कर खिनिॽ इङ्जाङ्गे़म्बा के़जोगिबा पाःन्निङ्ग के़रे़क् पिसाङ् मनाहाॽरे़ मे़घे़प्सुआङ् मे़वाॽ, हे़क्केःल्ले़ खिनिॽ के़जोगुम्मिल्ले़ इङ्गाॽग साॽरिक् सःत्तारो॥ खिनिॽग नुबा पाःन्निल्ले़ कुयाःम्बेओ सिक्कुम्साबा पोःक्खे़म्मे़ॽ हे़क्क्याङ् फे़न् पाःन्निल्ले़ कुयाःम्बेओ फोत्या मेःन्नेबा पोःक्खे़म्मे़ॽ के़लॽबा निङ्वाॽ कत्तुङ्लो॥
रोमि 1:8 - लिम्बु8 काक्नुःल्ले़ तगि खिनिॽ के़रे़क्ले़ लागि से़वा चोगुङ्बा निङ्वाॽफुमाङ्ङिन् ये़सु ख्रिस्तलाम्बा नोगे़न् पिरुङ्लो, थेआङ्भे़ल्ले़ निङ्वाॽफुमाङ्ङो के़वाॽबा खिनिॽ नसाःन्निल्ले़ कुयाःम्बेओबा इङ्घङ्ङिन् इक्सादिङ् खाम्बेःक्मो काक् पिसाङ् से़रे़आङ् वाॽरो॥ Gade chapit la |
रोमि 1:8
25 Referans Kwoze
पाःन्जाक् के़बाःप्पाल्ले़ निङ्वाॽफुमाङ्ङिल्ले़ कुबाःन्जाक् कुइसिक् पाःत्तुर, वेॽहाॽ से़वा के़जोःक्पाल्ले़ निङ्वाॽफुमाङ्ङिल्ले़ पिरुबा थुम्मिल्ले़ से़वा चोगुररो॥ हे़क्केलॽरिक् काक् पाःन्नो ये़सु ख्रिस्तलाम् निङ्वाॽफुमाङ्ङिल्ले़ कुमिमिदिङ् पोङ्लरो॥ काक् मिमिदिङ् नु मुक्साम्मिङ्ग सदादिङ् खुने़ॽइन्नेरो॥ आमे़न्॥
कर इस्राइलिहाॽरे़ सुनाइङ्ङिन् से़क्खाए मे़ङ्घे़म्मे मे़वाॽबि? से़क्खाए खे़ङ्हाॽरे़ मे़घे़प्सुआङ् वाॽरो॥ थेआङ्भे़ल्ले़, कन् सुनाइङ् के़से़बाहाॽरे़ खुनिॽ इङ्घङ्ङिन् खाम्बेःक्मो काक् पिसाङ् से़रे़आङ् वाॽरो, हे़क्क्याङ् खे़ङ्हाॽरे़ मे़बाःत्तुबा पाःन्निन् इक्सादिङ् खाम्बेःक्मोबा के़रे़क् ते़न्नो से़रे़आङ् वाॽ लॽरिक् साम्योसाप्लाओ साप्ते़आङ् पत्लो॥
आनिगे निङ्वाॽफुमाङ्ङिन् चक्मे़ल्लॽए नोगे़न् पिरुम्बे़ॽरो, थेआङ्भे़ल्ले़ आनिगे निङ्वाॽफुमाङ्ङिल्ले़ कुसुनाइङ्ङिन् खिनिॽओ तारुम्बे़ल्ले़ खे़ङ्ग मे़न्छाम्गे़न् याप्मिरे़ खुनिॽ पाःन्जान् हे़क्के मेःन्, कर निङ्वाॽफु पाःन्जाक्किन् कुइसिःक्के खिनिॽ ते़न्दिङ् के़जोगुम्॥ आल्ल खिनिॽ नसान् के़जोःक्पाहाॽओ निङ्वाॽफुमाङ्ङिल्ले़ कुबाःन्जान्निन् याःम्बक् चोःक्नु याक्लो॥
Piblisite