हे़क्क्याङ् खे़न् पयम् यम्बा ये़क्यक् बेबिलोनिन् खे़ल्ले़क् पःक्खे़र सुम्सि लक्को हासिङ्लो, हे़क्क्याङ् इक्सादिङ् खाम्बेःक्मोबा काक् लाजेॽबा ये़क्यक्हाॽ थ्यःङ् पोःक्खे़रो॥ बेबिलोनरे़ काक् कुलायोहाॽ निङ्वाॽफुमाङ्ङिल्ले़ इतुआङ् किप्मा के़घुबा कुसाक्के़न्निल्ले़ के़दिम्बा खोर्यालाम् खे़न् थुङ्मा पाङ्घुरो॥
रोमि 2:8 - लिम्बु8 कर से़क्खान् के़नाॽबा, इङ्गाॽरक् चोगुङ् चाङ् के़लॽबा हे़क्क्याङ् फे़न्पाःन्नो के़बप्पा मनाहाॽग निङ्वाॽफुमाङ्ङिल्ले़ किप्मा के़घुबा खुम्दिङ् पिरुसिॽ॥ Gade chapit la |
रोमि 2:8
34 Referans Kwoze
हे़क्केलॽरिक् हिम्सामासे, खिनिॽ हिम्साबाहाॽरे़ खुनिॽ युक्को वये़म्मे़ॽओ, थेआङ्भे़ल्ले़ खे़ङ्हाॽओ कुभा निङ्वाॽफु पाःन्जाक् नसान् मे़न्जोःक्मनाबा मे़जोःक्साङ् खिनिॽ थेआङ् मे़म्मे़त्ते सेसेबा हिङ्मन्निन् नु निङ्वाॽफुमाङ्ङिन् इङ्धाङ् के़बिरुम्बा खे़ङ्हाॽरे़ मे़निसुआङ् निङ्वाॽफुमाङ्ङिन् नसान् चोःक्मा मे़सुक्तुॽरो॥
आदाङ्बारे़ साङ्ग्राम्पेदाङ्लाम् खे़प्से़ॽआङ् याःम्बक् चोगे़ॽ॥ के़से़वारोबाहाॽरे़ खुन्छिॽ लुम्मो खासे़न् चोगे़ॽ॥ आप्तिक्साबे़न् आप्तिक्साबा लेःत्ते़ॽ, हे़क्क्याङ् खे़ल्ले़ चोगुबा कुयाःम्बक्हाॽरे़ कुले़क्वा पिरे़ॽ॥ कुदोःप्मान् कुदोःप्माए लेःत्ते़ॽओ, खम्भ्याङ् खे़न् कुदोःप्मा कुयाःम्बक्कोए थधप् मे़ल्लॽए के़वाॽबा चोगे़ॽओ॥
यहुदा नु यरुसले़ःम्बा सुहाङ्युक्पाहाॽ हे़क्क्याङ् हाङ्हिम्मोबा सुहाङ्युक्पाहाॽ नु निङ्वाॽफुसाम्बाहाॽ खे़ब्याङ् लाम्लोबाहाॽरे़ लत्छा से़गम्बा कुम्बाबा थक्साधिक् ने़त्छि कुघे़ल्ले़क् मे़जोगु हे़क्क्याङ् खे़ल्ले़ कुलुम्मोलाम् लाङ्मे़घेगे़आङ् आङ्गाॽनु लत्छा माङ्हुप् मे़जोगु, कर खे़ङ्हाॽरे़ खे़न् माङ्हुप्पिन् मे़भेःन्दु हे़क्क्याङ् खे़न् तङ्मनाबा पाःन्हाॽ मे़न्इःत्तुन् मे़न्नाःत्तुन्॥ खे़ल्ले़चोगुल्ले़ खे़ङ्हाॽरे़ से़गम्बा कुम्बाबा थक्सान् थे़मा मे़जोगुआङ् मे़वये़, आङ्गाॽ खे़ङ्हाॽ हे़क्तङ्बाए चोगुङ्सिङ्ॽ॥
खे़ल्ले़चोगुल्ले़ आल्ल आङ्गाॽ साॽरिक् आसिक् पोःक्मान् खे़ङ्हाॽरे़ खुन्छिॽ सम्धाङ् थासुङ्ॽ, हे़क्क्याङ् आसाक्के़न् पोःक्मा मिःल्ले़ खे़ङ्हाॽ खाप्पुथ्यःङ् चोगुङ्सिङ्ॽ॥ खे़ङ्हाॽरे़ खुन्छिॽ योबा के़रे़क् लायोहाॽरे़ खुम्दिङ्ङिन् खे़ङ्हाॽरे़ खुन्छिॽ थे़गेक् सम्धाङ् लुप्सुङ्ॽ॥ आङ्गाॽ मुक्साम्दाङ्बा यहवे दाङ्बे़ल्ले़ पाःत्तुआङ् वाॽरो!”
थेआङ्भे़ल्ले़ खिनिॽ तुम्से़ ताआल्ले़ इङ्गाॽ निङ्साङ् चोगुङ्बा कुइसिक् मे़घोनिङ्ङिन्, हे़क्क्याङ् खिनिॽ निङ्साङ् के़जोगुम्बा कुइसिक् याप्मि के़ङ्घोसिन्बि फाॽआङ् किआरो॥ इङ्गाॽ खिनिॽ तुम्से़ ताआल्ले़ खेमा, नाहे़म्मा, सिक्पोःक्मा, से़मा, चे़ॽया पङ्मा, मना चे़ङ्मा, आङ्दिङ् लॽमा नु ये़मे़न्दङ् ये़प्ले़क्हाॽओ के़यागिबा तुम्निङ्बि फाॽआङ् इङ्गाॽ किआरो॥
Piblisite