रोमि 3:2 - लिम्‍बु

² से़क्‍खाःल्‍ले़ यहुदि पोङ्‌माल्‍ले़ के़रे़क् परिक्‍ले़न् नुबा पाःन्‍हाॽ वाॽरो! काक्‍नुःल्‍ले़ के़ये़क्‍पा पाःन्‍निङ्‌ग निङ्‌वाॽफुमाङ्‌ङिल्‍ले़ यहुदिहाॽ नासाॽरुसिआङ् कुबाःन्‍जाक्‍किल्‍ले़न् लक्‍पे़न् पिरुसिआङ् वाॽ॥

रोमि 3:2 Referans Kwoze

रोमि 9:4

निङ्‌वाॽफुमाङ्‌ङिल्‍ले़ इस्राइलिहाॽ आबाङे कुस्‍सा पोङ्‌से़ सेगुसिआङ् कुमिमिदिङ्‌ङिन् खे़ङ्‌हाॽ ओसेःन्‍धाक्‍तुसि॥ हे़क्‍क्‍याङ् खे़ङ्‌हाॽनु माङ्‌हुप्‍हाॽ चोगुआङ् साम्‌योथिम्‍मिन् पिरुसि॥ खे़ङ्‌हाॽए निङ्‌वाॽफुमाङ्‌ङिल्‍ले़ माङ्‌हिम्‍मोबा से़वा चोःक्‍मान् नु यरिक् माङ्‌हे़क्‍हाॽ पिरुसिरो॥

सेःक्‌युक्‍मिबाहाॽ 7:38

इस्राइलिहाॽ एःक्‍सादे़न्‍नो मे़जुप्‍से़ल्‍ले़ मोसान् खे़ङ्‌हाॽनु वये़, सिनाइ कोःक्‍माओ माङ्‌लाइङ्‌बान् खुने़ॽनु पारे़ हे़क्‍क्‍याङ् खे़न् हिङ्‌मन् के़बिबा निङ्‌वाॽफु पाःन्‍जाक्‍किन् खुने़ॽ खोसु, हे़क्‍क्‍याङ् आनिॽ सुधे़बाहाॽ पिरुसिआङ् आनिॽ आघोसुम्‍माङ् आवाॽरो॥

हिब्रु 5:12

से़क्‍खाःल्‍ले़ कन् ये़म् थारिक्‍ले़ग खिनिॽग वेॽहाॽ के़हुॽबा सिक्‍साम्‍बा पोङ्‌मा के़बोङ्‌बा वये़, कर खिनिॽने़ निङ्‌वाॽफु पाःन्‍जाक्‍किल्‍ले़ कुहेःक्‍सिङ्‌मा निसाम्‍मिन् याम्‍मो हुॽमा के़बोङ्‌बा के़बोःक्‍खिआङ् के़वयिॽरो॥ खिनिॽग कुजा चामा मे़न्‍छुक्‍मना नुरक् के़धुङ्‌बा अङे़ःक्‌वा कुइसिक् के़वयिॽरो॥

१ कोरन्‍थि 9:17

कर कन् इङ्‌गाॽ आबाङे आनिङ्‌वाॽलाम्‍मे चोगुङ्‌ने़ फाॽग्र हाङ्‌से़म्‍मिन् खोसुङ्‌लो, कर आबाङे आनिङ्‌वाॽलाम् मे़जोःक्‍कान्‍छाङ् निङ्‌वाॽफुमाङ्‌ङिल्‍ले़ नासाॽराङ्‌ङाङ् पिराङ्‌बा सुनाइङ् इङ्‌भोमा लक्‍पे़न्‍निन्‍लक् चोगुङ्‌लो॥

१ पत्रुस 4:11

पाःन्‍जाक् के़बाःप्‍पाल्‍ले़ निङ्‌वाॽफुमाङ्‌ङिल्‍ले़ कुबाःन्‍जाक् कुइसिक् पाःत्तुर, वेॽहाॽ से़वा के़जोःक्‍पाल्‍ले़ निङ्‌वाॽफुमाङ्‌ङिल्‍ले़ पिरुबा थुम्‍मिल्‍ले़ से़वा चोगुररो॥ हे़क्‍केलॽरिक् काक् पाःन्‍नो ये़सु ख्रिस्‍तलाम् निङ्‌वाॽफुमाङ्‌ङिल्‍ले़ कुमिमिदिङ् पोङ्‌लरो॥ काक् मिमिदिङ् नु मुक्‍साम्‍मिङ्‌ग सदादिङ् खुने़ॽइन्‍नेरो॥ आमे़न्॥

