रोमि 12:11 - लिम्‍बु

¹¹ आप्‍फाल्‍ले़आङ् ले़म्‍सुवाबा मे़म्‍बोङ्‌ङे खिनिॽ सिक्‍सम्‍ल हाङ्‌हाङ्‌ङाङ् दाङ्‌बाल्‍ले़ कुसे़वा चोगे़म्‍मे़ॽओ॥

रोमि 12:11 Referans Kwoze

सेःक्‌युक्‍मिबाहाॽ 18:25

खुने़ॽग दाङ्‌बाल्‍ले़ कुमनाहाॽ आक्‍खेलॽरिक् हिङ्‌मा पोङ् के़लॽबान् हुॽरुसिआङ् वये़, हे़क्‍क्‍याङ् साॽरिक् नुःरिक्‍काङ् कुसिक्‍समे़र ये़सुरे़ कुयाःम्‍बेबा से़क्‍खा पाःन्‍हाॽ हुॽरुसिरो॥ हे़क्‍केसाङ् खुने़ॽग युहुन्‍नारे़ बप्‍तिस्‍मा पिरुसिल्‍ले़ हुॽरुसिबान्‍लक् ले़स्‍सुआङ् वये़रो॥

१ पत्रुस 4:8

काक्‍नुःल्‍ले़ यम्‍बा पाःन्‍निङ्‌ग सिक्‍लुङ्‌मोलाम् लुङ्‌माॽ तुक्‍कासिम्‍मे़ॽओ, थेआङ्‌भे़ल्‍ले़ लुङ्‌माॽ तुक्‍माल्‍ले़ग यरिक् लायोहाॽ ते़प्‍तुॽरो॥

खाहुन् 13:4

ले़म्‍सुवाबे़ल्‍ले़ कुभा पाःन्‍हाॽ खोमा निङ्‌वाॽ चोगुरो हे़क्‍क्‍याङ् खे़ल्‍ले़ थेआङ् मे़घोसुन्‍लो, कर याःम्‍बुदिक्‍पे़ल्‍ले़ खोमा निङ्‌वाॽ चोगुबा के़रे़क् पाःन्‍हाॽ वे़त्ते़सरे़ खोसुरो॥

हिब्रु 12:28

खे़ल्‍ले़चोगुल्‍ले़ आनिॽ यङ्‌मा सुक्‍मे़न्‍दे़प्‍मनाबा हाङ्‌जुम्‍मिन् आघोसुम्‍ल आवाॽबाल्‍ले़ चोगुल्‍ले़ नोगे़न्‍साबा पोःक्‍खिरो, हे़क्‍क्‍याङ् निङ्‌वाॽफुमाङ्‌ङिन् कुनिङ्‌वाॽ तामा फाॽआङ् मिङ्‌सो इङ्‌धाङ् पिइ किरुम्‍ल से़वा चोगुम्‍लो॥

एफिसि 4:28

के़घुःम्‍बाल्‍ले़ आल्‍लआङ्‌धो खुःप्‍मा मे़नुॽने़न्‍लो, कर खे़ल्‍ले़ मे़ङ्‌गप्‍मनाबाहाॽ पिमा सुक्‍तुसिर फाॽआङ् याम्‍बुधिक्‍काङ् नुबा याःम्‍बक् चोःक्‍माए पोङ्‌लो॥

१ पत्रुस 1:22

आल्‍ल से़क्‍खा पाःन्‍निन् खे़म्‍मा के़दे़न्‍दिआङ् आबाङे सुत्‍थो के़जोःक्‍कासिआङ् के़वयिबाल्‍ले़ चोगुल्‍ले़ फुॽनुसाॽ नु ने़ॽनुसाॽहाॽ नुरिक् लुङ्‌माॽ के़दुक्‍तुम्‍सिम्, हे़क्‍केःल्‍ले़ सिक्‍लुङ्‌मोलाम्‍मे साॽरिक् लुङ्‌माॽ तुक्‍ते़म्‍सिम्‍मे़ॽओ॥

