रोमि 1:17 - लिम्‍बु

¹⁷ थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ कुनिमाओ आक्‍खेलॽरिक् आप्‍तिक् मेःन्‍नेबा आजोक् फाॽआङ् कन् सुनाइङ्‌ङिल्‍ले़ ओसेःन्‍आधाक्‍लो, हे़क्‍क्‍याङ् कङ्‌ग नसाःन्‍लाम् हेःक्‍सिङ्‌ङाङ् नसाःन्‍लाम्‍बाए कुलिङ्‌दो के़त्‍लो॥ साम्‌योसाप्‍लाओ अक्‍खेलॽरिक् साप्‍ते़आङ् पत्, “साम्‌योबाङ्‌ग नसाःन्‍लाम्‍बाए हिङ्‌लो॥”

रोमि 1:17 Referans Kwoze

हबकुक 2:4

“इङ्‌घङ्‌ङिन् हाबा कन्‍लो, खे़न् यम्‍बा के़हे़न्‍छिङ्‌बाङ्‌ग साम्‌योबा मेःन्‍लो, साम्‌योबाङ्‌ग कुनसाःन्‍लाम् हिङ्‌लो॥

गलाति 3:11

साम्‌योथिम्‍लाम् निङ्‌वाॽफुमाङ्‌ङिल्‍ले़ कुनिमाओ आत्तिन्‍हाॽआङ् आप्‍तिक् मेःन्‍नेबा मे़म्‍बोङ्‌ने़न् के़लॽबा पाःन्‍निन् से़क्‍खाए निदे़त्‍लो, थेआङ्‌भे़ल्‍ले़ साम्‌योसाप्‍लाओ अक्‍खे साप्‍ते़आङ् पत्, “साम्‌योबाङ्‌ग नसाःन्‍लाम्‍बाए हिङ्‌लो॥”

हिब्रु 10:38

कर इङ्‌गाॽ आसाम्‌योबा मनाहाॽ नसाःन्‍लाम्‍बाए मे़हिङ्‌लो॥ खे़ङ्‌हाॽ इङ्‌गाॽलाम् मे़नुःङ् मे़बेःक्‍ने़ फाॽग्र खे़ङ्‌हाॽनु आसिक् खे़ङ्‌लो॥”

फिलिप्‍पि 3:9

हे़क्‍केलॽरिक् इङ्‌गाॽ खुने़ॽइन् पोङ्‌ङानि फाॽआङ् हे़क्‍के इःत्तुङ्‌लो॥ इङ्‌गाॽ साम्‌योथिम्‍मिन् इःत्तुङ् नाःत्तुङ्‌ङाङ् इङ्‌गाॽ निङ्‌वाॽफुमाङ्‌ङिल्‍ले़ कुनिमाओ साम्‌योबा पोङ्‌मा मे़न्‍छुक्‍पे़न्‍लो, कर ख्रिस्‍ते़न् नसान् चोगुङ्‌बाल्‍ले़ए निङ्‌वाॽफुमाङ्‌ङिल्‍ले़ साम्‌योबा चोःक्‍कारो॥

रोमि 9:30

हे़क्‍केःल्‍ले़ आल्‍ल आनिॽ थे पाःप्‍माबे? थिम्‍मे़न्‍दङ् सुवाङ्‌हाॽरे़ग साम्‌योबा पोङ्‌मा मे़ङ्‌गोःत्तुन्‍छाङ् नसान् मे़जोगुबालाम्‍बा साम्‌योबा मे़बोःक्‍खे़॥

रोमि 3:21

कर आल्‍ल साम्‌योथिम् मे़ःन्‍नेसाङ् निङ्‌वाॽफुमाङ्‌ङिल्‍ले़ मनाहाॽ आप्‍तिक् मेःन्‍नेबा चोगुसिआङ् वाॽ के़लॽबा लाम्‍मिन् खोदे़त्ते़आङ् वाॽरो॥ हे़क्‍क्‍याङ् खे़न् पाःन्‍निल्‍ले़ कुयाःम्‍बेओ साम्‌योथिम् नु माङ्‌निङ्‌वाॽपान् के़बाःप्‍पाहाॽरे़ मे़बाःत्तुआङ् वाॽरो॥

रोमि 3:3

खे़ङ्‌हाॽ कुभा नसाःन्‍साबा मे़न्‍जोःक्‍ने़न्‍छाङ् थे पोःक्‍खे़आङ्‌बे? खे़ङ्‌हाॽ नसाःन्‍साबा मे़न्‍जोःक्‍ने़न्‍बाल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ चोगुबा माङ्‌हे़क्‍किन् मे़गे़त्तुम्‍बि?

