रोमि 2:21 - लिम्‍बु

²¹ हे़क्‍केने़ फाॽग्र खे़ने़ॽ वेॽहाॽ के़हुॽरुसिआङ् थेआङ् आबाङे के़न्‍हुॽसिङ्‌ङिन्‍बे? खुःम्‍मा मेःन् लॽरिक् इङ्‌गे़भोसुआङ् के़घुःन्‍बि?

रोमि 2:21 Referans Kwoze

१ कोरन्‍थि 9:27

वेॽहाॽ सुनाइङ् इङ्‌भोसुङ्‌सिङ्‌ङाङ् आबाङेग सुम्‍बोधा मेःन्‍नेबा मे़बोङ्‌ङान्‍ल फाॽआङ् नासिङ्‌गे़न् आधक्‍किन् इङ्‌गाॽ आयुक्‍को कत्तुङ् हे़क्‍क्‍याङ् आयोक् चोगुङ्‌लो॥

लुका 12:47

“हे़क्‍क्‍याङ् आत्तिन् से़वारोबाल्‍ले़ खुने़ॽ कुन्‍दाङ्‌बाल्‍ले़ कुनिङ्‌वाॽइन् निसुसाङ् खे़न् कुइसिक् यारिप् मे़म्‍बोङ्‌ङे कुन्‍दाङ्‌बाल्‍ले़ कुनिङ्‌वाॽ हे़क्‍के मे़जोगुन्‍निल्‍ले़ खे़ल्‍ले़ साॽरिक् ते़ःम्‍भुक् खोसुॽरो॥

मिका 3:11

खे़प्‍मोबा लाम्‍लोबाहाॽरे़ सुरुत् याङ्‌ले़ लागि खासे़न् मे़लोःन्‍दुरो, खे़प्‍मोबा निङ्‌वाॽफुसाम्‍बाहाॽरे़ नाम्‌याक्‍ले़ लागि मे़हुॽरुसिरो, हे़क्‍क्‍याङ् खे़प्‍मोबा माङ्‌निङ्‌वाॽपान् के़बाःप्‍पाहाॽरे़ याङ्‌ले़ लागि माङ्‌निङ्‌वाॽपान् मे़बाःत्तुरो॥ हे़क्‍क्‍याङ्‌साङ् खे़ङ्‌हाॽ यहवे दाङ्‌बाओ मे़घे़ःम्‍सिङ्‌लो खे़ब्‍याङ् खे़ङ्‌हाॽरे़ अक्‍खे मे़बाःत्तुरो, “थे़मा यहवे दाङ्‌बे़न् आनिॽ लुम्‍मो मे़वाॽने़न्‍नाङ्‌बि? आनिॽओ थे़माआङ् ताप्‍फे़ःम्‍बा पान् मे़बोङ्‌ने़न् मे़दाने़न्‍लो॥”

लुका 11:46

कर ये़सुरे़ नोगप् पिरु, “खिनिॽ साम्‌योथिम्‍साम्‍बाहाॽआङ् के़जिःत्तिरो, थेआङ्‌भे़ल्‍ले़ खिनिॽग के़लिःप्‍पा कक् हे़क्‍तङ्‌बा के़साक्‍पा थिम्‍हाॽ के़जोगुम्‍माङ् मनाहाॽ के़गुःत्तुम्‍सिम्, कर खिनिॽग कक् याङ्‌याङ् लॽर फाॽआङ् आबाङे हुक्‍चोधिक्‍किल्‍ले़आङ् खे़न् के़न्‍छुसुम्‍मिन्‍लो॥

लुका 19:22

हे़क्‍केःल्‍ले़ हाङ्‌ङिल्‍ले़ खे़न् से़वारोबान् मे़त्तु, “खे़ने़ॽ ताक्‍के़भे़ॽबा सेवारोबे! आल्‍ल बा खे़ने़ॽ के़बाःन्‍नोलाम् आप्‍तिक् कुःत्‍ने़ॽरो॥ इङ्‌गाॽ थे मे़बिरुङ्‌ङिन् बा खे़न् नाःक्‍तुङ्, थे़मा मे़देसुङ्‌ङिन् खे़न् सुप्‍सुङ् फाॽआङ् खे़ने़ॽए निङ्‌वाॽ के़गत्तुरो॥

