रोमि 2:7 - लिम्‍बु

⁷ कुभा मनाहाॽरे़ चक्‍मे़ल्‍लॽए नुबा याःम्‍बक् मे़जोगुर निङ्‌वाॽफुमाङ्‌लाम् मिमिदिङ्, मिङ्‌सो इङ्‌धाङ् नु आजुनि हिङ्‌मन् मे़गोःत्तुर मे़वाॽरो॥ खे़ङ्‌हाॽग निङ्‌वाॽफुमाङ्‌ङिल्‍ले़ मे़न्‍नुप्‍मनाबा हिङ्‌मन् पिरुसिॽरो॥

रोमि 2:7 Referans Kwoze

लुका 8:15

कर नुबा खाम्‍मो मक्‍के़धाबा याॽरिःम्‍बाहाॽग नुबा नु सेसे निङ्‌वाॽ के़गप्‍पा मनाहाॽ कुइसिक् मे़जोक्॥ खे़ङ्‌हाॽरे़ पाःन्‍जाक्‍किन् मे़घे़प्‍सुर निङ्‌वाॽओ मे़युक्‍खु हे़क्‍क्‍याङ् नासि मे़धःत्तुआङ् कुजाॽ मे़भत्‍छुरो॥”

२ तिमोथि 1:10

कर आल्‍लो आनिॽ से़न्‍लप्‍दाङ्‌बा ख्रिस्‍त ये़सुन् त्‍ये़आङ् निङ्‌वाॽफुमाङ्‌ङिल्‍ले़ कुलुङ्‌गुम् खुने़ॽओ ओसेःन्‍दाङ् पोःक्‍खे़रो॥ खुने़ॽए सिमे़ल्‍ले़ कुमुक्‍साम्‍मिन् मे़क्‍खुआङ् सुनाइङ्‌लाम् ने़त्तिगे़न् हिङ्‌मन् नु आजुनि हिङ्‌मन् ओसेःन्‍दाङ् चोगुरो॥

१ कोरन्‍थि 15:58

खे़ल्‍ले़चोगुल्‍ले़ आमिःम् फुॽनुसाॽ नु ने़ॽनुसाॽसे, खिनिॽ के़धुम्‍बा पोःक्‍खे़म्‍मे़ॽआङ् मे़म्‍मुन्‍ने वये़म्‍मे़ॽओ॥ दाङ्‌बाल्‍ले़ कुयाःम्‍बक्‍को सदादिङ् पोरे़म्‍मे़ॽर पेगे़म्‍मे़ॽओ॥ थेआङ्‌भे़ल्‍ले़ दाङ्‌बाल्‍ले़ लागि खिनिॽ याम्‍बुधिक्‍किन् चामे़सोःक्‍ने़न् फाॽआङ् के़निसुम्‍माङ् के़वयिॽरो॥

रोमि 6:23

थेआङ्‌भे़ल्‍ले़ लायोरे़ आबिबा नाम्‌याक्‍किङ्‌ग सिमे़न्‍लो, कर निङ्‌वाॽफुमाङ्‌ङिल्‍ले़ आम्‍भा आबिबा पर्धाःम्‍मिङ्‌ग आनिॽ दाङ्‌बा ख्रिस्‍त ये़सुओलाम् मे़न्‍नुप्‍मनाबा हिङ्‌मन्‍लो॥

कलस्‍सि 1:27

निङ्‌वाॽफुमाङ्‌ङिल्‍ले़ कुमनाहाॽ कुमिमिदिङ्‌गे़न् इमे़ल्‍लुङ्‌बा सिबिॽ पाःन्‍निन् थिम्‍मे़न्‍दङ् सुवाङ्‌हाॽ ओसेःन्‍दाङ् चोःक्‍मा खुने़ॽ कुसिराॽ थाङे़आङ् वाॽरो॥ ख्रिस्‍ते़न् खिनिॽओ वाॽबान्‍ने सिबिॽ पाःन्‍लो, खे़ल्‍ले़चोगुल्‍ले़ के़दाबा कुमिमिदिङ्‌गे़न् लक्‍किन् खिनिॽ के़घोसुम्‍लो॥

गलाति 6:9

आनिॽ नुबा याःम्‍बक् चोःक्‍माओ नाःस्‍सि मेःन्‍लो, थेआङ्‌भे़ल्‍ले़ नुबा याःम्‍बक् चोःक्‍मा आल्‍ले़रुम्‍मिन्‍ने़ फाॽग्र सुये़म्‍मो आनिॽ मुॽइसाम् आसुप्‍सुम्‍लो॥

