Biblia Todo Logo
Bib sou entènèt

- Piblisite -




रोमि 11:7 - लिम्‍बु

7 खे़न् फाॽइङ्‌ग थे़माबे? इस्राइलिहाॽरे़ निङ्‌वाॽ मे़बिरुआङ् मे़गोःत्तुबान् मे़ङ्‌घोसुन्‍लो, कर कुभा मे़सेगे़बाहाॽरे़ने़ मे़घोसुरो॥ वेॽहाॽग निङ्‌वाॽफुमाङ्‌ङिल्‍ले़ खुनिॽ निङ्‌वाॽ के़धुङ्‌बा चोगु पिरुसिरो॥

Gade chapit la Kopi




रोमि 11:7
25 Referans Kwoze  

कन् इक्‍सादिङ् खाम्‍बेःक्‍मोबा माङ् माफे़न्‍साम्‍मिल्‍ले़ए नसान् मे़न्‍जोःक्‍मनाबाहाॽरे़ खुनिॽ निङ्‌वाॽइन् फे़त्‍लाःन्‍दु पिरुसिबाल्‍ले़ चोगुल्‍ले़ खे़ङ्‌हाॽरे़ ख्रिस्‍तरे़ कुमिमिदिङ्‌गे़न् सुनाइङ्‌ङिल्‍ले़न् ओःत्तिःन् निमा मे़न्‍छुक्‍तुन्॥ ख्रिस्‍ते़ङ्‌ग निङ्‌वाॽफुमाङ्‌ङिल्‍ले़ कुइःत्‍लो॥


खे़ल्‍ले़चोगुल्‍ले़ निङ्‌वाॽफुमाङ्‌ङिल्‍ले़ आत्तिन् नुरिक् मे़प्‍मा निङ्‌वाॽ चोगुॽ खे़न् नुरिक् मे़त्तुॽ, हे़क्‍क्‍याङ् आत्तिन् कुनिङ्‌वाॽ नुःङ्‌मा के़साक्‍पा चोःक्‍मा निङ्‌वाॽ चोगुॽ, खे़न्‍निन् कुनिङ्‌वाॽ नुःङ्‌मा के़साक्‍पा चोगुॽरो॥


आमिःम् फुॽनुसाॽ नु ने़ॽनुसाॽसे, खिनिॽ आङ्‌दिङ् के़न्‍लॽरिन्‍ल फाॽआङ् कन् सिबिॽगे़न् पाःन्‍निन् कुसिङ् निःत्ते़म्‍मे़ॽ के़लॽबा आनिङ्‌वाॽ वाॽरो॥ कन् सिबिॽगे़न् पाःन्‍निङ्‌ग निङ्‌वाॽफुमाङ्‌ङिल्‍ले़ कुनिङ्‌सेक् कुइसिक् नसान् चोःक्‍मा के़बोङ्‌बा थिम्‍मे़न्‍दङ् सुवाङ्‌हाॽरे़ नसान् चोःक्‍मा मे़न्‍छुःत्ते थारिक् यरिक् यहुदिहाॽ खुनिॽ निङ्‌वाॽ मे़न्‍नुःङ्‌मनाबा मे़बोङ्‌लो॥


हे़क्‍केलॽरिक्‍के, कन् ये़म्‍मोआङ् निङ्‌वाॽफुमाङ्‌ङिल्‍ले़ कुलुङ्‌माॽ तुक्‍माल्‍ले़ सेगुसिबा कुलक्‍थिक् के़दाङ्‌बा के़याःक्‍पाहाॽ मे़वाॽरो॥


खुने़ॽ कुनिमाओ सेसे नु आप्‍तिक् मेःन्‍नेबा आबोङ्‌ल फाॽआङ् ख्रिस्‍ते़ल्‍ले़ चोगुल्‍ले़ इक्‍सा खाम्‍बेक् पोङ्‌मानुःल्‍ले़ तगिसा आसेगे़आङ् वये़॥ खुने़ॽ लुङ्‌माॽ आदुक्‍ते़बाल्‍ले़ चोगुल्‍ले़


कर मनाहाॽरे़ खुनिॽ निङ्‌वाॽबान् के़साक्‍पा पोःक्‍खे़आङ् आल्‍ल थारिक्‍साङ् थिक्‍सिगेःक्‍समा माङ्‌हुप्‍पिन् मे़निरुल्‍ले़ से़क्‍खान् कुसिङ् मे़न्‍निःत्तुन्‍ल फाॽआङ् खे़न् नादे़प्‍माल्‍ले़ ते़प्‍तुॽरो॥ कन् नादे़प्‍माङ्‌ग ख्रिस्‍ते़न् चोःक्‍मनाबा नसाःन्‍निल्‍ले़रक् हन्‍दुॽरो॥


