रोमि 11:8 - लिम्‍बु

⁸ साम्‌योसाप्‍लाःल्‍ले़ अक्‍खे पाःत्तुआङ् पत्, “निङ्‌वाॽफुमाङ्‌ङिल्‍ले़ खे़ङ्‌हाॽ कुधना के़ले़ङ्‌बा चोगुसिआङ् वाॽ, हे़क्‍क्‍याङ् कन् ये़म्‍धारिक् खे़ङ्‌हाॽरे़ निमा मे़न्‍छुक्‍तुन्‍ल फाॽआङ् खुनिॽ मिक्‍हाॽ थेःक्‍तुबिरुसिआङ् वाॽ, हे़क्‍क्‍याङ् खे़ङ्‌हाॽरे़ खे़म्‍मा मे़न्‍छुक्‍तुन्‍ल फाॽआङ् खुनिॽ ने़क्‍खोॽबान् हुॽरुबिसिआङ् वाॽरो॥”

रोमि 11:8 Referans Kwoze

साम्‌योथिम् इङ् 29:4

कर आइन् थारिक् यहवे दाङ्‌बे़ल्‍ले़ खिनिॽ कुसिङ् निःप्‍मा निङ्‌वाॽ, निमा मिक् नु खे़म्‍मा ने़भाक् मे़म्‍बिए के़गत्तिॽ॥

यसैया 29:10

यहवे दाङ्‌बे़ल्‍ले़ खे़निॽ मुरुक् खारुक् थेआङ् मे़न्‍निए इम्‍मा लाःप्‍मा के़जोगिरो॥ माङ्‌निङ्‌वाॽपान् के़बाःप्‍पाहाॽग खे़निॽ मिक्‍हाॽ नु थे़गेःक्‍सिरो कर निङ्‌वाॽफुमाङ्‌ङिल्‍ले़ खुन्‍छिॽ मिक्‍किन् सुबु पिरुसिआङ् पत्‍लो हे़क्‍क्‍याङ् खुन्‍छिॽ थे़गेःक्‍किन् ते़प्‍तु पिरुसिआङ् पत्‍लो॥

इजकिएल 12:2

“नासिगे़न् थक्‍ला के़गप्‍पा मनाए, खे़ने़ॽ पिफ्‍युङ् के़जोःक्‍पाहाॽरे़ खुन्‍छिॽ लुम्‍मो के़युङ्‌ॽ खे़ङ्‌हाॽरे़ खुन्‍छिॽ मिक् पत् कर ओमुमा मे़न्‍दे़न्‍ने़न्॥ खे़ङ्‌हाॽरे़ खुन्‍छिॽ ने़क्‍खोॽ पत् कर खे़म्‍मा मे़न्‍दे़न्‍ने़न्‌ॽ॥ थेआङ्‌भे़ल्‍ले़ खे़ङ्‌हाॽग पिफ्‍युङ्‌बा मनासिरो॥

लुका 8:10

ये़सुरे़ खे़ङ्‌हाॽ मे़त्तुसि, “निङ्‌वाॽफुहाङ्‌जुम्‍मिल्‍ले़न् सिगाङ्‌बा पाःन्‍हाॽ खिनिॽरक् कुसिङ् निःप्‍मा के़घोसुम्‍माङ् के़वयिॽरो, कर वेॽ मनाहाॽनु इङ्‌गाॽ खे़दाॽओरक् पाःत्तारो॥ हे़क्‍केःल्‍ले़ “‘कङ्‌हाॽरे़ ओमे़मे़त्तुसाङ् मे़न्‍निसुन्, मे़घे़प्‍सुसाङ् कुसिङ् मे़न्‍निःत्तुन्‍लो॥’

यर्मिया 5:21

अदङ् नु खासिङ् मे़न्‍निःप्‍मनाबा मनासे, नुरिक्‍काङ् खे़प्‍से़म्‍मे़ॽओ, खे़निॽ मिक्‍क पत् कर निमा के़न्‍छुक्‍तुम्‍मिन्‍लो, ने़भाक्‍क पत् कर खे़म्‍मा के़न्‍छुक्‍तुम्‍मिन्‍लो॥

