रोमि 3:13 - लिम्‍बु

¹³ “खे़ङ्‌हाॽरे़ खुनिॽ पाःन्‍सुत्‍लाःङ्‌ग हङ्‌बे़त् के़बप्‍पा इःप्‍पुङ्‌ङोलाम् के़लःम्‍बा नाम्‍गे़सुबा कुनाम् कुइसिक् चोक्‍लो॥ खे़ङ्‌हाॽ इङ्‌ले़क्‍लक् मे़बाःत्‍लो॥” “खे़ङ्‌हाॽरे़ मे़बाःत्तुबा काक् पाःन्‍निङ्‌ग असेःक्‍पाल्‍ले़ कुनिङ्‌ङिन् हे़क्‍तङ्‌बा चोक्‍लो॥”

रोमि 3:13 Referans Kwoze

निङ्‌वाॽफु साम्‍लोसुम् 5:9

खे़ङ्‌हाॽरे़ खुनिॽ मुराओ से़क्‍खान् होप्‍लो, हे़क्‍क्‍याङ् खुनिॽ सिक्‍लुङ्‌मान् ताप्‍फे़ःम्‍बा पाःन्‍निल्‍ले़ के़दिम्‍बा चोक्‍लो, खुनिॽ मुरान् हल्‍ले़क् के़ने़बा इपुङ् कुइसिक् चोक्‍लो, खे़ङ्‌हाॽग इङ्‌ले़क्‍लक् मे़बाःत्‍लो॥

निङ्‌वाॽफु साम्‍लोसुम् 140:3

असेःक्‍किल्‍ले़ मनाहाॽ अगुसिबा कुइसिक् खे़ङ्‌हाॽरे़ पाःन्‍निल्‍ले़ मनाहाॽ मे़अगुसिरो, खे़ङ्‌हाॽरे़ मे़बाःत्तुबा के़रे़क् पाःन्‍निङ्‌ग असेःक्‍किल्‍ले़ कुनिङ् हे़क्‍तङ्‌बा चोक्‍लो॥ सेला

निङ्‌वाॽफु साम्‍लोसुम् 57:4

मना के़जाबा खिरिङ्‌बाहाॽ कुइसिःक्‍पा आनिङ्‌मिहाॽरे़ आङ्‌गाॽ मे़गप्‍पारो॥ खे़ङ्‌हाॽरे़ खुनिॽ हाबोॽबाङ्‌ग लाःक् नु तोङ् हे़क्‍के लॽरो, हे़क्‍क्‍याङ् खुनिॽ ले़सोःप्‍पान् ताभे कुइसिक् चोक्‍लो॥

इजकिएल 13:7

थे खिनिॽ के़निसुम्‍बा सुफोहाॽ थे़माइ पोङ्‌मा सुक्‍पि? कर अक्‍खे के़लॽरिने़भग्र कन् इङ्‌ले़क्‍के पोङ्‌ॽ, “कन् इङ्‌घङ्‌ङिन् यहवे दाङ्‌बालाम् के़दाबारो” आङ्‌गाॽ खिनिॽनु पाःप्‍माए मे़म्‍बाःत्ते वाॽआ॥

यसैया 59:3

थेआङ्‌भे़ल्‍ले़ खिनिॽ हुक्‍किन् माक्‍खिल्‍ले़ नु खिनिॽ हुक्‍चोन् आप्‍तिक्‍किल्‍ले़ थिॽरुआङ् पत्‍लो, खिनिॽ मुराःल्‍ले़ इङ्‌ले़क्‍के पान् नु खिनिॽ ले़सोःप्‍पाल्‍ले़ ताप्‍फे़ःम्‍बा पान् पाःत्तुरो॥

निङ्‌वाॽफु साम्‍लोसुम् 52:2

खे़ने़ॽग वेॽ मनाहाॽ मे़ङ्‌मासि चे़म्‍भन् के़जोःक्‍लो, खे़ने़ॽ के़ल्‍सोःप्‍पान् खागे़सुक्‍पा फे़जा कुइसिक् चोक्‍लो, हे़क्‍क्‍याङ् आप्‍फाल्‍ले़साङ् ताप्‍फे़ःम्‍बा हे़क्‍के लॽरो॥

रोमि 3:4

मेःन्‍लो! के़रे़क् मनाहाॽ इङ्‌ले़क्‍पा मे़जोःक्‍साङ् निङ्‌वाॽफुमाङ्‌ङिन् से़क्‍खाबा चोक्‍लो॥ साम्‌योसाप्‍लाओ खुने़ॽ कुयाःम्‍बेओ अक्‍खेलॽरिक् साप्‍ते़आङ् पत्, “खे़ने़ॽ के़बाःत्तुबा पाःन्‍निन् से़क्‍खाए पोङ् फाॽआङ् निदे़त्‍लो, हे़क्‍क्‍याङ् खासे़न् पोङ्‌ङिल्‍ले़ खे़ने़ॽए के़नाःन्‍दुॽरो॥”

यर्मिया 5:16

खे़ङ्‌हाॽरे़ खुन्‍छिॽ तोङ् के़आप्‍पा थक्‍सुबाहाॽग मुक्‍के़गुबा थङ्‌गे़जोःक्‍पा मे़जोक्‍लो हे़क्‍क्‍याङ् खे़ङ्‌हाॽरे़ लुङ्‌माॽ मे़न्‍दुक्‍के मे़से़रुसिरो॥

निङ्‌वाॽफु साम्‍लोसुम् 36:3

खे़ल्‍ले़ पाःत्तुबा पाःन्‍हाॽ ताप्‍फे़ःम्‍बा नु इङ्‌ले़क्‍क्‍या चोक्‍लो, खे़ल्‍ले़ सिक्‍कुम् निङ्‌वाॽ नु नुबा याःम्‍बक् चोःक्‍मा ले़रुदेसुआङ् वाॽरो॥

साम्‌योथिम् इङ् 32:33

खे़ङ्‌हाॽरे़ खुन्‍छिॽ चे़ल्‍ले़क्‍सेॽ थिःन्, असेःक्‍हाॽरे़ खुन्‍छिॽ निङ्‌लो याङ्‌हःक्‍किल्‍ले़ के़आःप्‍पा कुनिङ्‌लो॥

रोमि 3:12

के़रे़क्‍ले़ निङ्‌वाॽफुमाङ्‌ङिन् मे़ले़रु मे़देसुआङ् थेनाधेबा मे़बोःक्‍खे़आङ् मे़वाॽरो॥ नुबा याःम्‍बक् के़जोःक्‍पा हाःत्ताङ् होप्‍लो, लत्‍थिक्‍काङ् होप्‍लो॥”