हे़क्‍क्‍याङ् तगिसा कुमिमिदिङ्‌ङिन् खोमा फाॽआङ् यारिप् चोगुसिआङ् लुङ्‌माॽ तुक्‍तुसिबाहाॽ इमे़ल्‍लुङ्‌बा कुमिमिदिङ्‌ङिन् ओसेःन्‍धाक्‍से़ निङ्‌वाॽफुमाङ्‌ङिल्‍ले़ अक्‍खे चोगुरो॥


च्‍यासाङ्, आल्‍ल आत्तिन् परिक्‍ले़साङ्, नोनिङ्‌वाॽइल्‍ले़ इग्र फे़न्‍निङ्‌वाॽइल्‍ले़, ख्रिस्‍तरे़ कुयाःम्‍बेओ इङ्‌भोःल्‍ले़ग नुबाएरो॥ खे़ल्‍ले़चोगुल्‍ले़ इङ्‌गाॽ सःत्तारो॥ हे़क्‍क्‍याङ् इङ्‌गाॽ चक्‍मे़ल्‍लॽए सःत्ता,


इङ्‌गाॽ थे पाःप्‍मा कोःत्तुङ्‌ल पत्ताबे? नावाइत्‍लाओ तोःम्‍मनाबा फाॽइन् थे़माबे, इग्र नावाइत्‍लाहाॽ थेसिआङ्‌बे?


खे़ङ्‌हाॽरे़ निङ्‌वाॽफुमाङ्‌लाम् के़दाबा साम्‌योबान् कुसिङ् मे़न्‍निःत्तुम्‍बाल्‍ले़ चोगुल्‍ले़ खे़ङ्‌हाॽरे़ साम्‌योथिम्‍मिन् इःप्‍मा नाःप्‍माआङ् आबाङे साम्‌योबा पोङ्‌मा तम्‍सिङ् मे़जोगु, हे़क्‍केलॽरिक् खे़ङ्‌हाॽरे़ निङ्‌वाॽफुमाङ्‌ङिल्‍ले़ कुसाम्‌योबा पोङ्‌मा लाम्‍मिन् मे़नाॽरुरो॥


कन् काक् फाॽइङ्‌ग थे़माबे? आनिॽ साम्‌योथिम्‍मिल्‍ले़ कुयुक्‍को आहोप् कर निङ्‌वाॽफु लुङ्‌गुम्‍मिल्‍ले़ कुयुक्‍को आवाॽबाल्‍ले़ लायो चोगुम्‍बि? आप्‍फाल्‍ले़आङ् चोगुम् मेःन्!


हे़क्‍केःल्‍ले़ आनिॽ यहुदिहाॽ थिम्‍मे़न्‍दङ् सुवाङ्‌हाॽनुःल्‍ले़ नुबा आजोःक्‍पि? से़क्‍खासाङ् आन्‍जोक्‍ने़न्‍लो! यहुदिहाॽ नु थिम्‍मे़न्‍दङ् सुवाङ्‌हाॽआङ् लायोल्‍ले़ ते़त्तुसिआङ् वाॽ फाॽआङ् मे़त्तुङ् सुरुङ्‌सिङ्‌ङाङ् वाॽरो॥


“यहवे दाङ्‌बाल्‍ले़ खे़ङ्‌हाॽ मिक्‍फःम्‍बा चोगुसि हे़क्‍क्‍याङ् खुनिॽ निङ्‌वाॽइन् के़धुङ्‌बा चोगु पिरुसि, खे़ल्‍ले़चोगुल्‍ले़ खे़ङ्‌हाॽरे़ खानिमा मे़न्‍छुक्‍तुन्, कुसिङ् निःप्‍मा मे़न्‍छुक्‍तुन्॥ मेःन्‍ने फाॽग्र खे़ङ्‌हाॽ यहवे दाङ्‌बाल्‍लो मे़नुःक्‍खे़आङ् खुने़ॽ वेःन्‍दुसिबामे़न्॥”


“चिभिःत्‍फिःप्‍पा लाम्‍धेःप्‍पोलाम् निङ्‌वाॽफुहाङ्‌जुम्‍मो लाःप्‍मा तम्‍सिङ् चोगे़म्‍मे़ॽओ॥ यरिक् मनाहाॽरे़ तम्‍सिङ् मे़जोगुॽ, कर लाःप्‍मा मे़न्‍छुक्‍तुन्‍लो॥


