रोमि 12:8 - लिम्बु8 मनाहाॽ हाङ्हाङ् मे़प्मासि पर्धाःम् के़गप्पाल्ले़ हाराॽ हाङ्हाङ् मे़त्तुसिर, मनाहाॽ फाॽमा पर्धाःम् के़गप्पाल्ले़ हाराॽ कुनिङ्वाॽ हन्दुआङ् फाॽरुसिर, लाम्लोबा पोङ्मा पर्धाःम् के़गप्पाल्ले़ हाराॽ निङ्वाॽ पिरुआङ् मनाहाॽ लाम्लोसुसिर, मनाहाॽ लुङ्माॽ तुक्मा पर्धाःम् के़गप्पाल्ले़ हाराॽ पसःत्सःत्ल लुङ्माॽ तुक्तुसिररो॥ Gade chapit la |
रोमि 12:8
57 Referans Kwoze
निङ्वाॽफुमाङ्ङिल्ले़ ख्रिस्तरे़ कुधक् सेसेहुप्लक्को अक्खेलॽरिक् सेःक्युक् चोगुसिआङ् वाॽरो— थिक्सिगेःक्पो सेःक्युक्मिबाहाॽ, निसिगेःक्पो माङ्निङ्वाॽपान् के़बाःप्पाहाॽ, सुम्सिगेःक्पो सिक्साम्बाहाॽ, हे़क्क्याङ् निङ्वाॽ के़माबा याःम्बक् के़जोःक्पाहाॽ, के़दुक्पा मनाहाॽ के़वेःम्बाहाॽ, कुभाॽ के़बिबाहाॽ, लाम्गे़लोबाहाॽ, हे़क्क्याङ् परिक्परिक्पा वेॽ पाःन्दाङ् के़बाःप्पाहाॽ॥
खिनिॽ लाम्लोबाहाॽरे़ के़म्मे़त्तिबा पाःन्निन् खे़प्से़म्मे़ॽ, हे़क्क्याङ् खुनिॽ युक्को वये़म्मे़ॽओ॥ खे़ङ्हाॽरे़ खिनिॽ कम्ब्राङ् के़म्मे़त्तिआङ् निङ्वाॽफुमाङ्ङो लक्पे़न्साबा मे़बोङ्लो॥ हे़क्केलॽरिक् खे़ङ्हाॽरे़ खे़न् याःम्बक्किन् मे़सःत्ल निङ्वाॽ मे़न्दुक्के मे़जोगुररो॥ खे़ङ्हाॽरे़ खुनिॽ निङ्वाॽ के़दुक्सुम् के़बिरुम्सिम्ने़ फाॽग्र खिनिॽ लागि थेआङ् इन्धाःक् मे़बोङ्ने़ल्लो॥
हे़क्केःल्ले़ के़रे़क् लाम्लोबाहाॽरे़ आबाङे खिनिॽ ओमे़त्ताम्सिम्मे़ॽ हे़क्क्याङ् खिनिॽ लक्पे़न्नो के़वाॽबा मनाहाॽ नुरिक्काङ् ओमे़त्ते़म्सिम्मे़ॽओ॥ सेसेमाङ्ङिल्ले़ खिनिॽ कम्ब्राङ् के़मे़प्पा के़जोगिआङ् वाॽ॥ निङ्वाॽफुमाङ्ङिल्ले़ लुङ्माॽ तुक्तुबा आबुगे़न् कुस्साःल्ले़ कुमाक्खिॽइल्ले़ इङुबा सेसेहुप्लक्किन् कम्ब्राङ् मे़त्ते़म्मे़ॽ॥
कन् माङ्से़वा याःम्बक्कोलाम् खिनिॽ आक्तङ्बा के़जोगिॽ के़लॽबान् वेॽहाॽ ओसेःन्गे़धाक्तुम्सिम्माङ् के़वयिॽरो॥ खिनिॽ ख्रिस्तरे़ कुसुनाइङ्ङिन् नसान् के़जोगुम्माङ् इङ्जाङ्गे़म्बा के़बोःक्खिबान्, हे़क्क्याङ् के़गत्तुम्बा पाःन्हाॽ खिनिॽ निङ्वाॽ के़हन्दुम्माङ् के़रे़क् के़हाःत्तुम्सिम्बान् मे़निसुबाल्ले़ चोगुल्ले़ मनाहाॽरे़ निङ्वाॽफुमाङ्ङिल्ले़ कुनारा मे़भोसुॽरो॥
कन् इक्सा खाम्बेःक्मोरक् मेःन्, कर खिनिॽ तगिआङ् निङ्वाॽफुमाङ्ङिल्ले़ कुनिङ्वाॽ कुइसिक् आनिगे ये़प्ले़क्किन् सेसे नु कुदोःप्मा कत्तुम्बे़ के़लॽबा पाःन्निन् मुरा मे़न्याए पाःप्मा सुक्तुम्बे़रो॥ कङ्ग मे़न्छाम् याप्मि सिक्कुम् निङ्वाॽरे़ कत्तुम्बे़बा मेःन्, कर निङ्वाॽफुमाङ्ङिल्ले़ कुलुङ्गुम्लाम्बा कत्तुम्बे़बारो॥
यहवे दाङ्बा खिनिॽ निङ्वाॽफुमाङ्ङिल्ले़ खुने़ॽ आप्फेक् कुमिङ् युङ्दे़न् चोःक्मारे़ लागि सेगुबादे़न्नो खिनिॽ, खिनिॽ साहाॽ, योग्बा योःग्मा, ये़क्यक्को के़युङ्बा ले़बिःल्ले़ कुमुॽइदाङ्साहाॽ, वेॽ लाजेॽबा मनाहाॽ, ये़त्छा होॽदोःक्हाॽ नु खिनिॽ लुम्मो के़युङ्बा मेमेदुमा के़रे़क् आप्फेक् निङ्वाॽफुमाङ्ङिल्ले़ कुदगि सःत्ते़म्मे़ॽ॥
थेआङ्भे़ल्ले़ खे़ल्ले़ आबाङे कुस्साहाॽ नु कुमुॽइदाङ्साहाॽरे़ साम्यो नु खासे़न् मे़जोगुआङ् यहवे दाङ्बाल्ले़ कुनिङ्वाॽ हे़क्के कुइङ्जाङ्हाॽ इःप्मा नाःप्मा पाङ्घुसिर फाॽआङ् आङ्गाॽ खुने़ॽ सेगुङ्ङाङ् वाॽ॥ खे़ल्ले़चोगुल्ले़ यहवे दाङ्बाल्ले़ अब्राहाम्मिन्नु चोगुबा माङ्हुप्पिन् के़त्ल चोगुरो॥”
Piblisite