सुफो 22:6

खे़न् माङ्‌लाइङ्‌बाल्‍ले़ इङ्‌गाॽ मे़त्ताङ्, “कन् पाःन्‍जाक्‍हाॽ ताःक्‍पो चोःक्‍मा सुक्‍के़दे़प्‍पा नु से़क्‍खाबा चोक्‍लो॥ माङ्‌निङ्‌वाॽपान् के़बाःप्‍पाहाॽ सेसेमाङ् के़बिबा यहवे दाङ्‌बा निङ्‌वाॽफुमाङ्‌ङिल्‍ले़ कुसे़वारोबाहाॽ आल्‍ल हाराए पोङ्‌मा के़बोङ्‌बा पाःन्‍हाॽ ओसेःन्‍धाक्‍मासि फाॽआङ् कुमाङ्‌लाइङ्‌बे़न् पाङ्‌घु युसुरो॥”

सुफो 19:10

हे़क्‍क्‍याङ् इङ्‌गाॽग खुने़ॽ से़वा चोःक्‍मा फाॽआङ् कुलाङ्‌ङो साम्‍बोन् फन्‍छिङ्‌ङाङ्, कर खे़ल्‍ले़ इङ्‌गाॽ अक्‍खे मे़त्ताङ्, “हे़क्‍के चोःक्‍मा मे़नुॽने़न्! इङ्‌गाॽग खे़ने़ॽ नु के़म्‍भुॽ के़न्‍साॽसि हे़क्‍तङ्‌बा निङ्‌वाॽफुमाङ्‌ङिल्‍ले़ कुसे़वारोबा नु ये़सुन् तोःन्‍दि के़बिबाआरक्‍लो॥ निङ्‌वाॽफुमाङ्‌ङिन्‍ने से़वा चोगे़ॽ!” थेआङ्‌भे़ल्‍ले़ ये़सुरे़ चोगुबा पाःत्तुबा से़क्‍खा पाःन्‍हाॽरे़ माङ्‌निङ्‌वाॽपान् के़बाःप्‍पाहाॽ हाङ्‌हाङ् मे़त्तुसिॽरो॥

१ तिमोथि 6:20

तिमोथिए, निङ्‌वाॽफुमाङ्‌ङिल्‍ले़ के़बिरे़बा पाःन्‍हाॽ नुरिक्‍काङ् कत्ते़ॽओ॥ कुबुङ्‌ना कुसम्‍बा अदङ् ताॽजे़ङ् नु तक्‍ले़ङ्‌वा पाःन्‍हाॽग इङ्‌ले़क्‍पा साम्‍जिःक्‍लो, खे़न्‍लाम् लाःत्‍लाःत् वये़ॽओ॥

गलाति 2:7

खे़ल्‍ले़ कुले़क्‌वा खे़ङ्‌हाॽरे़ग निङ्‌वाॽफुमाङ्‌ङिल्‍ले़ पत्रुसे़न् यहुदिहाॽओ सुनाइङ् इङ्‌भोसे़ पाङ्‌घुबा हे़क्‍केए इङ्‌गाॽआङ् थिम्‍मे़न्‍दङ् सुवाङ्‌हाॽ सुनाइङ् इङ्‌भोमासि फाॽआङ् लक्‍पे़न् पिराङ्‌बान् मे़निसुरो॥

२ कोरन्‍थि 5:19

खे़न् फाॽइङ्‌ग निङ्‌वाॽफुमाङ्‌ङिल्‍ले़ काक् मनाहाॽ ख्रिस्‍तलाम् खुने़ॽओ तारुसिॽ॥ मनाहाॽ खुनिॽ लायोल्‍ले़न् आप्‍तिक् मे़गुःत्तुन्‍छिन्‍लो, हे़क्‍क्‍याङ् वेॽहाॽ खुने़ॽओ ताःप्‍मासि सुनाइङ् आबिरे़आङ् वाॽरो॥

रोमि 3:3

खे़ङ्‌हाॽ कुभा नसाःन्‍साबा मे़न्‍जोःक्‍ने़न्‍छाङ् थे पोःक्‍खे़आङ्‌बे? खे़ङ्‌हाॽ नसाःन्‍साबा मे़न्‍जोःक्‍ने़न्‍बाल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ चोगुबा माङ्‌हे़क्‍किन् मे़गे़त्तुम्‍बि?