सेःक्‌युक्‍मिबाहाॽ 20:19

इङ्‌गाॽग चुङ्‌जिगे़न् नःम्‍नःम् नु मिक्‌वा सोरिक् यहुदि निङ्‌घुम्‍मोआङ् दाङ्‌बाल्‍ले़ कुसे़वा चोगुङ्‌लो॥

मत्ति 24:12

ताप्‍फे़ःम्‍बा पाःन्‍हाॽ पोर पेःक्‍पाल्‍ले़ चोगुल्‍ले़ यरिक् मनाहाॽरे़ से़क्‍खा निङ्‌वाॽओनु लुङ्‌माॽ तुक्‍सिङ्‌मा मे़ले़रुरो॥

खाहुन् 10:26

के़सुःप्‍पाल्‍ले़ हाबोॽबान् यासुबा नु मिःक्‍खुल्‍ले़ मिक्‍किन् ले़सुबा हे़क्‍के ले़म्‍सुवाबा मनान् खुने़ॽ के़बाङ्‌बे़ल्‍ले़ कुलागि हे़क्‍तङ्‌बाए पोङ्‌लो॥

खाहुन् 22:29

कुयाःम्‍बक्‍को कुभा कुहुक्‌वा के़नुॽबा मना के़निसुबि? खुने़ॽ हाङ्‌हाॽरे़ खुन्‍छिॽ तगि याःम्‍बक् चोगुरो, मे़न्‍जोसे़न्‍जोबा मनाहाॽरे़ खुन्‍छिॽ याःम्‍बक् मे़जोगुन्‍लो॥

खाहुन् 18:9

आप्‍फेक् कुयाःम्‍बक् चोःक्‍मा कुले़म्‍के़युबा मनान् थ्‍यःङ् आमे़ङ्‌मे़ङ्‌बे़ल्‍ले़ कुन्‍साॽ हे़क्‍तङ्‌बारो॥

लाम्‍दिक् 5:17

फारोल्‍ले़ मे़त्तुसि, “खिनिॽ पले़म् के़ले़मि हे़क्‍क्‍याङ् याःम्‍बक् चोःक्‍मा निङ्‌वाॽ के़न्‍जोगुम्‍मिन्॥ कल्‍ले़चोगुल्‍ले़ खिनिॽ के़बाःत्तुम्‌ॽ, ‘यहवे दाङ्‌बाओ सिदुङ्‌जभा तोःम्‍मारे़ लागि आनिगे पेःक्‍मा आभाःक्‍ते़॥’

१ तिमोथि 5:13

हे़क्‍क्‍याङ् खे़ङ्‌हाॽ हिम्‍हिम् ताक्‍कम्‍मार अभोसिङ्‌मा, ले़म्‍स्‍वामा पोङ्‌मा मे़हुॽसिङ्‌लो॥ हे़क्‍क्‍याङ् खे़ङ्‌हाॽ ताॽजे़ङ्‌मा, चे़ॽया पङ्‌मा, मना याःम्‍बक्‍को हुक् के़याक्‍मा हे़क्‍केलॽरिक् मे़म्‍बाःत् पाःन्‍हाॽ के़बाःप्‍मा मे़बोङ्‌लो॥

यसैया 56:10

इस्राइलबा कम्‍ब्राङ्‌बाहाॽ मिक्‍फःम्‍बा मे़जोक्‍लो, खे़ङ्‌हाॽ के़रे़क् सिक्‍कुम् निङ्‌वाॽ मेःन्‍नेबा मे़जोक्‍लो॥ खे़ङ्‌हाॽ हमा मे़न्‍छुक्‍मनाबा के़बा कोःत्‍चो कुसिक् मे़लॽरो, हाबा ले़म्‍बे़त् ने़मा नु इम्‍मारक् खुन्‍छिॽ सिराॽधाङ्‌लो॥