सेःक्‌युक्‍मिबाहाॽ 28:26

“‘कन् मनाहाॽरो पेगे़ॽआङ् अक्‍खे मे़त्ते़से़ॽ, आबाःन्‍जाक्‍किन् खिनिॽ के़घे़प्‍सुम् आल्‍लसाङ् नुरिक्‍काङ् के़घे़प्‍सुम्, कर कुसिङ् के़न्‍निःत्तुम्‍मिन्‍लो॥ आयाःम्‍बक्‍किन् खिनिॽ ओगे़मे़त्तुम् आल्‍लसाङ् नुरिक्‍काङ् ओगे़मे़त्तुम् हे़क्‍केसाङ् के़न्‍निसुम्‍मिन्‍लो॥

यसैया 6:9

हे़क्‍क्‍याङ् खुने़ॽ आङ्‌गाॽ मे़त्ताङ्‌लो, “ओःक्, पोगे़आङ् कन् पाःन्‍निन् आमनाहाॽ मे़त्ते़से़ॽओ, ‘खिनिॽ के़घे़प्‍सुम्‍साङ् कुसिङ् के़न्‍निःत्तुम्‍मिन्‍लो, खिनिॽ ओगे़मे़त्तुम्‍साङ् के़न्‍निसुम्‍मिन्‍लो॥’

२ हाङ् 17:41

यहवे दाङ्‌बे़न् माङ्‌से़वा मे़मे़त्तुसाङ् खे़ङ्‌हाॽरे़ खुन्‍छिॽ नावाइत्‍लाहाॽआङ् से़वा मे़मे़त्तुसि॥ आइन्‍बा ये़न् थारिक्‍के खे़ङ्‌हाॽरे़ खुन्‍छिॽ साएहाॽ नु मे़न्‍छाॽहाॽ खुन्‍छिॽ पाधे़बाहाॽरे़ खुन्‍छिॽ ये़प्‍ले़क्‍हाॽओ लाङ्‌मे़घेःक्‍ल मे़वाॽरो॥

२ हाङ् 17:34

खे़ङ्‌हाॽरे़ तगि तगिबा साक्‍थिम्‍हाॽ आइन्‍बा ये़न् थारिक्‍के मे़नाःत्तु मे़इःत्तुआङ् मे़वाॽ॥ खे़ङ्‌हाॽरे़ यहवे दाङ्‌बे़न् माङ्‌से़वा मे़म्‍मे़त्तुन्‌ॽ, खुने़ॽ याकुबे़न् नु कुमुॽइदाङ्‌साहाॽ पिरुसिबा कुइङ्‌भन् नु कुधिम्‍हाॽआङ् मे़न्‍नाःत्तुन् मे़न्‍दिम्‍दुन्‌ॽ, खे़ङ्‌हाॽए खुने़ॽ इस्राइल मिङ् वाःत्तुसिआङ् वये़॥

इजकिएल 20:26

आङ्‌गाॽ खे़ङ्‌हाॽ पिरुङ्‌सिङ्‌ङाङ् वये़बा मिक्‍तोक् पर्धाःम्‍हाॽरे़ए खुन्‍छिॽ आबाङे आसुत्‍थो पोङ्‌मा फाःक्‍तुङ्‌सिङ्, हे़क्‍केलॽरिक् खे़ङ्‌हाॽ मे़ङ्‌मासि नु आङ्‌गाॽए यहवे दाङ्‌बाआ के़लॽबा पाःन्‍निन् निङ्‌वाॽसुम् तारुङ् पिरुङ्‌सिङ्‌ल फाॽआङ् खे़ङ्‌हाॽरे़ खुन्‍छिॽ तुम्‍बा साहाॽ वयागे़न् सिदुङ्‌जभा कुइसिक् खुन्‍छिॽ माङ्‌हाॽओ तोःम्‍मा फाःक्‍तुङ्‌सिङ्॥