रोमि 2:25 - लिम्‍बु

²⁵ खे़ने़ॽ साम्‌योथिम् इङ्‌जाङ्‌ङिन् के़इःत्तु के़नाःत्तुॽने़ फाॽग्र हर्दो के़हे़गुबान् नुबाए पोङ्‌लो, कर साम्‌योथिम् इङ्‌जाङ्‌ङिन् के़भेःन्‍दुने़ फाॽग्र हर्दो मे़न्‍हे़क्‍मनाबा कुइसिक् के़बोङ्‌लो॥

रोमि 2:25 Referans Kwoze

यर्मिया 4:4

यहुदाए हे़क्‍क्‍याङ् यरुसले़ःम्‍मोबा मनासे, यहवे दाङ्‌बे़न्‍नु के़जोगुम्‍बा माङ्‌हुप्‍ले़ इबु हर्दो हे़क्‍मान् याम्‍मो चोगे़म्‍मे़ॽओ कर कन् इबुन् के़जोगुम्‍मिल्‍ले़ सिक्‍लुङ्‌मोलाम्‍बाए चोगे़म्‍मे़ॽओ॥ मेःन्‍ने़भग्र खिनिॽ फे़न्‌याःम्‍बक्‍हाॽरे़ चोगुल्‍ले़ आङ्‌गाॽ आसिक् पोःक्‍मे़न् मि हे़क्‍के हुरुरुना तिःत्‍लो हे़क्‍क्‍याङ् आत्तिल्‍ले़आङ् खे़न् से़प्‍मा मे़सुक्‍तुन्‍लो॥”

गलाति 6:15

हर्दो हे़क्‍मासाङ् मे़न्‍हे़क्‍मासाङ् थेआङ् मे़बोङ्‌ने़ल्‍लो, कर कुसङ् मना पोङ्‌मान्‍ने यम्‍बा पाःन्‍लो॥

सेःक्‌युक्‍मिबाहाॽ 7:51

“खिनिॽग साॽरिक् कुनिङ्‌वाॽ के़धुङ्‌बा थिङ्‌गानि के़जोगिरो! निङ्‌वाॽफुमाङ्‌ङिल्‍ले़ कुइङ्‌घङ्‌ङिन् खे़म्‍मा खिनिॽ ने़क्‍खोॽ थुङ्‌लो॥ खिनिॽ सुधे़बाहाॽ हे़क्‍केए के़लॽरिआङ् सदादिङ् सेसेमाङ्‌ङिन् के़अत्तुम्‍लो॥

साम्‌योथिम् इङ् 30:6

यहवे दाङ्‌बा खिनिॽ निङ्‌वाॽफुमाङ्‌ङिन् खिनिॽ के़रे़क् सिक्‍लुङ्‌माॽ नु के़रे़क् साःङ्‌गो सक्‍माःल्‍ले़ मिःम्‍जि के़मे़त्तुम्‍ल फाॽआङ् खुने़ॽ खिनिॽ नु खिनिॽ मुॽइदाङ्‌साहाॽरे़ खुन्‍छिॽ निङ्‌वाॽओ हर्दो हे़गु के़बिरिॽ, हे़क्‍क्‍याङ् खिनिॽ हिङ्‌मा के़सुक्‍तिर॥

रोमि 2:28

यहुदि थिम्‍मिल्‍लक् के़इःप्‍पा के़नाःप्‍पे़न् से़क्‍खाबा यहुदि मेःन्, हे़क्‍क्‍याङ् हर्दो हे़क्‍माङ्‌ग लाकात्‍पा नु नासिङ्‌गे़न् थक्‍कोबा पाःन्‍लक्‍लो॥

रोमि 2:23

खे़ने़ॽ साम्‌योथिम् इङ्‌जाङ्‌ङिन् ले़स्‍सुङ् लॽरिक् आङ्‌दिङ् के़लॽ, कर साम्‌योथिम्‍मिन् के़भेःन्‍दुआङ् निङ्‌वाॽफुमाङ्‌ङिल्‍ले़ कुजाःत्‍थि के़देसुरो॥

रोमि 2:13

थेआङ्‌भे़ल्‍ले़ साम्‌योथिम्‍मिन् खे़म्‍माआङ्‌लक् निङ्‌वाॽफुमाङ्‌ङिल्‍ले़ कुनिमाओ साम्‌योबा आम्‍बोङ्‌ने़न्, कर साम्‌योथिम्‍मिन् के़इःप्‍पा के़नाःप्‍पाहाॽरक् निङ्‌वाॽफुमाङ्‌ङिल्‍ले़ साम्‌योबा आलेःत्‍लो॥

रोमि 2:26

हर्दो मे़न्‍हे़क्‍मनाबा थिम्‍मे़न्‍दङ् सुवाङ्‌हाॽरे़ साम्‌योथिम्‍मिन् मे़इःत्तुॽ मे़नाःत्तुल्‍ले़ निङ्‌वाॽफुमाङ्‌ङिल्‍ले़ खे़ङ्‌हाॽ हर्दो के़हे़क्‍पा हे़क्‍केए इतुसिरो॥

रोमि 2:27

हे़क्‍केःल्‍ले़ खिनिॽ साम्‌योथिम् नु हर्दो हे़क्‍मा थिम् के़गप्‍पाआङ् साम्‌योथिम्‍मिन् के़भेःम्‍बा यहुदिसे, नासिङ्‌गे़न् थक्‍को हर्दो हे़क्‍मा थिम् मे़ङ्‌गप्‍मना कर साम्‌योथिम् के़इःप्‍पा के़नाःप्‍पाहाॽरे़ खिनिॽ के़लाॽरिबा आप्‍तिक्‍किन् के़म्‍गुःत्तिॽरो॥

१ कोरन्‍थि 7:19

हर्दो हे़क्‍मान् नु मे़न्‍हे़क्‍माङ्‌ग यम्‍बा पान् मेःन्‍लो, कर निङ्‌वाॽफुमाङ्‌ङिल्‍ले़ कुसाम्‌योथिम् इङ्‌जाङ् के़इःप्‍पा के़नाःप्‍पा पोङ्‌माए के़ये़क्‍पा पाःन्‍लो॥

गलाति 6:13

कर खे़न् हर्दो के़हे़क्‍पाहाॽरे़ आबाङेआङ् साम्‌योथिम्‍मिन् मे़न्‍नाःत्तुन्‍लो॥ हे़क्‍केसाङ् खे़ङ्‌हाॽ आङ्‌दिङ् लॽमा मे़घोर फाॽआङ् हर्दो हे़क्‍मा थिम्‍मिन् इःप्‍मा नाःप्‍मा के़म्‍बाङ्‌घिॽरो॥