खे़ङ्‌हाॽरे़ थेआङ् मे़ल्‍ले़सुन्‍लो, खे़ङ्‌हाॽरे़ थेआङ् कुसिङ् मे़न्‍निःत्तुन्‍लो॥ खे़ङ्‌हाॽरे़ खुन्‍छिॽ मिक्‍हाॽ इम् मे़मे़त्तुआङ् पत्‍लो, खे़ल्‍ले़चोगुल्‍ले़ खे़ङ्‌हाॽरे़ निमा मे़न्‍छुक्‍तुन्‍लो, खे़ङ्‌हाॽरे़ खुन्‍छिॽ निङ्‌वान् मे़साक्‍तुआङ् वाॽरो, हे़क्‍क्‍याङ् खे़ङ्‌हाॽरे़ कुसिङ् निःप्‍मा मे़न्‍छुक्‍तुन्‍लो॥


खे़ने़ॽ कन् मनाहाॽरे़ खुन्‍छिॽ निङ्‌वान् पाःन्‍मे़ङ्‌घे़म्‍मनाबा नु ने़क्‍खोन् के़धुङ्‌बा चोगे़ पिरे़से़ॽओ, हे़क्‍क्‍याङ् खुन्‍छिॽ मिक्‍के़न् ते़प्‍ते़ पिरे़से़ॽओ॥ मेःन्‍ने़भग्र खे़ङ्‌हाॽरे़ खुन्‍छिॽ मिक्‍किल्‍ले़ मे़निसुरो, खुन्‍छिॽ ने़भाक्‍किल्‍ले़ मे़घे़प्‍सुआङ् खे़ङ्‌हाॽरे़ खुनिॽ निङ्‌वाःल्‍ले़ कुसिङ् मे़निःत्तुरो, हे़क्‍क्‍याङ् याम्‍मो खे़ङ्‌हाॽ मे़नुःङ् मे़दाआङ् मे़वेःत्‍लो॥”


“खे़ब्‍याङ् खे़ङ्‌हाॽरे़ आङ्‌गाॽ पेलि मे़भाक्‍कारो, कर खे़ङ्‌हाॽ आङ्‌गाॽ नुगप् मे़बिरुङ्‌सिङ्‌ङिन्‍लो, खे़ङ्‌हाॽरे़ आङ्‌गाॽ मे़गोःत्ता कर आङ्‌गाॽ मे़ङ्‌घोआन्‍लो॥


निङ्‌वाॽफुपाःल्‍ले़ तगिसा कुसिङ् के़निःत्तिबा कुइसिक् कुमना पोङ्‌से़ के़सेगिआङ् सेसेमाङ्‌ङिल्‍ले़ सुत्‍थो के़जोगिरो॥ हे़क्‍केःल्‍ले़ खिनिॽ ये़सु ख्रिस्‍तरे़ कुइङ्‌जाङ्‌गे़म्‍बा के़बोःक्‍खिआङ् कुमाक्‍खिॽइल्‍ले़ सेसेसाङ्‌साङ् के़जोगिरो॥ हाराॽ पानुदिङ् पाः निङ्‌वाॽफुमाङ्‌ङिल्‍ले़ कुलुङ्‌गुम् नु कुसनारुङ्‌ङिन् आल्‍लसाङ् यरिक् खिनिॽओ वाॽररो॥


हे़क्‍क्‍याङ् याङ्‌सि कुम्‍बालाम्‍बा मुॽइसाम् खोमा फाॽआङ् आक्‍खे़न् कोःत्तुसाङ् खे़न् नाॽरे़बा पाःन्‍निन् खिनिॽ के़निसुम्‍लो॥ खे़ल्‍ले़ कुमिक्‌वा थासुर मुॽइसाम् खोमा निङ्‌वाॽ चोगुसाङ् ताप्‍फे़ःम्‍बा कुयाःम्‍बक्‍लाम्‍बा नुःङ्‌मा ये़म्‍मिन् ले़क्‍ते़बेआङ् वये़रो॥


खे़ङ्‌हाॽरे़ खरे़ःङ्‌ङिल्‍ले़ यरिक् मनाहाॽ ते़क्‍तुसिबा निङ्‌वाॽ के़माबा याःम्‍बक्‍किन् कुसिङ् मे़न्‍निःत्ते मे़वये़, थेआङ्‌भे़ल्‍ले़ खुनिॽ निङ्‌वाॽ के़धुङ्‌बा चोगे़रो॥


खे़ङ्‌हाॽरे़ के़साक्‍पा खुनिॽ निङ्‌वाॽइल्‍ले़ नु निङ्‌वाॽ पाःक्‍माल्‍ले़ चोगुल्‍ले़ खे़ङ्‌हाॽ निङ्‌वाॽफुमाङ्‌ङिल्‍ले़ पिरुसिबा हिङ्‌मन्‍लाम् माःङ्‌घा मे़बोःक्‍खे़आङ् मे़वाॽ, हे़क्‍क्‍याङ् खे़ङ्‌हाॽरे़ खुनिॽ निङ्‌वाॽइन् खादाप्‍तुआङ् वाॽ॥


Swiv nou:

Piblisite


Piblisite