कोःक्मा फाङ्जङ्हाॽओ सुनाइङ् के़से़बाहाॽरे़ खुन्छिॽ लाङ्हाॽ साॽरिक् के़घे़म्सिङ्बा चोक्लो, खे़ङ्हाॽरे़ सुनाइङ् इङ्मे़भोसुरो, खे़ङ्हाॽरे़ सनारुङ् उवा मे़जोगुरो॥ खे़ङ्हाॽरे़ से़न्लप् खोमा पाःन्हाॽ उवा मे़जोगुरो, खुने़ॽ सियोनबा मनाहाॽ मे़त्तुसिरो, “खे़निॽ निङ्वाॽफुमाङ्ङिल्ले़ हाङ्युक् चोगुरो॥”
रोमि 10:15 - लिम्बु15 हे़क्क्याङ् हाःत्ताङ् मे़म्बाङ्ङे आक्खेआङ् खे़ङ्हाॽरे़ इङ्भन् मे़जोगुॽबे? साम्योसाप्लाओ साप्ते़आङ् पत्, “सुनाइङ् इङ्भन् के़जोक्पे़न् ताःल्ले़ आक्खे़न् नुबा पोङ्बे!” Gade chapit la |
रोमि 10:15
28 Referans Kwoze
ओमे़त्ते़म्मे़ॽ, सुनाइङ् के़दाःप्पा नु नुॽमादामा इङ्घङ् उवा के़जोःक्पाहाॽरे़ खुन्छिॽ लाङ्हाॽ कोःक्मा फाङ्जङ् थे़गु माङ्वाहाॽओ फे़न्ल पत्लो॥ यहुदाए, खे़ने़ॽ के़दङ्नाम्हाॽ तोसे़ॽओ खे़ने़ॽ माङ्हे़क् के़जोगुबा पाःन्हाॽ के़त्ते़ॽओ॥ आल्लआङ्धो कुॽइगे़भे़म्बाहाॽरे़ खे़ने़ॽ के़मे़म्भत्ने़न्लो, खे़ङ्हाॽ वरे़ङ्ले़ङ् युम्रे़क् मे़मे़क्लो॥
यहवे दाङ्बा निङ्वाॽफुमाङ्ङिल्ले़ कुयाम्साम्मे़न् आङ्गाॽ आसम्धाङ् वाॽरो, थेआङ्भे़ल्ले़ याङ्गे़साॽबाहाॽ सुनाइङ् इङ्भोमासिरे़ लागि यहवे दाङ्बे़ल्ले़ आङ्गाॽ सेःन्दाङ्ङाङ् वाॽरो॥ निङ्वाॽ के़दुक्पाहाॽरे़ खुन्छिॽ याम्साम्मिन् वेःम्मारे़ लागि, पुङ्लाहिम्मो साक्पा के़धाबाहाॽ ले़प्मासिरे़ लागि खे़ब्याङ् इघेःङ्ङो के़धाबाहाॽ चोःक्युम्भो पिमासि उवा चोःक्मारे़ लागि खुने़ॽ आङ्गाॽ पाङ्घाङ्ङाङ् वाॽरो॥
“सियोनबा मनाहाॽओ सुनाइङ् के़से़बासे, खे़निॽ केःम्बा नाङ्जङ्लुङ्ङो पेगे़म्मे़ॽओ॥ यरुसले़म ये़क्यक्पा मनाहाॽ सुनाइङ् इङ्भन् के़हाबासे, साॽरिक् अःक्ते़म्मे़ॽओ, अःक्ते़म्मे़ॽओ, मे़गिसे़म्मिन्ने़ॽओ॥ यहुदा पाङ्जुम्मोबा मनाहाॽ मे़त्ते़म्सिम्मे़ॽओ, ‘ओमे़त्ते़म्मे़ॽ, खे़निॽ निङ्वाॽफुमाङ्ङिन् हाबा कॽयो वाॽरो!’
आङ्गाॽ यहवे दाङ्बे़ल्ले़ थे़मा पाःत्तुङ्ॽ, खे़प्से़म्मे़ॽ! आङ्गाॽ खे़न् माङ्निङ्वाॽपान् के़बाःप्पाहाॽरे़ खुन्छिॽ तक्ले़ङ्वाओ वाॽआ, आत्तिन्हाॽरे़ इङ्ले़क् पान् इसेःङ्बा खुन्छिॽ से़प्माङ्हाॽ मे़जे़क्खु मे़बाःत्तुॽ॥ खे़ङ्हाॽरे़ खे़न् से़प्माङ्हाॽ मे़बाःत्तुआङ् आमनाहाॽ खुन्छिॽ इङ्ले़क् नु आङ्दिङ् लॽमा पाःन्हाॽरे़ आङ्गाॽ आमनाहाॽ मे़नाक्ल मे़याःन्दुसिॽ॥ आङ्गाॽ खे़ङ्हाॽ पाङ्घुङ्सिङ्बा मेःन्, पेगे़म्मे़ॽ मे़त्तुङ्सिङ्बा मेःन् खे़ब्याङ् खे़ङ्हाॽलाम्बा आमनाहाॽरे़ थेआङ् कुभाॽ मे़ङ्घोसुन्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
खुनिॽ माङ्से़वान् आबाङे खे़ङ्हाॽरे़ लागि मेःन्, कर खिनिॽ लागि फाॽआङ् निङ्वाॽफुमाङ्ङिल्ले़ ओसेःन्धाक्तुसिरो॥ हे़क्क्याङ् आल्ल कन् ये़म्मोबा मनाहाॽरे़ साङ्ग्राम्पेदाङ्लाम् के़युःबा सेसेमाङ्ङिल्ले़ कुमुक्साम्लाम्बा सुनाइङ्ङिन् इङ्गे़म्भोसिरो॥ माङ्लाइङ्बाहाॽरे़आङ् कन् पाःन्हाॽ ओमे़प्मा साॽरिक् निङ्वाॽ मे़जोगुआङ् मे़वये़॥
Piblisite