रोमि 14:8 - लिम्‍बु

⁸ खे़ल्‍ले़चोगुल्‍ले़ आनिॽ आहिङ्‌साङ् दाङ्‌बाल्‍ले़ कुलागि आहिङ्, आस्‍सिसाङ् दाङ्‌बाल्‍ले़ कुलागि आसिरो॥ हे़क्‍केःल्‍ले़ आहिङ्‌साङ् आस्‍सिसाङ् आनिॽग दाङ्‌बाल्‍ले़न्‍नेरो॥

रोमि 14:8 Referans Kwoze

फिलिप्‍पि 1:20

इङ्‌गाॽग आयाःम्‍बक्‍किल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ कुदगि सिरिङ्‌ममो आप्‍फाल्‍ले़आङ् मे़धाआन्‍नि कर इङ्‌गाॽ हाङ्‌हाङ् के़लॽबा पोङ्‌ङाङ् सिआसाङ् हिङ्‌ङासाङ् इङ्‌गाॽ आहिङ्‌मन्‍लाम्‍बा आल्‍लो हे़क्‍के सदादिङ् ख्रिस्‍तरे़ कुमिङ्‌सो इङ्‌धाङ् पोङ्‌ल फाॽआङ् पयम् निङ्‌वाॽ नु निङ्‌साङ् चोगुङ्‌लो॥

१ थिस्‍सलोनिकि 5:10

खुने़ॽ आनिॽ ले़क्‌वा स्‍ये़रो, खे़ल्‍ले़चोगुल्‍ले़ दाङ्‌बान् युःल्‍ले़ आनिॽ चाङ्‌जाङ्‌ङाङ् आयुङ्‌साङ् आइम्‍माङ् आने़साङ् आनिॽ के़रे़क् खुने़ॽनुए हिङ्‌मा आसुक्‍लरो॥

१ कोरन्‍थि 15:23

कर आनिॽ के़रे़क्‍ले़ आबाङे ये़म्‍मिन् हाङ्‌माए पोङ्‌लो॥ सिमे़न्‍लाम् के़हिङ्‌बाहाॽओ ख्रिस्‍ते़ङ्‌ग तुम्‍बारो, हे़क्‍क्‍याङ् खुने़ॽ नुःङ् युःल्‍ले़ कुमनाहाॽ मे़हिङ्‌लो॥

सेःक्‌युक्‍मिबाहाॽ 21:13

कर पावलरे़ आनिगे अक्‍खे मे़त्तिगे़, “खिनिॽ थेआङ् के़हाबिआङ् आसाॽइ यक्‍ल के़याःन्‍दुम्‍बाबे? इङ्‌गाॽग यरुसले़म्‍मो दाङ्‌बा ये़सुरे़ कुलागि साक्‍सिङ्‌मारक् मेःन्, कर सिमा पोङ्‌साङ् यारिप् वाॽआरो॥”

सुफो 14:13

हे़क्‍क्‍याङ् साङ्‌ग्राम्‍पेदाङ्‌ङो इक्‍लाधिक् अक्‍खेलॽरिक् पारे़बा खे़प्‍सुङ्, “कन् पाःन्‍निन् साप्‍ते़ॽ, आल्‍लआङ्‌धो दाङ्‌बान् नसान् के़जोःक्‍पाआङ् के़सिबाहाॽग मुॽइसाबासिरो॥” सेसेमाङ्‌ङिल्‍ले़ पाःत्तु, “से़क्‍खाए खे़ङ्‌हाॽ मुॽइसाबासिरो, खे़ङ्‌हाॽ खुनिॽ याम्‍बुधिक्‍लाम् मे़नाःम्‍सिङ्, थेआङ्‌भे़ल्‍ले़ खे़ङ्‌हाॽरे़ मे़जोगुबा याःम्‍बक् कुइसिक् हाङ्‌से़म् मे़घोसुॽरो॥”

फिलिप्‍पि 2:17

दाङ्‌बाओबा खिनिॽ नसाःन्‍निन् नु सेसे माङ्‌सेवाःङ्‌ग के़दोःन्‍दुम्‍बा सिदुङ्‌जभा कुइसिक् चोक्‍लो॥ हे़क्‍क्‍याङ् इङ्‌गाॽ आहिङ्‌मन्‍निन् खे़न् सिदुङ्‌जभाओ योॽमा पोङ्‌साङ् इङ्‌गाॽ ओमु लॽआ, हे़क्‍क्‍याङ् खिनिॽनुए सःत्तारो॥

सेःक्‌युक्‍मिबाहाॽ 20:24

कर आहिङ्‌मन्‍नो दाङ्‌बा ये़सुरे़ पिराङ्‌बा याःम्‍बक्‍किन् चोःक्‍मा सुःप्‍मा हे़क्‍क्‍याङ् निङ्‌वाॽफुमाङ्‌ङिल्‍ले़ कुलुङ्‌गुम्‍मिल्‍ले़ कुयाःम्‍बेओ सुनाइङ्‌घङ् इङ्‌भोमाआङ्‌धो वेॽ थेआङ् मे़इःत्तुङ्‌ङिन्‍लो॥

फिलिप्‍पि 2:30

थेआङ्‌भे़ल्‍ले़ खिनिॽ आलागि पिमा के़न्‍छुक्‍तुम्‍मिन्‍बा कुभाॽइन् खुने़ॽ पिराङ्‌ङिल्‍ले़ ख्रिस्‍तरे़ कुयाःम्‍बक्‍ले़ लागि खुने़ॽ खप्‍मे़न् स्‍ये़रो॥

सेःक्‌युक्‍मिबाहाॽ 13:36

दाउदरे़ निङ्‌वाॽफुमाङ्‌ङिल्‍ले़ खुने़ॽ कुहिङ्‌मन् खाराक् से़वा चोगु, हे़क्‍क्‍याङ् खुने़ॽ स्‍ये़रो॥ हे़क्‍क्‍याङ् आनिगे पाधे़बाहाॽनुए मे़हुम्‍सुआङ् किरे़ पेरो॥

युहुन्‍ना 21:19

ये़सुरे़ अक्‍खे मे़त्तुर पत्रुसे़न् के़दाबा ये़म्‍मो आत्तिन् परिक्‍ले़न् सिमे़न्‍लाम् निङ्‌वाॽफुमाङ्‌ङिन् मिमिदिङ् चोगुॽ फाॽआङ् ओसेःन्‍धाक्‍तुआङ् वये़रो॥ हे़क्‍क्‍याङ् दाङ्‌बाल्‍ले़ पत्रुसे़न् मे़त्तु, “इङ्‌गाॽ तिःक्‍ताङ्‌ङे़ॽओ!”

लुका 20:38

खे़ल्‍ले़चोगुल्‍ले़ खुने़ॽग कुसिवे़त्‍हाॽरे़न् मेःन्, कर कुहिङ्‌वे़त्‍हाॽरे़ खुनिॽ निङ्‌वाॽफुमाङ्‌लो, थेआङ्‌भे़ल्‍ले़ खुने़ॽ कुलागिग के़रे़क् कुहिङ्‌वे़त्ते मे़वाॽरो॥”