रोमि 2:18

हे़क्‍क्‍याङ् खुने़ॽ कुनिङ्‌वाॽइन् के़निसुॽआङ् साम्‌योथिम्‍मिन् के़हुॽसिङ्‌बाल्‍ले़ चोगुल्‍ले़ नुबा पाःन्‍हाॽ सेःक्‍मा के़सुक्‍तुॽ,

रोमि 1:2

कन् सुनाइङ्‌ङिङ्‌ग निङ्‌वाॽफुमाङ्‌ङिल्‍ले़ तगिसा कुमाङ्‌निङ्‌वाॽपान् के़बाःप्‍पाहाॽ लाम्‍बा सेसे साम्‌योसाप्‍लाओ माङ्‌हे़क् चोगुआङ् पत्‍लो॥

युहुन्‍ना 5:39

खिनिॽग साम्‌योसाप्‍लान् नुःरिक्‍काङ् के़निसुम्‍लो थेआङ्‌भे़ल्‍ले़ खे़प्‍मोलाम् मे़न्‍नुप्‍मनाबा हिङ्‌मन् खोसुम्‍बे़ फाॽआङ् निङ्‌वाॽ के़इःत्तुम्, कर खे़न् साम्‌योसाप्‍लाःल्‍ले़ए इङ्‌गाॽ आयाःम्‍बेओ तोःन्‍दि के़बिरिॽरो॥

दानिए़ल 10:21

कर से़क्‍खाबा साप्‍पन्‍नो थे साप्‍ते़आङ् पत्, तगि आङ्‌गाॽ खे़न् खे़ने़ॽ चे़क्‍ने़रो॥ (खे़ने़ॽ तुम् के़माङ्‌लाइङ्‌बा मिखाएले़न्‍नुःल्‍ले़ वेॽ हाःत्‍ले़आङ् खे़ङ्‌हाॽरे़ खुन्‍छिॽ तक्‍ले़ङ्‌वाओ थङ् चोःक्‍मा आङ्‌गाॽ मे़भाॽआन्‍लो॥”

यसैया 8:20

खे़निॽ खे़ङ्‌हाॽ अक्‍खे मे़त्ताम्‍सिम्‍मे़ॽ, “निङ्‌वाॽफुमाङ्‌ङिल्‍ले़ खे़निॽ थे़मा के़हुॽरिआङ् वाॽ, नुरिक्‍काङ् खे़प्‍साम्‍मे़ॽ! साम्‍माङ्‌च्‍याःङ् मुरागे़मे़प्‍पाहाॽरे़ खुन्‍छिॽ पाःन्‍निन् मे़घे़प्‍से़म्‍मिन्‍ने़ॽ! खे़ङ्‌हाॽरे़ खे़निॽ थे के़म्‍मे़त्तिसाङ्, खे़निॽ लागि नुबा मे़बोङ्‌ने़न्‍लो॥”

निङ्‌वाॽफु साम्‍लोसुम् 119:140

खे़ने़ॽ के़माङ्‌हुप्‍हाॽ साॽमाल्‍ले़ से़क्‍खाबा चोक्‍लो, खे़न् के़माङ्‌हुप्‍हाॽ साॽरिक् आसिराॽ थाङ्‌लो॥

रोमि 3:1

हे़क्‍केःल्‍ले़ यहुदि पोङ्‌माल्‍ले़ थे इन्‍धाःक् वाॽबे? हर्दो हे़क्‍मा यहुदि थिम्‍मिन् इःप्‍मा नाःप्‍माल्‍ले़ थे पोङ्‌बे?