रोमि 2:19 - लिम्‍बु

¹⁹ हे़क्‍क्‍याङ् मिक्‍फःम्‍बाहाॽरे़ खुनिॽ लाम्‍लोबा नु खादाम्‍मालुम्‍मो के़वाॽबाहाॽरे़ खुनिॽ ओःत्तिआ फाॽआङ् निस्‍से के़जोगुआङ् के़वाॽ,

रोमि 2:19 Referans Kwoze

१ कोरन्‍थि 4:10

आनिगे़ग ख्रिस्‍तरे़ कुलागि अदङ् चोगिगे़ॽ, कर खिनिॽग ख्रिस्‍तरे़ कुलागि सिक्‍कुम्‍साबा के़जोगिमुबा! आनिगे मे़न्‍धुम्‍ना चोगिगे़ॽ, कर खिनिॽग के़धुम्‍बा के़जोगिमुबा! खिनिॽ मिङ्‌सो इङ्‌धाङ् के़घोसुम्, कर आनिगे़ग मे़घोसुम्‍बे़म्‍मुबा!

युहुन्‍ना 9:34

खे़ङ्‌हाॽरे़ खे़न् मे़मे़त्तु, “खे़ने़ॽग सागे़वाःन्‍छिङ्‌ङाङ्‌धो लायोओए के़वाॽरो! खे़ने़ॽ आनिगे हुॽमा याप्‍मि के़गोःप्‍पि?” हे़क्‍के मे़मे़त्तुर खे़न् यहुदि चुम्‍लुङ्‌हिम्‍मोनु लाःक्‍कात् मे़जन्‍दु मे़लःत्तुरो॥

मत्ति 15:14

हे़क्‍केःल्‍ले़ खे़ङ्‌हाॽरे़ खुनिॽ पाःन्‍निन् मे़घे़प्‍से़म्‍मिन्‍ने़ॽओ॥ खे़ङ्‌हाॽग मिक्‍फःम्‍बा लाम्‍लोबासिरो॥ मिक्‍फःम्‍बाल्‍ले़ मिक्‍फःम्‍बे़न् लाम्‍लोसुने़ फाॽग्र ने़प्‍माङ् लुम्‍बाःत्तो के़ङ्‌सि लाःत्‍छिॽरो॥”

मत्ति 6:23

कर खे़ने़ॽ के़मिक्‍किन् फे़न्‍ने़ फाॽग्र के़रे़क् नासिङ्‌गे़न् के़धक्‍किन् खादाम्‍मो वाॽरो॥ खे़ल्‍ले़चोगुल्‍ले़ खे़ने़ॽओबा से़न्‍दाङ्‌गे़न् ओःत्तिःन्‍ने खादाम्‍ने़ फाॽग्र खे़न् खादाम्‍मान् आक्‍खे़न् साॽरिक् पोङ्‌बिला॥

मत्ति 5:14

खिनिॽग इक्‍सादिङ् खाम्‍बेःक्‍मोबा ओःत्तिनिङ्‌लो॥ कोःक्‍माओबा ये़क्‌यक्‍किन् थेःल्‍ले़आङ् इःप्‍मा मे़सुक्‍तुन्॥

यसैया 56:10

इस्राइलबा कम्‍ब्राङ्‌बाहाॽ मिक्‍फःम्‍बा मे़जोक्‍लो, खे़ङ्‌हाॽ के़रे़क् सिक्‍कुम् निङ्‌वाॽ मेःन्‍नेबा मे़जोक्‍लो॥ खे़ङ्‌हाॽ हमा मे़न्‍छुक्‍मनाबा के़बा कोःत्‍चो कुसिक् मे़लॽरो, हाबा ले़म्‍बे़त् ने़मा नु इम्‍मारक् खुन्‍छिॽ सिराॽधाङ्‌लो॥

यसैया 49:6

यहवे दाङ्‌बे़ल्‍ले़ पाःत्तुॽ, “आसे़वारोबाए, आल्‍लसाङ् खे़ने़ॽ चोःक्‍मा के़बोङ्‌बा यम्‍बा याःम्‍बक् के़गत्तुरो॥ खे़ने़ॽ इस्राइलबा के़दाङ्‌बा के़याःक्‍पाहाॽ याम्‍मो आङ्‌गाॽओ के़नुःक्‍तु के़दारुसिरो, खे़म्‍म्‍याक्‍लक् मेःन्, मे़न्‍छाम् सुवाङ्‌लुम्‍मो यम्‍बा ओःत्ति चोःक्‍ने़रो॥ हे़क्‍क्‍याङ् इक्‍सादिङ् खाम्‍बेःक्‍किल्‍ले़ कुनुप्‍माधारिक् आङ्‌गाॽ आसे़न्‍लप्‍पिन् खे़ने़ॽ के़गे़त्तुरो॥”