रोमि 8:18

खुने़ॽ याङ्‌सि आबिबा मिमिदिङ्‌ङिन्‍नु तङ्‌माल्‍ले़ग कन् ये़म्‍मो आनिॽ आदुमुम्‍बा इनोगे़न् तुक्‍खेन् थेआङ् मेःन्‍लो फाॽआङ् इःत्तुङ्‌लो॥

रोमि 2:10

कर नुबा पान् के़जोःक्‍पा के़रे़क्‍ले़ मिमिदिङ्, मिङ्‌सो इङ्‌धाङ् नु सनारुङ्‌ङिन् मे़घोसुॽ—तगि यहुदिहाॽरे़ हे़क्‍क्‍याङ् थिम्‍मे़न्‍दङ् सुवाङ्‌हाॽरे़आङ् मे़घोसुॽरो॥

निङ्‌वाॽफु साम्‍लोसुम् 37:3

यहवे दाङ्‌बान् ताःक्‍पो चोगे़ॽआङ् वेॽहाॽ नुरिक् मे़त्ते़से़ॽओ, हे़क्‍केलॽरिक् लाजेॽओ के़युङ्‌ङाङ् से़ःप्‍सिङ्‌मा के़घोसुरो॥

निङ्‌वाॽफु साम्‍लोसुम् 27:14

यहवे दाङ्‌बान् हाङ्‌घे़ॽओ॥ के़धुम्‍बा पोःक्‍खे़ॽओ, हे़क्‍क्‍याङ् के़सिक्‍लुङ्‌मो हाङ्‌हाङ् लॽरे़र आःन्‍छिङ्‌ङे़ॽओ॥ यहवे दाङ्‌बान् हाङ्‌घे़ॽओ॥

१ युहुन्‍ना 2:25

हे़क्‍क्‍याङ् आबुगे़न् कुस्‍साःल्‍ले़ पिनिङ् फाॽआङ् चोगुबा माङ्‌हे़क्‍किङ्‌ग मे़न्‍नुप्‍मनाबा हिङ्‌मन्‍लो॥

रोमि 9:23

हे़क्‍क्‍याङ् तगिसा कुमिमिदिङ्‌ङिन् खोमा फाॽआङ् यारिप् चोगुसिआङ् लुङ्‌माॽ तुक्‍तुसिबाहाॽ इमे़ल्‍लुङ्‌बा कुमिमिदिङ्‌ङिन् ओसेःन्‍धाक्‍से़ निङ्‌वाॽफुमाङ्‌ङिल्‍ले़ अक्‍खे चोगुरो॥

युहुन्‍ना 5:44

खिनिॽ आबाङे मिङ्‌सो इङ्‌धाङ् के़बिआसि, कर थिक्‍लक् निङ्‌वाॽफुमाङ्‌लाम् के़दाबा मिङ्‌सो इङ्‌धाङ्‌ङिङ्‌ग के़ङ्‌गोःत्तुम्‍मिन्, हे़क्‍केःल्‍ले़ आक्‍खेलॽरिक् खिनिॽ याप्‍मि नसान् चोःक्‍मा के़सुक्‍तिबे?”

निङ्‌वाॽफु साम्‍लोसुम् 37:34

यहवे दाङ्‌बान् हाङ्‌घाम्‍मे़ॽओ, हे़क्‍क्‍याङ् खुने़ॽ कुलाम्‍मो लाङ्‌घेगे़म्‍मे़ॽओ॥ लाजेॽ सिङ्‌बुङ्‌हाॽ युक्‍मारे़ लागि खुने़ॽ थाःङ् के़भोक्‍खिरो, कुइगे़भे़म्‍बा मनान् मे़क्‍पा खिनिॽ मिक्‍किल्‍ले़ए निसुरो॥

अयुब 17:9

हे़क्‍केसाङ् साम्‌योबाहाॽ आबाङे खुन्‍छिॽ ये़प्‍ले़क्‍को मे़वाॽरो हे़क्‍क्‍याङ् आबाङे हुक्‍किन् सेसे के़गप्‍पाहाॽ आल्‍लसाङ् के़धुम्‍बा मे़बोङ्‌ल मे़बेःक्‍लो॥

हिब्रु 6:15

हे़क्‍केलॽरिक् अब्राहामरे़ निङ्‌वाॽ हाङ्‌गे़म्‍सिङ्‌ल हाङ्‌घुआङ् माङ्‌हे़क्‍को के़वाॽबा पाःन्‍हाॽ खोसुरो॥

हिब्रु 6:12

हे़क्‍क्‍याङ् खिनिॽ ले़म्‍स्‍वाबा मनाहाॽ कुइसिक् मेःन्, कर नसान् नु निङ्‌वाॽ हाङ्‌गे़म्‍सिङ्‌मालाम्‍बा निङ्‌वाॽफुमाङ्‌ङिल्‍ले़ माङ्‌हे़क् चोगुबान् लक् के़घोबाहाॽरे़ खुनिॽ चोःङ् इःत्ते़म्‍मे़ॽओ के़लॽबा आनिगे निङ्‌वाॽ वाॽरो॥