सुफो 2:4

कर खे़ने़ॽ के़दक्‍ले़ङ्‌वाओ इङ्‌गाॽ लत्‍छा पाःन्‍धिक् पाःप्‍माए पोङ्—तगि मिःम्‍जि के़मे़त्ताङ्‌बा यारिक् अक्‍खेःल्‍ले़ इङ्‌गाॽ मिःम्‍जि के़म्‍मे़त्तान्‍लो॥

कलस्‍सि 4:1

से़वारोबाल्‍ले़ कुन्‍दाङ्‌बासे, खिनिॽ से़वारोबाहाॽ नुरिक् मे़त्ते़म्‍सिम्‍मे़ॽओ, थेआङ्‌भे़ल्‍ले़ साङ्‌ग्राम्‍पेदाङ्‌ङो खिनिॽआङ् दाङ्‌बाधिक् के़गत्तुम् के़लॽबा पाःन्‍निन् निङ्‌वाॽ मे़भेःत्‍छे़म्‍मिन्‍ने़ॽओ॥

१ कोरन्‍थि 7:22

थेआङ्‌भे़ल्‍ले़ दाङ्‌बाल्‍ले़ उःत्तुल्‍ले़ योक् के़वाॽबा मनान् दाङ्‌बाल्‍ले़ चोःक्‌युम्‍भोबा कुमना पोःक्‍खे़आङ् वाॽरो॥ हे़क्‍केलॽरिक्‍के दाङ्‌बाल्‍ले़ उःत्तुल्‍ले़ चोःक्‌युम्‍भोओ के़वाॽबा मनाःङ्‌ग ख्रिस्‍तरे़ कुयोक् पोःक्‍खे़आङ् वाॽरो॥

मत्ति 25:26

“खे़ल्‍ले़ कुन्‍दाङ्‌बाल्‍ले़ खे़न् नोगप् पिरु, ‘खे़ने़ॽ ताक्‍के़भे़ॽबा नु कुले़म्‍गे़युबा सेवारोबाए! खे़ने़ॽग इङ्‌गाॽ आत्तो चा मे़देआन् खे़प्‍मो चा सुप्‍सुङ्, आत्तो चा मे़से़सुङ्‌ङिन् खे़प्‍मो चा फुक्‍खुङ् फाॽआङ् के़निसुआङ्‌ङे के़वये़रो॥

खाहुन्‍साबा 9:10

खे़ने़ॽ थे याःम्‍बक् के़जोगुॽ, खे़न् पाःन्‍नो चाॽरिक् स्‍याङ्‌मे़न्‍दाङ् चोगे़ॽ थेआङ्‌भे़ल्‍ले़ के़सिबा लाजेॽओ कुभा याःम्‍बक्, निङ्‌वाॽ इःप्‍मा, ने़हिनिङ्‌वाॽ इग्र सिक्‍कुम् निङ्‌वाॽ थेआङ् होप् हे़क्‍क्‍याङ् खे़ने़ॽ खे़प्‍मोए के़बेःक्‍ल के़बत्॥

याकुब 5:16

खे़ल्‍ले़चोगुल्‍ले़ खिनिॽ लायोहाॽ मे़त्तासिम्‍मे़ॽआङ् हिन्‍दे़म्‍मे़ॽओ, हे़क्‍क्‍याङ् दाङ्‌बाल्‍ले़ के़वेःन्‍दिर फाॽआङ् तुवा चोःक्‍का पिआसिम्‍मे़ॽओ॥ साम्‌योबा मनाःल्‍ले़ कुदुवान् मुक्‍साम्‍बा चोःक्‍काङ् यम्‍बा याःम्‍बक् चोगुॽरो॥

खाहुन् 31:15

खुने़ॽ खामे़न्‍ओःत्ते से़न्‍दिक्‍सा पोःक्‍लो, खुने़ॽ कुहिम्‍सयङ्‌ले़ लागि चामा थुङ्‌मा थोःक्‍तुरो, हे़क्‍क्‍याङ् चुक्‍मा चुक्‍मा कुसे़वारोमाहाॽ हाःत्तुसिरो॥