रोमि 2:4 - लिम्बु4 मे़ःङ्ग्र खिनिॽ निङ्वाॽफुमाङ्ङिल्ले़ लुङ्माॽ के़दुक्तिबान्, नासि के़धःत्तिबान् हे़क्क्याङ् कुसिक् नःम्नःम् लॽबान् हने़ के़लेःत्तुम्बि? खिनिॽ लायोलाम् के़हिन्दिर फाॽआङ् निङ्वाॽफुमाङ्ङिल्ले़ खिनिॽ साॽरिक् लुङ्माॽ के़दुक्तिबा फाॽआङ् कुसिङ् के़न्निःत्तुम्मिन्बि? Gade chapit la |
रोमि 2:4
51 Referans Kwoze
खे़न् एगाङ् यहवे दाङ्बे़न् खुने़ॽ कुबेसाङ्लाम् पोःक्खे़आङ् अक्खे के़लॽबा उवा चोगु, “यहवे दाङ्बा, यहवे दाङ्बान् मना साॽरिक् लुङ्माॽ के़दुक्पा नु के़नुॽबा निङ्वाॽफुमाङ्, हे़क्क्याङ् हने़ कुसिक् मे़म्बोःक्मनाबा नु साॽरिक् नासि के़धःप्पा चोक्, खे़ब्याङ् थधप् मे़ल्लॽमनाबा मिम् आमे़प्मे़प्पा नु नसाःन्साबा चोक्॥
थेआङ्भे़ल्ले़ निङ्वाॽफुमाङ्ङिल्ले़ आनिॽ खोमा के़बोङ्बा खुम्दिङ्लाम् ताङ्गे़से़ःप्पा सिदुङ्जभा पोङ्से़ ख्रिस्ते़न् पाङ्घुयुसु॥ खुने़ॽ कुमाक्खिॽइन् आनिॽ लागि वादेःन्दुबा फाॽआङ् नसान् के़जोःक्पा के़रे़क्ले़ लायोलाम् ले़प्मि मे़घोसुॽरो॥ निङ्वाॽफुमाङ्ङिल्ले़ कन् याःम्बक्किन् चोगुआङ् आबाङे खुने़ॽ कुदोःप्मा खासे़न् के़जोःक्पा चोक् फाॽआङ् ओसेःन्धाक्सिङ्, थेआङ्भे़ल्ले़ ख्रिस्ते़न् युमानुःल्ले़ तगि खुने़ॽ कुसिक्किन् थरुआङ् मे़न्छाम् याप्मिहाॽरे़ मे़जोगुबा लायोल्ले़न् खुम्दिङ् मे़बिरुन्छिन्लो॥
अक्खेलॽरिक् निङ्वाॽफुमाङ्ङिन् लुङ्माॽ तुक्माल्ले़ कुधिम् नु के़जिःप्पा चोक् फाॽआङ् नुरिक्काङ् निङ्वाॽ पिरे़म्मे़ॽओ॥ नसान् के़ले़प्पाहाॽ के़रे़क् खुने़ॽ के़साक्पा खुम्दिङ् पिरुसिॽ, कर खिनिॽ कुलुङ्गुम्मो चक्मे़ल्लॽए के़वयिॽने़ फाॽग्र लुङ्माॽ के़दुक्तिॽरो॥ मेःन्ने फाॽग्र खिनिॽआङ् के़जे़प्तिआङ् लाप्के़भुसिॽरो॥
खिनिॽ के़रे़क्ले़ सिक्लुङ्मो हाङ्हाङ् के़बोःक्खिआङ् खिनिॽ लुङ्माॽ तुक्सिङ्मो थिक्हुप् के़बोःक्खिर के़लॽबा आनिङ्वाॽ वाॽरो, हे़क्केलॽरिक् खिनिॽ के़रे़क्ले़ कुलिङ्दो इःत्छिङ्साम् के़घोसुम्माङ् निङ्वाॽफुमाङ्ङिल्ले़ कुसिबिॽ पाःन्निन् कुसिङ् के़निःत्तुम्लरो॥ खे़न् कुसिबिॽ पाःन्निङ्ग ख्रिस्ते़न्नेरो॥
‘यहवे दाङ्बान् हने़ कुसिक् मे़म्बोःक्मनाबा नु लुङ्माॽ आदुक्तुक्पा चोक्, फे़न्याःम्बक् नु लायो लासोत् ले़प्मि के़बिबा चोक्, कर आप्तिक्साबान् आत्तिन् परिक्ले़आङ् आप्तिक् मेःन्नेबा मे़न्जोःक्मनाबा, पाधे़बा थाःक्थे़बाहाॽरे़ खुन्छिॽ लायोल्ले़ कुले़क्वा खुन्छिॽ सुम्सि लिसि थाःक् थारिक्साङ् खुम्दिङ् के़बिबा चोक्॥’
हे़क्क्याङ् खुने़ॽ अक्खेलॽरिक् पेलिगे़न् तुवा चोगु, “यहवे दाङ्बाए, थे आसेःन्छा आङ्गाॽ हिम्मोनु लःम्मा तगिए खे़ने़ॽ अक्खेए के़जोगु फाॽआङ् आङ्गाॽ मे़म्बाःप्पान्बि? खे़ल्ले़चोगुल्ले़ आङ्गाॽ तर्सिस ले़प्माङ् खे़त्छिङ्मा पेःक्मा आसुक्सुक् निङ्वाॽ चोगुङ्॥ खे़ने़ॽ मिःम्जिदाङ्बा, लुङ्गुम्साबा, सदादिङ् नासि के़धःप्पा, सदादिङ् लुङ्माॽ आदुक्तुक्पा निङ्वाॽफुमाङ्ने़रो, खे़ने़ॽ आबाङे के़निङ्वान् के़नुःक्तुॽ खे़ब्याङ् खुम्दिङ् के़म्बिरुसिन्ॽ फाॽआङ् आङ्गाॽ निसुङ्॥
हे़क्क्याङ् आङ्गाॽ खे़ङ्हाॽ लत्छा सिक्लुङ्माॽ नु आङ्गाॽ ले़प्माङ् के़वाॽबा निङ्वाॽ पिरुङ्सिङ्ॽ॥ आङ्गाॽ खे़ङ्हाॽरे़ खुन्छिॽ पान् मे़ङ्घे़म्मनाबा लुङ् हे़क्तङ्बा सिक्लुङ्मान् खे़त्तुङ्देसुङ्ॽ हे़क्क्याङ् इङ्जाङ् के़इःप्पा के़नाःप्पा नःम्नःम्बा सिक्लुङ्माॽ पिरुङ्सिङ्ॽ,
Piblisite