लुका 4:23

ये़सुरे़ खे़ङ्‌हाॽ मे़त्तुसि, “निस्‍सेसाङ् खिनिॽ कन् खे़दाॽइन् इङ्‌गाॽ आमे़न्‍नो के़बाःत्तुम्‍बिला, ‘सिदाॽसाम्‍बे, तगि खे़ने़ॽ नुसिङ्‌ङे़ॽओ॥’ हे़क्‍केलॽरिक् कपर्नहुम्‍मो के़जोगुबा आनिगे खे़प्‍सुम्‍बे़बा हे़क्‍केए कन् के़बाङ्‌जुम्‍मोआङ् चोगे़ॽओ॥

मत्ति 21:13

ये़सुरे़ खे़ङ्‌हाॽ अक्‍खे मे़त्तुसि, “साम्‌योसाप्‍लाओ साप्‍ते़आङ् पत्, ‘इङ्‌गाॽ आहिम्‍मिङ्‌ग तुवा चोःक्‍मा हिम् पोङ्,’ कर खिनिॽग फाःन्‍दाहाॽ चिङ्‌सिङ्‌मा ते़न् के़जोगुम्‍माङ् के़वयिॽरो!”

इजकिएल 22:27

खे़ने़ॽओबा लाम्‍लोबाहाॽग सानाःत्‍हाॽ कुजक्‍ता कुले़म्‍दा के़जोःक्‍पा पराबाहाॽ हे़क्‍तङ्‌बा मे़जोक्॥ से़क्‍खाःल्‍ले़ खे़ङ्‌हाॽरे़ याङ्‌ले़ लागि मनाहाॽ मे़स्‍ये़रुसिॽ॥

गलाति 6:13

कर खे़न् हर्दो के़हे़क्‍पाहाॽरे़ आबाङेआङ् साम्‌योथिम्‍मिन् मे़न्‍नाःत्तुन्‍लो॥ हे़क्‍केसाङ् खे़ङ्‌हाॽ आङ्‌दिङ् लॽमा मे़घोर फाॽआङ् हर्दो हे़क्‍मा थिम्‍मिन् इःप्‍मा नाःप्‍मा के़म्‍बाङ्‌घिॽरो॥

यसैया 56:11

खे़ङ्‌हाॽग साॽरिक् खुन्‍छिॽ सिक्‍के़लाःक्‍पा कोःत्‍चोसिरो, खे़ङ्‌हाॽ आभे़ल्‍ले़आङ् मे़ङ्‌घाने़न्‍लो, खे़ङ्‌हाॽ खासिङ् मे़न्‍निःप्‍मनाबा मे़ःन्‍दा पित् के़गम्‍बासिरो॥ खे़ङ्‌हाॽ के़रे़क् आबाङे खुन्‍छिॽ लाम्‍मो लाङ्‌मे़घेःक्‍काङ् मे़वाॽरो, के़रे़क्‍ले़ आबाङे खुन्‍छिॽ नुबा के़बोङ्‌बा पाःन्‍हाॽरक् मे़गोःत्तुरो॥

यसैया 42:20

खे़ने़ॽ यरिक् पाःन्‍हाॽ के़निसुआङ् के़वाॽरो, कर सिङ्‌सिङ् ये़क्‌ये़क्‍काङ् निङ्‌वाॽओ मे़न्‌युङ्‌ङे के़गत्तुरो॥ खे़निॽ के़ने़भाक्‍हाॽग हङ् लॽरिक्‍के पत्‍लो, कर खे़ने़ॽ थेआङ् के़ङ्‌घे़प्‍सुल्‍लो॥