14 “खे़ङ्हाॽरे़ खुनिॽ मुराओलाम् साङ्ग्रा नु ताप्फे़ःम्बा पाःन्लक् लःन्लो॥”
हे़क्तङ्बाहाॽरे़ वेॽहाॽ साक्मुरा मे़मे़त्तुसिॽ, इङ्मे़ले़क्तुसिरो, हे़क्क्याङ् यङ्मा मे़से़रुसिरो, खे़ब्याङ् आक्खेआङ् कुइगे़भे़म्बा पोङ्मा, फे़न्याःम्बक् चोःक्मा फाॽआङ् ताॽमे़जे़ङ्लो॥
खे़ङ्हाॽ लायो इस्सेःङ्बा पान् मे़बाःप्पाल्ले़ चोगुल्ले़ आङ्दिङ् लॽमा इजोओ मे़धाररो, थेआङ्भे़ल्ले़ साक्मुरा माङ्दे मे़बाःत्ताङ् खे़ङ्हाॽ इङ्ले़क् मे़जोक्लो॥
हे़क्केलॽरिक् लत्छा मुराओलाम् मुॽइसाम् नु साक्मुरान् लःन्लो॥ आमिःम् फुॽनुसाॽ नु ने़ॽनुसाॽसे, अक्खे पोङ्माग मे़नुॽने़न्लो॥
के़रे़क् सिक्कुमा, सिक्पोःक्मा, याःक् ले़ॽमा, हयङ्किल्लिङ् चोःक्मा, चे़ॽया इङ्दो पाःप्मा हे़क्क्याङ् काक् परिक्पा मना चिःप्मा ले़रे़म्मे़ॽओ॥