रोमि 12:3 - लिम्बु3 निङ्वाॽफुमाङ्ङिल्ले़ पिराङ्बा लुङ्गुम्लाम्बा खिनिॽ साम्दिङ् पिनिङ्लो॥ खिनिॽ आक्तङ्बा के़जोगिॽ खे़न्नाङ्धो यरिक् मे़इःत्तासिम्मिन्ने़ॽओ, कर निङ्वाॽफुमाङ्ङिल्ले़ के़बिरिबा नसाःन्निल्ले़ खोःप्तुबा कुइसिःक्लक् सिङ्सिङ्ङाङ् निङ्वाॽ इःत्तासिम्मे़ॽओ॥ Gade chapit la |
रोमि 12:3
47 Referans Kwoze
खिनिॽ थाङ्बे़न्सासे, सेसेहुप्लक्कोबा तुम्लाम्लोबाहाॽरे़ खुनिॽ युक्को वाॽमा पोङ्लो॥ खिनिॽ काक् चुङ्जिगे़न् नःम्नःम्बा पोःक्खे़म्मे़ॽआङ् नुरिक् मे़त्तासिम्मे़ॽ, थेआङ्भे़ल्ले़ साम्योसाप्लाओ साप्ते़आङ् पत्, “निङ्वाॽफुमाङ्ङिल्ले़ आङ्दिङ् के़लॽबाहाॽ अत्तुसिॽ, कर नःम्नःम्बाहाॽ लुङ्गुम् पिरुसिॽरो॥”
पाःन्जाक् के़बाःप्पाल्ले़ निङ्वाॽफुमाङ्ङिल्ले़ कुबाःन्जाक् कुइसिक् पाःत्तुर, वेॽहाॽ से़वा के़जोःक्पाल्ले़ निङ्वाॽफुमाङ्ङिल्ले़ पिरुबा थुम्मिल्ले़ से़वा चोगुररो॥ हे़क्केलॽरिक् काक् पाःन्नो ये़सु ख्रिस्तलाम् निङ्वाॽफुमाङ्ङिल्ले़ कुमिमिदिङ् पोङ्लरो॥ काक् मिमिदिङ् नु मुक्साम्मिङ्ग सदादिङ् खुने़ॽइन्नेरो॥ आमे़न्॥
मे़न्छाम् याप्मिए, आत्तिन् पाःन्निन् नुबा चोक्, खुने़ॽ खे़न् खे़ने़ॽ ओसेःन्गे़धाक्ते़आङ् वाॽरो॥ हे़क्क्याङ् यहवे दाङ्बे़ल्ले़ खे़ने़ॽलाम् थे़मा खोमा निङ्वाॽ चोगु? खे़ने़ॽ कुदोःप्मा याःम्बक् चोगे़ॽ, कम्भ्रक् निङ्वाॽ चोगुॽ हे़क्क्याङ् वेॽहाॽ लुङ्माॽ तुक्ते़से़ॽओ खे़ब्याङ् निङ्वाॽफुमाङ्ङिन्नु नःम्नःम्माङ् वये़ॽओ॥
से़क्खाएरो, कर यहुदिहाॽरे़ निङ्वाॽफुमाङ्ङिन् नसान् मे़न्जोगुन्नाङ्ङे सिङ्बोराःक्किन् चे़प्माआङ् लाप्फुमनाबा कुइसिक् लाप्मे़भुसे़बारो॥ खिनिॽ नसान् के़जोगुम्बाल्ले़ चोगुल्ले़ खे़प्मो के़वयिॽरो॥ हे़क्केःल्ले़ आङ्दिङ् मे़लॽरे़म्मिन्ने़ॽओ, कर खे़न् पोःक्खे़बा पाःन्हाॽ इःत्ते़म्मे़ॽआङ् निङ्वाॽफुमाङ्ङिन् किरे़म्मे़ॽओ॥
कर आल्लो इङ्गाॽ आक्खेलॽरिक् वाॽआ खे़ङ्ग निङ्वाॽफुमाङ्ङिल्ले़ कुलुङ्गुम्मिल्ले़ चोगुल्ले़एरो॥ निङ्वाॽफुमाङ्ङिल्ले़ कुलुङ्गुम्मिन् इङ्गाॽओ चामे़सोःक्ते़न्लो॥ खे़न् वेॽ सेःक्युक्मिबाहाॽनुःल्ले़आङ् साॽरिक् याम्बुधिक्काङ् याःम्बक् चोगुङ्ङाङ् वाॽआरो, हे़क्केसाङ् इङ्गाॽ चोगुङ्बाग मेःन्लो कर इङ्गाॽओ के़वाॽबा निङ्वाॽफुमाङ्ङिल्ले़ कुलुङ्गुम्मिल्ले़ चोगुबारो॥
खे़न् फरिसिन् एःक् ये़म्सिङ्ङाङ् तुवा चोगु, ‘निङ्वाॽफुमाङ्ङे, इङ्गाॽ नोगे़न् पिने़रो, थेआङ्भे़ल्ले़ इङ्गाॽ वेॽसमा मनाहाॽ हे़क्के, साक्के़ल्ले़क्काङ् याङ् के़भोङ्बा, मना ताप्फे़ःल्लिक् के़मे़प्पा, चाराम्मा याःम्बक् के़जोःक्पा, हे़क्क्याङ् कन् एःङ्याङ् के़भोङ्बा हे़क्के इङ्गाॽ मे़जोःक्कान्लो॥
आमिःम् फुॽनुसाॽ नु ने़ॽनुसाॽसे, खिनिॽ आङ्दिङ् के़न्लॽरिन्ल फाॽआङ् कन् सिबिॽगे़न् पाःन्निन् कुसिङ् निःत्ते़म्मे़ॽ के़लॽबा आनिङ्वाॽ वाॽरो॥ कन् सिबिॽगे़न् पाःन्निङ्ग निङ्वाॽफुमाङ्ङिल्ले़ कुनिङ्सेक् कुइसिक् नसान् चोःक्मा के़बोङ्बा थिम्मे़न्दङ् सुवाङ्हाॽरे़ नसान् चोःक्मा मे़न्छुःत्ते थारिक् यरिक् यहुदिहाॽ खुनिॽ निङ्वाॽ मे़न्नुःङ्मनाबा मे़बोङ्लो॥
Piblisite