रोमि 15:4 - लिम्‍बु

⁴ पेये़म्‍मो साम्‌योसाप्‍लाओ साप्‍ते़बा काक् पाःन्‍हाॽरे़ आनिॽ निसाम् आहुॽर फाॽआङ् साप्‍ते़बारो॥ हे़क्‍केलॽरिक्‍के नासि आधःत्तुम्‍मिल्‍ले़ हे़क्‍क्‍याङ् साम्‌योसाप्‍लालाम् आनिॽ हाङ्‌हाङ् आलॽइल्‍ले़ निङ्‌वाॽफुमाङ्‌ङिल्‍ले़ आबिरे़बा माङ्‌हे़क्‍हाॽ के़त् फाॽआङ् निस्‍सेए निङ्‌साङ् आजोगुम्‍लो॥

रोमि 15:4 Referans Kwoze

१ कोरन्‍थि 10:11

कन् हिन्‍दोक्‍हाॽग आनिॽ लागि कुबि कुइसिक् पोःक्‍खे़आङ् आनिॽ लागि साम्‍दिङ् पोङ्‌ल फाॽआङ् खे़न् साप्‍ते़बारो॥ आनिॽग कन् इक्‍सादिङ् खाम्‍बेःक्‍माल्‍ले़ कुनुप्‍मा ये़म्‍मो के़प्‍मा आइःत्ते़आङ् आवाॽरो॥

रोमि 12:12

खिनिॽ निङ्‌साङ् के़जोगुम्‍बाल्‍ले़ चोगुल्‍ले़ सःत्ते़म्‍मे़ॽओ, इनोगे़न् तुक्‍खे के़ज्‍ये़ॽइल्‍ले़ नासि थःत्ते़म्‍मे़ॽओ, तुवा चोःक्‍मा मे़ले़रे़म्‍मिन्‍ने़ॽओ॥

१ पत्रुस 1:13

खे़ल्‍ले़चोगुल्‍ले़ माङ्‌से़वा चोःक्‍मा फाॽआङ् निङ्‌वाॽओ यारिप् पोःक्‍खे़म्‍मे़ॽ, हे़क्‍क्‍याङ् निङ्‌वाॽइन् योधो मे़म्‍मे़त्ते वये़म्‍मे़ॽओ॥ ये़सु ख्रिस्‍ते़न् नुःङ् युःल्‍ले़ के़घोसुम्‍बा लुङ्‌गुम्‍मिन् कुलिङ्‌दो के़त्‍ल निङ्‌साङ् चोगे़म्‍मे़ॽओ॥

निङ्‌वाॽफु साम्‍लोसुम् 102:18

निङ्‌वाॽफुमाङ्‌ङिल्‍ले़ थे चोगु, खे़न् के़दाबा मे़न्‍छाम् थाःक्‍हाॽरे़ लागि साप्‍ते़म् युक्‍खे़म्‍मे़ॽओ, हे़क्‍केःल्‍ले़ ताःन्‍दि के़दाबा मनाहाॽरे़ कुनारा मे़भोसुरो॥

निङ्‌वाॽफु साम्‍लोसुम् 119:50

आङ्‌गाॽ आदुक्‍खे आलाक्‍खेओआङ् आःन्‍छिङ्‌मा खोसुङ्‌ङाङ् वाॽआरो, थेआङ्‌भे़ल्‍ले़ के़माङ्‌हुप्‍पिल्‍ले़ आङ्‌गाॽ हिङ्‌मन् पिराङ्‌ङाङ् वाॽआरो॥

हबकुक 2:2

खे़ब्‍याङ् यहवे दाङ्‌बे़ल्‍ले़ आङ्‌गाॽ नुगप् पिराङ्‌लो, “खे़ने़ॽ कन् सुफोन् साप्‍लुङ्‌हाॽओ नुरिक् साप्‍ते़ॽओ, हे़क्‍केलॽरिक् इङ्‌साबे़न् खे़न् इङ्‌घङ्‌ङिन् तेॽमाआङ् लोःक्‍मा सुक्‍लरो॥

१ थिस्‍सलोनिकि 1:3

आनिॽ पानुदिङ् पा निङ्‌वाॽफुमाङ्‌ङिल्‍ले़ कुनिमाओ नसाःन्‍लाम्‍बा के़जोगुम्‍बा खिनिॽ याःम्‍बक्‍किन्, वेॽहाॽ लुङ्‌माॽ के़दुक्‍तुम्‍सिम्‍माङ् स्‍याङ्‌मे़न्‍दाङ् के़जोगुम्‍बान् हे़क्‍क्‍याङ् आनिॽ दाङ्‌बा ये़सु ख्रिस्‍तरे़ याम्‍मो कुनुःङ्‌मा युमा निङ्‌साङ्‌लाम् के़दाबा निङ्‌वाॽ हाङ्‌गे़म्‍सिङ्‌मान् आनिगे चक्‍मे़ल्‍लॽए निङ्‌वाॽ इःत्तुम्‍बे़रो॥