रोमि 11:2 - लिम्बु2 निङ्वाॽफुमाङ्ङिल्ले़ तगिनुए कुसिङ् निःत्तुसिबा कुमनाहाॽ आप्फाल्ले़आङ् मे़नाॽरुन्छिन्लो॥ माङ्निङ्वाॽपान् के़बाःप्पा एलियाःल्ले़ इस्राइलिहाॽरे़ खुनिॽ तक्ले़ङ्वाओ निङ्वाॽफुमाङ्ङिन् अक्खेलॽरिक् मे़त्तुबान् साम्योसाप्लाओ मे़न्निःत्ते के़वयिॽबि? Gade chapit la |
रोमि 11:2
24 Referans Kwoze
निङ्वाॽफुपाःल्ले़ तगिसा कुसिङ् के़निःत्तिबा कुइसिक् कुमना पोङ्से़ के़सेगिआङ् सेसेमाङ्ङिल्ले़ सुत्थो के़जोगिरो॥ हे़क्केःल्ले़ खिनिॽ ये़सु ख्रिस्तरे़ कुइङ्जाङ्गे़म्बा के़बोःक्खिआङ् कुमाक्खिॽइल्ले़ सेसेसाङ्साङ् के़जोगिरो॥ हाराॽ पानुदिङ् पाः निङ्वाॽफुमाङ्ङिल्ले़ कुलुङ्गुम् नु कुसनारुङ्ङिन् आल्लसाङ् यरिक् खिनिॽओ वाॽररो॥
यरिक् तङ्बे थारिक् खे़ने़ॽ खे़ङ्हाॽ नासि के़धःत्तुसिआङ् साम्दिङ् के़बिरुसिरो, माङ्निङ्वाॽपान् के़बाःप्पाहाॽलाम् के़याम्साम्मिल्ले़ खे़ङ्हाॽ साम्दिङ् के़बिरुसिरो, कर के़मनाहाॽ आबाङे नाधे़क्क्रे़ङ् मे़जोक्सिङ्लो, खे़ल्ले़चोगुल्ले़ वेॽ थिम्मे़न्दङ् सुवाङ्हाॽरे़ खे़ङ्हाॽ मे़नाःन्दुसिर के़याःन्दुसिरो॥
आल्ल मनाहाॽरे़ मोसान् कोःक्माओलाम्बा थासिङ्मा युमा सुसे़बा मे़निसु, खे़ब्याङ् खे़ङ्हाॽ हारुन वये़बादे़न्नो मे़जुप्से़आङ् खुने़ॽ अक्खे मे़प्मा मे़हेःक्तु, “पोगे़ॽ, हे़क्क्याङ् आनिगे तगि तगि पेःक्मारे़ लागि माङ्हाॽ चोगे़से़ॽ, थेआङ्भे़ल्ले़ मिस्रलाम् आनिगे याप्मि के़लःप्पा के़भे़प्पा मना मोसान् थे़मा पोःक्खे़इ आनिगे थेआङ् मे़निसुम्बे़न्॥”
ख्रिस्ते़न् नसान् के़जोःक्पा सेसे याप्मिहाॽरे़ कन् इक्सादिङ् खाम्बेःक्माल्ले़न् खासे़न् मे़लोःन्दुॽ के़लॽबा पाःन्निन् कुसिङ् मे़न्निःत्ते के़वयिॽबि? हे़क्क्याङ् इक्सादिङ् खाम्बेःक्माल्ले़न् खासे़न्निन् खिनिॽए लोःम्मा पोङ्ने़ फाॽग्र अक्तङ्बा चुजुक्सा पाःन्हाॽरे़न् खासे़न् लोःम्मा के़न्छुक्तुम्मिम्बि?
Piblisite