यसैया 5:21

आबाङे ओगे़मे़त्‍छिङ्‌बाआङ् सिक्‍कुम्‍निबा नु आबाङे खुन्‍छिॽ निङ्‌वाॽबो चाःप्‍पादिगे़ के़लॽबाहाॽ मे़जिःत्ते़ मे़स्‍ये़रो॥

खाहुन् 26:12

आप्‍फेक् कुनिमो खुने़ॽ आप्‍फेक् सिक्‍कुम्‍साबा के़लेःत्‍छिङ्‌बा मनान् थे के़निसुआङ् वाॽबि? खे़न्‍नुःल्‍ले़ग परुमाल्‍ले़ अदङ्‌ङिल्‍ले़ कुलागि यरिक् निङ्‌साङ् चोःक्‍मा सुक्‍ते़त्‍लो॥

फिलिप्‍पि 2:15

हे़क्‍क्‍याङ् खिनिॽग सेसे नु फोत्‍या मेःन्‍नेबा निङ्‌वाॽफुमाङ्‌ङिल्‍ले़ कुस्‍सा के़बोःक्‍खिॽ, हे़क्‍क्‍याङ् कन् इक्‍साबा ताक्‍के़भे़ॽबा नु लायोबा मनाहाॽनु के़वयिल्‍ले़ खामाक्‍लुम्‍मो के़ओःप्‍पा ओःत्तिहाॽ कुइसिक् खे़ङ्‌हाॽ लुम्‍मो के़ओःत्तिॽरो॥

१ कोरन्‍थि 3:18

खिनिॽ इङ्‌मे़ले़क्‍कासिम्‍मिन्‍ने़ॽओ! आत्तिल्‍ले़ कन् इक्‍सादिङ् खाम्‍बेःक्‍मो सिक्‍कुम्‍दाङ्‌बा नु चाःप्‍पा चोःक्‍का लॽरिक् निङ्‌वाॽ इःत्तुॽ हाराॽ खे़न् थेआङ् मे़ल्‍ले़ःम्‍नाबा अदङ् कुइसिक् पोङ्‌निरो॥ हे़क्‍केःल्‍ले़ खे़न् सिक्‍कुम्‍साबा पोङ्॥

लुका 1:79

हे़क्‍क्‍याङ् खादाम्‍मा नु सिमे़ल्‍ले़न् साम्‍म्रिःप्‍पो के़वाॽबाहाॽओ खे़न् नाम्‍साङ्‌ङिन् ओःत्‍लो, हे़क्‍क्‍याङ् आनिॽ लाङ्‌भोन् सनारुङ् लाम्‍मो तोःन्‍छिङ्‌लो॥”

मर्कुस 10:15

इङ्‌गाॽ से़क्‍खाए मे़त्‍निङ्, हाःत्‍ले़ हिन्‍जाॽ हे़क्‍के कुदोःप्‍मा निङ्‌वाॽइल्‍ले़ निङ्‌वाॽफु हाङ्‌जुम्‍मिन् मे़दाःक्‍तुन्, खे़न् खे़प्‍मो लाःप्‍मा मे़घोने़न्‍लो॥”

मत्ति 4:16

खादाम्‍मो के़वाॽबा मनाहाॽरे़ पयम् यम्‍बा ओःत्तिन् मे़निसुरो॥ सिमे़ल्‍ले़न् खामाक्‍माओ के़वाॽबाहाॽरे़ खुनिॽ लुम्‍मो ओःत्तिधिक् ओःत्‍लो॥”

रोमि 2:18

हे़क्‍क्‍याङ् खुने़ॽ कुनिङ्‌वाॽइन् के़निसुॽआङ् साम्‌योथिम्‍मिन् के़हुॽसिङ्‌बाल्‍ले़ चोगुल्‍ले़ नुबा पाःन्‍हाॽ सेःक्‍मा के़सुक्‍तुॽ,

रोमि 2:20

अदङ्‌हाॽरे़ खुनिॽ सुजादाङ्‌बा हे़क्‍क्‍याङ् निङ्‌वाॽफुमाङ्‌ङिल्‍ले़ कुयाःम्‍बेओ मे़ल्‍ले़ःमनाबाहाॽरे़ खुनिॽ सिक्‍साम्‍बाआ लॽरिक् के़इःत्तुॽ, थेआङ्‌भे़ल्‍ले़ खे़ने़ॽ साम्‌योथिम्‍मो काक् सिक्‍कुम्‍दिङ् निङ्‌वाॽ नु से़क्‍खा पाःन्‍हाॽ खोसुङ्‌ङाङ् वाॽआ फाॽआङ् के़इःत्तुॽरो॥