रोमि 12:1 - लिम्बु1 आल्ल आमिःम् फुॽनुसाॽ नु ने़ॽनुसाॽसे, निङ्वाॽफुमाङ्ङिल्ले़ लुङ्माॽ के़दुक्तिआङ् वाॽ, खे़ल्ले़चोगुल्ले़ खिनिॽ कुहिङ्वे़त् नासिङ्गे़न् थक्किन् सेसे नु निङ्वाॽफुमाङ्ङिल्ले़ कुनिङ्वाॽ के़दाबा सिदुङ्जभा कुइसिक् तोःन्दे़म्मे़ॽ फाॽआङ् साॽरिक् पेलि फाक्निङ्लो॥ खिनिॽ चोःक्मा के़बोङ्बा याम्साम्गे़न् सेवान् बा कन्लो॥ Gade chapit la |
रोमि 12:1
49 Referans Kwoze
खिनिॽ थक्कोबा याम्लक्हाॽ ताप्फे़ःम्बा याःम्बक् चोःक्मारे़ लागि लायोन् मे़दोःन्दे़म् मे़बिरे़म्मिन्ने़ॽ॥ खे़ल्ले़ कुले़क्वा सिमे़न्लाम् हिङ्मन्नो के़दाबा मनाहाॽ कुइसिक् खिनिॽ आबाङे निङ्वाॽफुमाङ्ङो तोःन्नाॽसिम्मे़ॽ, हे़क्क्याङ् खिनिॽ याम्लक्हाॽ साम्योबा याःम्बक् चोःक्मारे़ लागि निङ्वाॽफुमाङ्ङो तोःन्दे़म्मे़ॽओ॥
खिनिॽ कुसिङ् निःप्मा के़सुक्तुम्ल फाॽआङ् हिम्दाङ्बान् नु योःक्किल्ले़ कुबिःन् ओगप् चोगुङ्ल पत्तारो॥ खिनिॽ आबाङे याम्लक्किन् तगि याप्मि के़जिःम्बा नु फे़न्याःम्बक्किल्ले़ कुयोःक्पा पोङ्से़ के़दोःन्दुम्माङ् के़वयिबा कुइसिक्, आल्ल सेसेगे़न् सुत्थो पोङ्मारे़ लागि साम्योबाल्ले़ कुयोःक्पा पोङ्से़ खिनिॽ याम्लक्किन् तोःन्दे़म्मे़ॽओ॥
थिम्मे़न्दङ् सुवाङ्हाॽओ ख्रिस्त ये़सुरे़ कुसे़वारोबा पोःक्खाङ्ङाङ् वाॽआरो॥ हे़क्क्याङ् थिम्मे़न्दङ् सुवाङ्हाॽ सेसेमाङ्लाम् सेसे मे़बोङ्ङाङ् निङ्वाॽफुमाङ्ङिल्ले़ ते़न्दिङ् चोगुसिबा चोभाॽ कुइसिक् मे़बोङ्ल फाॽआङ् निङ्वाॽफुसाम्बाल्ले़ याःम्बक् चोगुबा हे़क्के इङ्गाॽ निङ्वाॽफुमाङ्ङिल्ले़ कुसुनाइङ्ङिन् खे़ङ्हाॽ इङ्भोसुङ्सिङ्लो॥
इङ्गाॽग आयाःम्बक्किल्ले़ चोगुल्ले़ निङ्वाॽफुमाङ्ङिल्ले़ कुदगि सिरिङ्ममो आप्फाल्ले़आङ् मे़धाआन्नि कर इङ्गाॽ हाङ्हाङ् के़लॽबा पोङ्ङाङ् सिआसाङ् हिङ्ङासाङ् इङ्गाॽ आहिङ्मन्लाम्बा आल्लो हे़क्के सदादिङ् ख्रिस्तरे़ कुमिङ्सो इङ्धाङ् पोङ्ल फाॽआङ् पयम् निङ्वाॽ नु निङ्साङ् चोगुङ्लो॥
इङ्गाॽ पावले़न् खिनिॽनु वाॽआल्ले़ नःम्नःम् लॽआमु, कर माःङ्घा वाॽआल्ले़ के़आःम्बा चोःक्कामु लॽरिक् खिनिॽ लुम्मो कुभारे़ के़बाःत्तुम्मु॥ आल्ल के़नुॽबा नु लुम्लुम्बा ख्रिस्तरे़ कुयुक्कोलाम् इङ्गाॽ खिनिॽओ ताआल्ले़ के़आःम्बा पान् पाःप्मा याप्मि मे़बाङ्घे़म्मिन्ने़ॽ फाॽआङ् पेलि फाक्निङ्, थेआङ्भे़ल्ले़ से़क्खाःल्ले़ इक्सादिङ् खाम्बेःक्मोबा मनाहाॽ हे़क्तङ्बा के़जोगिॽ लॽरिक् याप्मि के़मे़प्पाहाॽनु इङ्गाॽ के़आःम्बाए पोङ्मा सुक्कारो॥
Piblisite