रोमि 13:8 - लिम्‍बु

⁸ हाराॽ खिनिॽ लुम्‍मो लुङ्‌माॽ तुक्‍सिङ्‌माआङ्‌धो वेॽ पाःन्‍निल्‍ले़न् सिङ्‌नात्तो मे़बत्‍छे़म्‍मिन्‍ने़ॽओ, थेआङ्‌भे़ल्‍ले़ वेॽ मनाहाॽ लुङ्‌माॽ के़दुक्‍तुम्‍सिम्‍ने़ फाॽग्र साम्‌योथिम्‍मिल्‍ले़ पाःत्तुबा पाःन्‍निन् के़गे़त्तुम्‍लो॥

रोमि 13:8 Referans Kwoze

रोमि 13:10

लुङ्‌माॽ के़दुक्‍पाल्‍ले़ हाःत्ताङ् ताप्‍फे़ःल्‍लिक् मे़मे़त्तुन्‍लो॥ खे़ल्‍ले़चोगुल्‍ले़ लुङ्‌माॽ तुक्‍सिङ्‌मान्‍ने साम्‌योथिम्‍मिल्‍ले़ पाःत्तुबा पाःन्‍निन् के़प्‍मनाबा पोङ्‌लो॥

गलाति 5:14

थेआङ्‌भे़ल्‍ले़ काक् साम्‌योथिम्‍मिन् लत्‍छा इङ्‌जाङ्‌ङो के़रे़आङ् वाॽरो, “आबाङे लुङ्‌माॽ के़दुक्‍सिङ्‌बा कुइसिक् के़बाङ्‌भेॽसाबान् लुङ्‌माॽ तुक्‍ते़ॽओ॥”

मत्ति 7:12

“के़रे़क् पाःन्‍नो मनाहाॽरे़ आक्‍खेलॽरिक् खिनिॽ के़म्‍मे़त्ति के़म्‍इःत्तिबा निङ्‌वाॽ के़जोगुम्, हे़क्‍केलॽरिक्‍के खिनिॽआङ् खे़ङ्‌हाॽ इःत्ते़म्‍सिम्‍मे़ॽओ, थेआङ्‌भे़ल्‍ले़ कन् थिम्‍मो मोसारे़ साप्‍तुबा साम्‌योथिम् नु माङ्‌निङ्‌वाॽपान् के़बाःप्‍पाहाॽरे़ मे़बाःत्तुबा पाःन्‍निन् के़त्‍लो॥”

रोमि 13:7

काक् हुङ्‌मा के़बोङ्‌बान् हुङे़म्‍मे़ॽ—के़रे़क् हुङ्‌मा के़बोङ्‌बा एःङ्‌याङ्‌हाॽ हुङे़म्‍मे़ॽ, के़रे़क् मिङ्‌सो इङ्‌धाङ् पिमा के़बोङ्‌बाहाॽ मिङ्‌सो इङ्‌धाङ् पिरे़म्‍सिम्‍मे़ॽओ॥

याकुब 2:8

से़क्‍खाए साम्‌योसाप्‍लाओबा सुहाङ्‌गे़न् थिम् “खिनिॽ पाङ्‌भेॽसाबाहाॽ आबाङे कुइसिःक्‍के लुङ्‌माॽ तुक्‍ते़म्‍सिम्‍मे़ॽओ” के़लॽबा पाःन्‍ने़न् के़इःत्तुम् के़नाःत्तुम्‍ने़ फाॽग्र खिनिॽ नुबाए के़जोगुम्‍लो॥

कलस्‍सि 3:14

हे़क्‍क्‍याङ् कन् के़रे़क्‍नुःल्‍ले़ यरिक् लुङ्‌माॽ तुक्‍कासिम्‍मे़ॽओ॥ खे़ल्‍ले़ए खिनिॽ थिक्‍हुप् पोङ्‌मा कुलिङ्‌दो के़गे़त्तिॽरो॥

युहुन्‍ना 13:34

“खे़ल्‍ले़चोगुल्‍ले़ आल्‍ल खिनिॽ लुङ्‌माॽ तुक्‍कासिम्‍मे़ॽ फाॽआङ् इङ्‌गाॽ कुसङ् इङ्‌जाङ् पिनिङ्‌लो॥ खिनिॽ इङ्‌गाॽ लुङ्‌माॽ तुक्‍निङ्‌बा कुइसिःक्‍के लुङ्‌माॽ तुक्‍कासिम्‍मे़ॽओ॥

१ तिमोथि 1:5

कन् इङ्‌जाङ्‌ङिल्‍ले़न् निङ्‌वाॽसोक्‍किङ्‌ग सेसे निङ्‌वाॽ, नुबा खासिङ् नु से़क्‍खाबा नसाःन्‍लाम् के़लःम्‍बा मिःम्‍जिरो॥

१ युहुन्‍ना 3:10

निङ्‌वाॽफुमाङ्‌ङिल्‍ले़ कुस्‍साहाॽ नु माफे़न्‍साम्‍मिल्‍ले़ कुस्‍साहाॽओ मे़न्‍दङ्‌मना पाःन्‍निन् आम्‍भा कन्‍लो—आत्तिल्‍ले़ साम्‌योथिम् कुइसिक् नुबा याःम्‍बक् मे़जोगुन् हे़क्‍क्‍याङ् नसानिबा फुॽनुसाॽ नु ने़ॽनुसाॽहाॽ लुङ्‌माॽ मे़दुक्‍तुसिन् खे़ङ्‌ग निङ्‌वाॽफुमाङ्‌ङिल्‍ले़ कुस्‍सा मेःन्‍लो॥