रोमि 14:11 - लिम्बु11 साम्योसाप्लाओ अक्खेलॽरिक् साप्ते़आङ् पत्, “से़क्खाए माङ्हे़क्सिङ्ङा, काक् मे़न्छाम् याप्मिहाॽ इङ्गाॽ आदगि थुङ्बोहजॽ मे़लेःत्तुआङ् साम्बोन् मे़भन्छिङ्, हे़क्क्याङ् के़रे़क्ले़ निङ्वाॽफुमाङ्आ फाॽआङ् ते़न्दिङ् मे़जोःक्का लॽरिक् यहवे दाङ्बाल्ले़ पाःत्तुॽरो॥” Gade chapit la |
रोमि 14:11
15 Referans Kwoze
खे़निॽ मिक्के़ल्ले़ के़रे़क् पिसाङ् थे पोङ्ल पत् खे़न् ओमे़त्ते़म्मे़ॽओ, खे़निॽ मनाहाॽ मे़जुम्ल मे़बत् खे़ङ्हाॽ हिम्मो मे़दार मे़बत्लो॥ आङ्गाॽ सदादिङ् कुहिङ्वे़त् वाॽआबा कुइसिक् यहवे दाङ्बे़ल्ले़ पाःत्तुरो, ‘सिसामेःत्तिन् वाःत्ति सामापुमाहाॽ नु हाङ्हाङ् लॽबा कुसिङ् खे़ने़ॽ के़मनाहाॽनु हाङ्हाङ् के़लॽरो॥’
हे़क्क्याङ् निङ्वाॽफुमाङ्ङिल्ले़ थिम्मे़न्दङ् सुवाङ्हाॽ लुङ्माॽ तुक्तुसिबाल्ले़ चोगुल्ले़ खे़ङ्हाॽरे़ खुने़ॽ कुमिमिदिङ् मे़जोगुर फाॽआङ् खुने़ॽ त्ये़बारो॥ अक्खेलॽरिक् निङ्वाॽफु साम्लोसुम् के़साप्पाल्ले़ साप्तुआङ् पत्, “खे़ल्ले़चोगुल्ले़ थिम्मे़न्दङ् सुवाङ्हाॽरे़ खुनिॽ लुम्मो इङ्गाॽ ने़म्भोगे़न् के़नारा फोसुङ्लो, हे़क्क्याङ् के़मिङ्सो इङ्धाङ् के़जोःक्पा से़वासाम्लोन् साम्मे़त्तुङ्लो॥”
कल्ले़चोगुल्ले़ मुक्साम्दाङ्बा यहवे, इस्राइलबा निङ्वाॽफुमाङ्ङिल्ले़ उवा चोगुरो, “आङ्गाॽ कुहिङ्वे़त् वाॽआबा कुइसिक्, से़क्खाए मोआबे़न् सदोम हे़क्तङ्बा पोङ्लो अम्मोनिहाॽ गमोरान् हे़क्के ताम्भुङ् याःन्सुङ् नु युम् के़याक्पा पाक्लुम्लुम्बादे़न् पोङ्लो, हे़क्क्याङ् सदादिङ्ले़ लागि चा मे़न्नुॽमनाबा लाजेॽ पोङ्लो॥ के़वाॽबा के़याःक्पा आमनाहाॽरे़ खे़ङ्हाॽ मे़नाप्तुसिरो, खे़ब्याङ् के़हिङ्बा के़याःक्पा आङ्गाॽ आसुवाङ्हाॽरे़ खे़ङ्हाॽरे़ खुन्छिॽ लाजेन् मे़युक्तुरो॥”
“आङ्गाॽ कुहिङ्वे़त् वाॽआबा कुइसिक्, आङ्गाॽ मुक्साम्दाङ्बा यहवे दाङ्बे़ल्ले़ पाःत्तुॽ, आङ्गाॽ वरे़ङ्ले़ङ् खिनिॽ मिङ् मासुङ् पिनिङ्ॽ॥ सिक्के़ले़ःङ्बा खिनिॽ लायोहाॽ नु सिक् वयाक् के़मे़प्पा खिनिॽ चइःत्हाॽरे़ आङ्गाॽ आहिम्मिन् के़जिःन्दुम्बाल्ले़ चोगुल्ले़ चबे़ःत्छिक्काङ् आलुङ्माॽ स्याःत् के़ल्लॽरिन्ॽ॥
Piblisite