रोमि 10:18 - लिम्बु18 कर इस्राइलिहाॽरे़ सुनाइङ्ङिन् से़क्खाए मे़ङ्घे़म्मे मे़वाॽबि? से़क्खाए खे़ङ्हाॽरे़ मे़घे़प्सुआङ् वाॽरो॥ थेआङ्भे़ल्ले़, कन् सुनाइङ् के़से़बाहाॽरे़ खुनिॽ इङ्घङ्ङिन् खाम्बेःक्मो काक् पिसाङ् से़रे़आङ् वाॽरो, हे़क्क्याङ् खे़ङ्हाॽरे़ मे़बाःत्तुबा पाःन्निन् इक्सादिङ् खाम्बेःक्मोबा के़रे़क् ते़न्नो से़रे़आङ् वाॽ लॽरिक् साम्योसाप्लाओ साप्ते़आङ् पत्लो॥ Gade chapit la |
रोमि 10:18
23 Referans Kwoze
कर खिनिॽ के़घे़प्सुम्बा सुनाइङ्ङिल्ले़न् निङ्साङ्ङो मे़म्मुन्ने नु ताप्मे़म्बे़ॽए हे़क्क्याङ् चक्मे़ल्लॽए नसान् चोःक्माए पोङ्लो॥ हाबा कन् सुनाइङ्ङिन् इक्सादिङ् खाम्बेःक्मोबा काक् मे़न्छाम् सुवाङ्हाॽओ इङ्मे़भोसुआङ् वाॽ, हे़क्क्याङ् खे़न् सुनाइङ्ङिन् इङ्भोमा फाॽआङ् इङ्गाॽ पावले़न् निङ्वाॽफुमाङ्ङिल्ले़ कुसे़वारोबा पोःक्खाङ्लो॥
यहवे दाङ्बाए, आमुक्साम् नु आहाङ्यक्के, तुक्खेवा ये़न्नोबा आइःम्सिङ्मादे़न्ने़, इक्सादिङ् खाम्बेःक्माल्ले़ कुया नु कुसुक्पोलाम्बा मे़न्छाम् सुवाङ्हाॽ खे़ने़ॽओ मे़दारो हे़क्क्याङ् खे़ङ्हाॽरे़ मे़बाःत्तुरो, “आनिगे पाधे़बाहाॽनुग इङ्ले़क्पा साम्माङ्हाॽ नु हने़बा नावाइत्लाहाॽरक् मे़वये़रो कर वेॽ थेआङ् होःप्ते़रो॥
यहवे दाङ्बे़ल्ले़ पाःत्तुॽ, “आसे़वारोबाए, आल्लसाङ् खे़ने़ॽ चोःक्मा के़बोङ्बा यम्बा याःम्बक् के़गत्तुरो॥ खे़ने़ॽ इस्राइलबा के़दाङ्बा के़याःक्पाहाॽ याम्मो आङ्गाॽओ के़नुःक्तु के़दारुसिरो, खे़म्म्याक्लक् मेःन्, मे़न्छाम् सुवाङ्लुम्मो यम्बा ओःत्ति चोःक्ने़रो॥ हे़क्क्याङ् इक्सादिङ् खाम्बेःक्किल्ले़ कुनुप्माधारिक् आङ्गाॽ आसे़न्लप्पिन् खे़ने़ॽ के़गे़त्तुरो॥”
इक्सादिङ् खाम्बेःक्माल्ले़ नासमा कुसुक्पोलाम् “साम्योबाल्ले़ कुमिमिदिङ् पोङ्लो” के़लॽबा साम्लोन् साम्मे़मे़त्तुबा आनिगे खे़प्सुम्बे़रो॥ कर आङ्गाॽ मे़त्तुङ्सिङ्लो, “आङ्गाॽ हेआ चप्पार पत्तारो, आङ्गाॽ हेआ चप्पार पत्तारो आङ्गाॽ कुसुम् मे़दन्नान् चिःत्ताङ्लक् स्ये़रो! इङ्गे़ले़क्सिङ्बा मनाहाॽ इङ्मे़ले़क्सिङ्लो! इङ्मे़ले़क्सिङाङ्ङे इङ्ले़क् याःम्बक् के़जोःक्पा मनाहाॽ नसान् मे़ले़ङ्सिङ् मे़बिसिङ्लो!”
यहवे दाङ्बा इस्राइलबा आदाङ्बारे़ के़निङ्वाॽफुमाङ्ङिन् कुहिङ्वे़त् वाॽबा कुइसिक् आङ्गाॽ माङ्हे़क्कासिङ्ङाआङ् पाःत्तुङ्ॽ, खे़ने़ॽ कोःप्मारे़ लागि आङ्गाॽ आन्दाङ्बे़ल्ले़ मे़बाङ्घुम्बा सुवाङ् आत्तिन्नाङ् होप् इग्र आत्तिन् हाङ्जुम्मिन्नाङ् याःक्ते़बा होप्॥ हे़क्क्याङ् आल्ल कुभा सुवाङ् इग्र हाङ्जुम्मो आदाङ्बा खे़प्मो के़होप् मे़बाःत्तुने़भग्र, खुने़ॽ अक्खे मे़त्तुसिआङ् माङ्हे़क् चोःक्मा पाङ्घुसि, ‘आनिगे खे़न् खोमा मे़सुक्तुम्बे़न्॥’
हे़क्केःल्ले़ खे़ङ्हाॽरे़ पावलनु याम्मो तुम्मा ये़म् निःन्धो मे़जोगु हे़क्क्याङ् खे़न् ये़म्मो खे़ङ्हाॽ पावलरे़ कुये़ङ्वाहिम्मो यरिक् मे़द्ये़रो॥ हे़क्क्याङ् पावलरे़ तानाम्नु नाम्ध्ये़र थारिक् निङ्वाॽफुहाङ्जुम् नु ये़सुरे़ कुयाःम्बेओ खे़ङ्हाॽ नसान् के़जोःक्पा चोःक्मासि फाॽआङ् मोसारे़ साप्तुबा साम्योथिम् नु माङ्निङ्वाॽपान् के़बाःप्पाहाॽरे़ मे़साप्तुबा साप्लालाम् कुबे हन्दुआङ् चे़क्तुसिरो॥
काक्नु तगि दमस्कसओ हे़क्क्याङ् यरुसले़म नु काक् यहुदिया लाजेॽबा, हे़क्क्याङ् थिम्मे़न्दङ् सुवाङ्हाॽआङ् खिनिॽ लायोलाम् हिन्दे़म्मे़ॽआङ् निङ्वाॽफुमाङ्ङिल्लो नुःक्खे़म्मे़ॽ हे़क्क्याङ् खिनिॽ लायोलाम् के़हिन्दिबा कुइसिक् निङ्वाॽफुमाङ्ङिल्ले़ कुनिङ्वाॽ तासे़म्मे़ॽओ फाॽआङ् इङ्भन् चोगुङ्सिङ्लो॥
Piblisite