रोमि 1:5 - लिम्बु5 खुने़ॽलाम् नु कुमिङ्सो इङ्धाङ्ले़ लागि के़रे़क् लाजेॽबा थिम्मे़न्दङ् सुवाङ्हाॽरे़ नसान् मे़जोगुर हे़क्क्याङ् इङ्जाङ् के़इःप्पा के़नाःप्पा मे़बोङ्ल फाॽआङ् निङ्वाॽफुमाङ्ङिल्ले़ सेःक्युक्मिबा पोङ्मा सुये़म् पिरिगे़आङ् वाॽरो॥ Gade chapit la |
रोमि 1:5
24 Referans Kwoze
आल्लो कन् सुनाइङ्ङिन् माङ्निङ्वाॽपान् के़बाःप्पाहाॽरे़ मे़साप्तुबा पाःन्लाम् ओसेःन्दाङ् पोःक्खे़आङ् वाॽरो॥ हे़क्क्याङ् मे़न्नुप्मनाबा निङ्वाॽफुमाङ्ङिल्ले़ कुइङ्जाङ्लाम् के़रे़क्ले़ ख्रिस्ते़न् नसान् मे़जोगुआङ् निङ्वाॽफुमाङ्ङिन् के़इःप्पा के़नाःप्पा मे़बोङ्ल फाॽआङ् काक् मे़न्छाम् सुवाङ्हाॽओ कन् सुनाइङ्ङिन् इङ्भोर वाॽरो॥
“नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
कर आल्लो इङ्गाॽ आक्खेलॽरिक् वाॽआ खे़ङ्ग निङ्वाॽफुमाङ्ङिल्ले़ कुलुङ्गुम्मिल्ले़ चोगुल्ले़एरो॥ निङ्वाॽफुमाङ्ङिल्ले़ कुलुङ्गुम्मिन् इङ्गाॽओ चामे़सोःक्ते़न्लो॥ खे़न् वेॽ सेःक्युक्मिबाहाॽनुःल्ले़आङ् साॽरिक् याम्बुधिक्काङ् याःम्बक् चोगुङ्ङाङ् वाॽआरो, हे़क्केसाङ् इङ्गाॽ चोगुङ्बाग मेःन्लो कर इङ्गाॽओ के़वाॽबा निङ्वाॽफुमाङ्ङिल्ले़ कुलुङ्गुम्मिल्ले़ चोगुबारो॥
“कर अक्खेलॽरिक् इङ्ले़क् के़जोक्पे़न् साङ्ग्रा माङ्दे थार, खे़न् मनाःल्ले़ आबाङे कुधक्सा लुप्पोबा ताःक्मा सुक्के़दे़प्पा कुम्बाबा थक्सान् तोःम्मारे़ लागि माङ्हुप् चोगुॽ, कर के़गाःम्बा थक्सान् यहवे दाङ्बाओ तोःन्दुॽ॥ थेआङ्भे़ल्ले़ आङ्गाॽ पयम् यम्बा हाङ्आ, हे़क्क्याङ् के़रे़क् मे़न्छाम् सुवाङ्हाॽ आङ्गाॽनु मे़गिआङ् मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
Piblisite