रोमि 12:2 - लिम्बु2 इक्सादिङ् खाम्बेःक्मोबा थिम्मिन्नु मे़दङ्ङासिम्मे़न्ने़ॽओ कर खिनिॽ निङ्वाॽबान् ले़क्खे़म्मे़ॽर कुसङ् पोःक्खे़म्मे़ॽर पेगे़म्मे़ॽओ॥ हे़क्केलॽरिक् निङ्वाॽफुमाङ्ङिल्ले़ नुबा, कुनिङ्वाॽ के़दाबा नु कुलिङ्दो के़गे़प्पा कुनिङ्वाॽइन् थे वाॽ खे़न् निङ्वाॽ खोमा के़सुक्तुम्लो॥ Gade chapit la |
रोमि 12:2
61 Referans Kwoze
हे़क्क्याङ् आङ्गाॽ खिनिॽ कुसङ् सिक्लुङ्माॽ पिनिङ्ॽ, खम्भ्याङ् आङ्गाॽ खिनिॽओ कुसङ् निङ्वाॽ केःत्तुङ् पिनिङ्ॽ॥ आङ्गाॽ खिनिॽ हादिङ् के़धक्पा लुङ् हे़क्तङ्बा सिक्लुङ्मे़न् खे़त्तुङ्देसुङ् पिनिङ्ॽ खे़म्ब्याङ् आङ्गाॽ नःम्नःम्बा, इङ्जाङ् इःप्मा नाःप्मा के़दे़म्बा सिक्लुङ्माॽ थिक् पिनिङ्ॽ॥
आल्ल आमिःम् फुॽनुसाॽ नु ने़ॽनुसाॽसे, निङ्वाॽफुमाङ्ङिल्ले़ लुङ्माॽ के़दुक्तिआङ् वाॽ, खे़ल्ले़चोगुल्ले़ खिनिॽ कुहिङ्वे़त् नासिङ्गे़न् थक्किन् सेसे नु निङ्वाॽफुमाङ्ङिल्ले़ कुनिङ्वाॽ के़दाबा सिदुङ्जभा कुइसिक् तोःन्दे़म्मे़ॽ फाॽआङ् साॽरिक् पेलि फाक्निङ्लो॥ खिनिॽ चोःक्मा के़बोङ्बा याम्साम्गे़न् सेवान् बा कन्लो॥
खुने़ॽ आनिॽ ताङ्आसे़ःप्ते़रो॥ कङ्ग आनिॽ आजोगुम्बा नुब् नुबा साम्योबा याःम्बक्किल्ले़ पोःक्खे़बा मेःन्लो, कर खुने़ॽ आप्फेक् लुङ्माॽ आदुक्ते़बाल्ले़ चोगुल्ले़ ताङ्आसे़ःप्ते़बारो, हे़क्क्याङ् सेसेमाङ्लाम्बा निङ्वाॽफुमाङ्ङिल्ले़ कुसङ् मना चोःक्से़ आनिॽ लायोन् वाहप्तुआङ् कुसङ् हिङ्मन् आबिरे़रो॥
आल्ल आनिगे लायो चोगुम्बे़ फाॽआङ् यहवे दाङ्बा खे़निॽ थाःक्थे़बाहाॽरे़ खुनिॽ निङ्वाॽफुमाङ्ङिल्ले़ कुदगि पाःत्ते़म्मे़ॽ हे़क्क्याङ् खुने़ॽ कुनिङ्वाॽ इसिःक् याःम्बक् चोगे़म्मे़ॽ॥ खिनिॽ लाजेॽओ के़युङ्बा थिम्मे़न्दङ् सुवाङ्हाॽ हे़क्क्याङ् वेॽ लाजेॽबा खिनिॽ मेःत्हाॽनु लाःत्लाःत् वये़म्मे़ॽ॥”
तिङ्ग्रेक्पाल्ले़ कुसेॽ के़ने़बादे़न्नो के़जुक्पा याॽरिःम्बे़ङ्ग पाःन्जाक् के़घे़म्बा मना कुइसिक् चोक्, कर खे़ल्ले़ कन् हिङ्मन्नोबा थेःन् चामा थुङ्मा नु याङ्साकुन्धेसाबा आक्खेआङ् पोङ्मा के़लॽबा निङ्वाॽइल्ले़ पाःन्जाक्किन् सुःप्तुदेसुॽ, हे़क्क्याङ् खे़ल्ले़ कुजाॽ मे़भत्छुन्लो॥
Piblisite