रोमि 14:2 - लिम्‍बु

² कुबिओ, थिक् नसानिबाल्‍ले़ काक् पाःन्‍हाॽ चामा थुङ्‌मा नुॽ लॽरिक् नसान् चोगुॽ, कर नसाःन्‍नो कुनिङ्‌वाॽ के़बाःक्‍पा नसानिबाल्‍ले़ग नुधि-साक्‍चिरक् चरो॥

रोमि 14:2 Referans Kwoze

१ तिमोथि 4:4

थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ चोगुबा के़रे़क् पाःन्‍हाॽ नुबा चोक्‍लो॥ हे़क्‍क्‍याङ् अप्‍मा मे़नुॽने़न्‍लो, कर नोगे़न् पिमाआङ् ते़न्‍दिङ्‌गे़न् सुदाःक्‍मा नुॽरो॥

रोमि 14:14

दाङ्‌बा ये़सुरे़ कुयुक्‍लाम् इङ्‌गाॽग आत्तिन् कुजाःन्‍नाङ् आजिःन्‍जिःम्‍बा मे़जोक्‍ने़न् फाॽआङ् आनिङ्‌वाॽओ निस्‍से वाॽआ, कर आत्तिन् मनाःल्‍ले़ कुभा कुजाहाॽ आजिःन्‍जिःम्‍बा चोक् फाॽआङ् इःत्तुॽ, खे़ङ्‌ग खुने़ॽ कुलागि आजिःन्‍जिःम्‍बाए पोङ्‌लो॥

खाहुन् 15:17

पजिःत् चिःत्‍छिङ्‌मादे़न्‍नो के़सोबा सा चामानुःल्‍ले़ग लुङ्‌माॽ तुक्‍सिङ्‌मादे़न्‍नो नुधिसाक्‍चिरक् चामा नुबारो॥

हिब्रु 13:9

परिक् परिक्‍पा कुसङ् निसाम्‍हाॽओ लाम्‍मे़बोःत्ते़म्‍मिन्‍ने़ॽओ॥ साक्‍थिम् कुइसिःक्‍पा चामा थुङ्‌माल्‍ले़ग मेःन्, कर निङ्‌वाॽफु लुङ्‌गुम्‍लाम्‍बाने़ खिनिॽ याम्‍साम्‍मिन् के़धुम्‍बा पोङ्‌मा नुबा पोङ्‌लो॥ हे़क्‍तङ्‌बा चामा थुङ्‌मा थिम् के़इःप्‍पा के़नाःप्‍पाहाॽरे़ थेआङ् इन्‍धाःक् मे़ङ्‌घोसुन्‍लो॥

गलाति 2:12

तगि खुने़ॽ थिम्‍मे़न्‍दङ् सुवाङ्‌बा नसानिबाहाॽनु सोरिक् चर वये़, कर याकुबरे़ यहुदि कुन्‍जुम्‍हाॽ खे़प्‍मो मे़द्‌ये़ल्‍ले़ खुने़ॽ सोरिक् युङ्‌माआङ् चामा ले़रु, थेआङ्‌भे़ल्‍ले़ खुने़ॽ थिम्‍मे़न्‍दङ् सुवाङ्‌हाॽरे़न्‍नाङ् हर्दो हे़क्‍माए पोङ् के़लॽबा खे़न् मनाहाॽनु किसे़आङ् वये़रो॥

तोलिङ्‌सोमु 9:3

कुसक्‍मा के़याक्‍पा मुन्‍जिङ् वयाक् के़लॽबा के़रे़क् थक्‍सापुसाहाॽ खिनिॽ चामा कुजा पोङ्॥ के़रे़क् सरेःक्‍क्‍याःप्‍पा थाबुदिङ् सिङ्‌बुङ् लुङ्‌बुङ्‌हाॽ खिनिॽ पिनिङ्‌बा हे़क्‍केए आल्‍ल खिनिॽ के़रे़क् पाःन्‍हाॽ पिनिङ्‌लो॥

हिब्रु 9:10

खे़न् पाःन्‍हाॽग चामा थुङ्‌मा नु परिक्‍परिक्‍पा सुत्‍थो चोःक्‍सिङ्‌मारे़ लागि वाहप्‍सिङ्‌मा थिम्‌रक्‍लो॥ निङ्‌वाॽफुमाङ्‌ङिल्‍ले़ काक् पाःन्‍हाॽ कुसङ् मे़न्‍जोःक्‍के थारिक् खे़ङ्‌हाॽग नासिङ्‌गे़न् थक्‍को इःप्‍मा नाःप्‍मा के़बोङ्‌बा थिम्‍हाॽ वये़रो॥

