाम्बाए कुलिङ्दो के़त्लो॥ साम्योसाप्लाओ अक्खेलॽरिक् साप्ते़आङ् पत्, “साम्योबाङ्ग नसाःन्लाम्बाए हिङ्लो॥”
आल्लो कन् सुनाइङ्ङिन् माङ्निङ्वाॽपान् के़बाःप्पाहाॽरे़ मे़साप्तुबा पाःन्लाम् ओसेःन्दाङ् पोःक्खे़आङ् वाॽरो॥ हे़क्क्याङ् मे़न्नुप्मनाबा निङ्वाॽफुमाङ्ङिल्ले़ कुइङ्जाङ्लाम् के़रे़क्ले़ ख्रिस्ते़न् नसान् मे़जोगुआङ् निङ्वाॽफुमाङ्ङिन् के़इःप्पा के़नाःप्पा मे़बोङ्ल फाॽआङ् काक् मे़न्छाम् सुवाङ्हाॽओ कन् सुनाइङ्ङिन् इङ्भोर वाॽरो॥
कर आइन् थारिक् निङ्वाॽफुमाङ्ङिल्ले़ कुभाॽ पिराङ्ङाङ् वाॽआ॥ हे़क्केःल्ले़ए इङ्गाॽ चुक्पा यम्बा के़रे़क्ले़ खुनिॽ तगि ये़प्माआङ् ये़सुरे़ कुयाःम्बेओ तोःन्दि पिमा सुये़म् खोसुङ्ङाङ् वाॽआरो॥ मोसा हे़क्क्याङ् वेॽ माङ्निङ्वाॽपान् के़बाःप्पाहाॽरे़ ताःन्दि पोङ् लॽरिक् मे़बाःत्तुबान्नाङ्धो, वेॽ थेआङ् इङ्गाॽ मे़म्बाःत्ते वाॽआरो॥
“खे़ने़ॽ के़मना नु के़सेसे ये़क्यक्किल्ले़ लागि फे़न्याःम्बक्किन् मे़ङ्से़, लायोन् नुम्से़, कुॽइगे़भे़म्बान् लायोलाम् ले़प्मि नाःक्से़, नुप्मे़न्दिङ् साम्योबा याःम्बक् ताःत्छे़, सुफो नु माङ्निङ्वाॽपान्निन् निःन्धो चोःक्से़ हे़क्क्याङ् साॽरिक् सेसेबादे़न्निन् माङ्थोःक्ना चोःक्से़ नुबोङ् ‘नुसिहाॽ’ इङ्जाङ् पोःक्खे़आङ् वाॽ॥
खे़ने़ॽ के़दक्ले़ङ्वाओ मे़जोगुबा आक्तङ्बा फे़जुम्भे़यारे़आङ् खे़ने़ॽ नाःम्मा के़न्छुक्ने़ल्लो, हे़क्क्याङ् खे़ने़ॽ आप्तिक् के़गुःप्पा मनाहाॽ खे़ने़ॽ याङ्ना आप्तिक् के़गुःत्तुसिरो॥ कङ्ग यहवे दाङ्बे़ल्ले़ कुसे़वारोबाहाॽरे़ खुन्छिॽ लागि याङ्सा कुन्धेरे़न् लक्लो, खे़ब्याङ् आङ्गाॽलाम् खे़ङ्हाॽरे़ खुन्छिॽ आप्तिक् मेःन्नेबा पर्माःङ्गि हाबा कन्लो॥’”
हे़क्केःल्ले़ खे़ङ्हाॽरे़ पावलनु याम्मो तुम्मा ये़म् निःन्धो मे़जोगु हे़क्क्याङ् खे़न् ये़म्मो खे़ङ्हाॽ पावलरे़ कुये़ङ्वाहिम्मो यरिक् मे़द्ये़रो॥ हे़क्क्याङ् पावलरे़ तानाम्नु नाम्ध्ये़र थारिक् निङ्वाॽफुहाङ्जुम् नु ये़सुरे़ कुयाःम्बेओ खे़ङ्हाॽ नसान् के़जोःक्पा चोःक्मासि फाॽआङ् मोसारे़ साप्तुबा साम्योथिम् नु माङ्निङ्वाॽपान् के़बाःप्पाहाॽरे़ मे़साप्तुबा साप्लालाम् कुबे हन्दुआङ् चे़क्तुसिरो॥
Piblisite