इजकिएल 18:17

खुने़ॽ याङ्‌गे़साॽबे़न् तुक्‍खे मे़जाःत्तुन्‌ॽ, कुस्‍सा चामारे़ लागि सिङ्‌नात् याङ् मे़बिरुन्‍छिन्‌ॽ, हे़क्‍क्‍याङ् के़रे़क् आङ्‌गाॽ आधिम्‍हाॽ नु आइङ्‌जाङ्‌हाॽ इःत्तु नाःत्तुॽ॥ अक्‍तङ्‌बा मनान् खुने़ॽ कुम्‍बारे़ कुलायोहाॽरे़ चोगुल्‍ले़ मे़सिने़न्, खे़न् से़क्‍खाए हिङ्‌ॽ॥

मत्ति 25:46

हे़क्‍क्‍याङ् खे़ङ्‌हाॽग मे़न्‍नुप्‍मनाबा खुम्‍दिङ्‌ङो मे़बेःक्‍लो, कर साम्‌योबाहाॽग मे़न्‍नुप्‍मनाबा हिङ्‌मन्‍नो मे़बेःक्‍लो॥”

लुका 21:19

खिनिॽ कन् के़रे़क् पाःन्‍हाॽ के़धरुम्‍मिल्‍ले़ए खिनिॽ हिङ्‌मन्‍निन् ताङ्‌लो॥”

युहुन्‍ना 4:36

हे़क्‍क्‍याङ् के़सुम्‍बाल्‍ले़ खुने़ॽ कुनाम्‌याक् खोसुरो॥ हे़क्‍क्‍याङ् खे़ङ्‌हाॽरे़ मे़न्‍नुप्‍मनाबा हिङ्‌मन्‍ले़ लागि पोगुगे़न् कुजान् मे़सुप्‍सुरो॥ हे़क्‍केलॽरिक् याॽरिःम्‍बा के़हेॽबा नु चा के़सुम्‍बा ने़प्‍माङ् सःत्‍छिरो॥

१ कोरन्‍थि 15:42

हे़क्‍क्‍याङ् सिमे़न्‍लाम् याम्‍मो हिङ्‌मान्‍नाङ् बा हे़क्‍तङ्‌बाए चोक्‍लो॥ कन् नासिङ्‌गे़न् थक्‍किन् सिःॽ हे़क्‍क्‍याङ् लुप्‍माआङ् किःॽ, कर सिमे़न्‍लाम् याम्‍मो के़हिङ्‌बा थक्‍किन् आजुनि पोङ्‌लो॥

१ कोरन्‍थि 15:50

आल्‍ल आमिःम् फुॽनुसाॽ नु ने़ॽनुसाॽसे, इङ्‌गाॽ पाःप्‍मा कोःत्तुङ्‌बान् कन्‍लो, ने़क्‍सा नु माक्‍खिॽइल्‍ले़ निङ्‌वाॽफुहाङ्‌जुम्‍मिल्‍ले़न् लक् खोमा मे़सुक्‍तुन्‍लो, हे़क्‍केलॽरिक्‍के के़मे़क्‍पा के़बेःक्‍पाल्‍ले़ आप्‍फाल्‍ले़आङ् मे़म्‍मे़क्‍मनाबाल्‍ले़न् लक् खोमा मे़सुक्‍तुन्‍लो॥

एफिसि 6:24

आनिॽ दाङ्‌बा ये़सु ख्रिस्‍ते़न् मिःम्‍जि के़मे़प्‍पा के़रे़क्‍नु लुङ्‌गुम्‍मिन् सदादिङ् वाॽररो॥

१ तिमोथि 1:17

हे़क्‍क्‍याङ् मे़न्‍नुप्‍मनाबा हाङ्‌ङिन्, आजुनि नु आले़क्‍खा थिक्‍लक् निङ्‌वाॽफुमाङ्‌ङिन् मिङ्‌सो इङ्‌धाङ् नु मिमिदिङ् सदादिङ् पोङ्‌लरो॥ आमे़न्॥

हिब्रु 2:7

खे़ङ्‌हाॽग माङ्‌लाइङ्‌बाहाॽनुःल्‍ले़ च्‍यॽरक् योयोक् के़जोगुसि, खे़ङ्‌हाॽ मिमिदिङ् नु मिङ्‌सो इङ्‌धाङ्‌ले़ तिचःन् के़घुःक्‍तुसिरो॥