तितस 1:15

सेसे निङ्‌वाॽ के़गप्‍पा मनाहाॽनु काक् पाःन्‍हाॽ सेसेए चोक्‍लो, कर चिःन्‍जिःम्‍बा नु नसान् मे़ङ्‌गप्‍मनाबाहाॽरे़ लागि थेःन्‍नाङ् सेसे मे़जोःक्‍किन्‍लो॥ थेआङ्‌भे़ल्‍ले़ खे़ङ्‌हाॽरे़ खुनिॽ निङ्‌वाॽ नु खासिङ्‌ङिन् फे़त्‍लाॽरे़आङ् वाॽरो॥

१ कोरन्‍थि 10:25

पाङ्‌जुम्‍मो मे़सङ्‌घुबा थे साःसाङ् कन् सिदुङ्‌जभा चोःक्‍मनाबा साबि मेःम्‍बि लॽरिक् सेःन्‍मे़न्‍दोए चे़म्‍मे़ॽओ॥

दानिए़ल 1:12

“खे़ने़ॽ के़से़वारोबाहाॽ, आनिगे थिबोङ् ये़न् थारिक् ओआमे़त्ते़ आसाॽरे़ॽ॥ आनिगे चामारे़ लागि नुधि साक्‍चिॽ नु थुङ्‌मारे़लागि च्‍वाःत्‍लक् आबिरे़ॽ॥

दानिए़ल 1:16

कल्‍ले़चोगुल्‍ले़ खे़न् कम्‍ब्राङ्‌बाल्‍ले़ खे़ङ्‌हाॽ पिमासि के़बोङ्‌बा कुजाॽ के़नुॽबा कुजाहाॽ नु चे़ल्‍ले़क्‍सेॽ थिहाॽ खे़त्तुदेसुआङ् खे़ङ्‌हाॽ नुधि साक्‍चिॽ पिरुसि॥

तोलिङ्‌सोमु 1:29

खे़ब्‍याङ् निङ्‌वाॽफुमाङ्‌ले़ पाःत्तु, “इक्‍सा खाम्‍बेःक्‍मोबा याॽरिःम्‍बा के़लिङ्‌बा के़रे़क् कुबुङ्‌हाॽ हे़क्‍क्‍याङ् कुजाॽओए याॽरिःम्‍बा के़याक्‍पा के़रे़क् सिङ्‌सेॽहाॽ पिने़छिङ्‌ङाङ् वाॽ॥ खे़न्‍हाॽ खिन्‍छिॽ चामारे़ लागि कुजा पोङ्‌लो॥

रोमि 14:1

नसाःन्‍नो निङ्‌वाॽ के़बाःक्‍पा नसानिबाहाॽरे़ मे़इःत्तुबा निङ्‌वाॽ पाःन्‍निन् इङ्‌दो मे़म्‍मे़त्ते खिनिॽ सेसे तङ्‌जुम्‍मो खे़ङ्‌हाॽ ताःक्‍ते़म्‍सिम्‍मे़ॽओ॥

रोमि 14:20

चामा थुङ्‌मारे़लागि निङ्‌वाॽफुमाङ्‌ङिल्‍ले़ कुयाःम्‍बक्‍किन् फे़त्‍मे़लाःन्‍दे़म्‍मिन्‍ने़ॽ॥ काक् कुजा कुधिहाॽ सुत्‍थो नु सेसे चोक्, कर मना के़घबा कुजा चामाग नुबा मे़बोङ्‌ने़ल्‍लो॥

रोमि 15:1

आनिॽ नसाःन्‍नो के़धुम्‍बाहाॽरे़ आबाङे निङ्‌वाॽ तामा मे़नुॽने़न्, कर नसान् के़सुःम्‍बाहाॽ कुभाॽ पिमासि पोङ्‌लो॥

१ कोरन्‍थि 8:9

कर खिनिॽ चामा थुङ्‌माओबा चोःक्‌युम्‍भोःल्‍ले़ चोगुल्‍ले़ नसाःन्‍नो मे़न्‍धुम्‍मनाबा नसानिबाहाॽ लायोओ मे़न्‍धाने़न्‍ल फाॽआङ् सिङ्‌सिङ् ये़क्‌ये़क् लॽरे़म्‍मे़ॽओ॥

१ कोरन्‍थि 9:22

नसान् के़बाःक्‍पाहाॽनु वयाङ्‌ङिल्‍ले़ खे़ङ्‌हाॽ ख्रिस्‍तओ ताःप्‍मासि फाॽआङ् इङ्‌गाॽआङ् नसान् के़बाःक्‍पा कुइसिःक्‍के पोःक्‍खाङ्‌लो॥ कुभा मनाहाॽ ख्रिस्‍तओ ताःप्‍मा सुक्‍तुङ्‌सिङ्‌बि फाॽआङ् काक् मनाहाॽ कुइसिःक्‍के पोःक्‍खाङ्‌लो॥