युहुन्‍ना 3:36

निङ्‌वाॽफुसान् नसान् के़जोःक्‍पा के़रे़क्‍ले़ मे़न्‍नुप्‍मनाबा हिङ्‌मन् मे़घोसुॽरो॥ आबुगे़न् कुस्‍सान् नसान् मे़न्‍जोःक्‍मनाबाहाॽरे़ मे़न्‍नुप्‍मनाबा हिङ्‌मन् आप्‍फाल्‍ले़आङ् मे़ङ्‌घोसुन्‍लो, कर निङ्‌वाॽफुमाङ्‌ङिल्‍ले़ कुसाक्‍के़न्‍निन् खे़ङ्‌हाॽ सम्‍दाङ् चुक्‍लो॥

इजकिएल 18:9

हे़क्‍क्‍याङ् आइङ्‌जाङ्‌हाॽ नु आधिम्‍हाॽ कुदोःप्‍माआङ् इःत्तु नाःत्तुॽ॥ कन् पाःन्‍हाॽ के़जोःक्‍पाङ्‌ग साम्‌योबारो हे़क्‍क्‍याङ् से़क्‍खाए हिङ्‌लो, आङ्‌गाॽ मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुॽ॥

रोमि 3:22

निङ्‌वाॽफुमाङ्‌ङिल्‍ले़ मनाहाॽ आप्‍तिक् मेःन्‍नेबा चोगुसिबा कन् लाम्‍मिङ्‌ग ये़सु ख्रिस्‍ते़न् नसान् के़जोःक्‍पा के़रे़क्‍ले़ नसाःन्‍लाम्‍मे खोदे़त्‍लो॥ निङ्‌वाॽफुमाङ्‌ङिल्‍ले़ यहुदि नु थिम्‍मे़न्‍दङ् सुवाङ् लॽरिक् मे़से़न्‍दुन्‍छिन्‍लो,

रोमि 10:3

खे़ङ्‌हाॽरे़ निङ्‌वाॽफुमाङ्‌लाम् के़दाबा साम्‌योबान् कुसिङ् मे़न्‍निःत्तुम्‍बाल्‍ले़ चोगुल्‍ले़ खे़ङ्‌हाॽरे़ साम्‌योथिम्‍मिन् इःप्‍मा नाःप्‍माआङ् आबाङे साम्‌योबा पोङ्‌मा तम्‍सिङ् मे़जोगु, हे़क्‍केलॽरिक् खे़ङ्‌हाॽरे़ निङ्‌वाॽफुमाङ्‌ङिल्‍ले़ कुसाम्‌योबा पोङ्‌मा लाम्‍मिन् मे़नाॽरुरो॥

२ कोरन्‍थि 3:9

मे़न्‍छाम् याप्‍मिहाॽ पान् के़धिक्‍पा माङ्‌से़वान् मिमिदिङ्‌बा पोःक्‍खे़ल्‍ले़ मे़न्‍छाम् याप्‍मिओ साम्‌योनिमा के़दाःप्‍पा माङ्‌से़वान् खे़न्‍नुःल्‍ले़आङ् यरिक् मिमिदिङ्‌बा चोक्‍लो!

२ कोरन्‍थि 5:21

थेआङ्‌भे़ल्‍ले़ आनिॽग ख्रिस्‍तलाम् निङ्‌वाॽफुमाङ्‌ङिल्‍ले़ कुनिमाओ साम्‌योबा आबोङ्‌ल फाॽआङ् निङ्‌वाॽफुमाङ्‌ङिल्‍ले़ लायो मे़न्‍जोःक्‍के के़वाॽबान् आनिॽ लागि लायो कुःत्तुरो॥

खानिःत् 21:9

खे़म्‍ब्‍याङ् मोसाःल्‍ले़ लत्‍छा कासा असेःक् चोगुआङ् खे़न् लत्‍छा सित्‍लाङ्‌ङो फोःन्‍दु॥ असेःक्‍किल्‍ले़ अगुसिबा के़रे़क्‍ले़ कासा असेःक्‍किन् ओमे़मे़त्तुआङ् खे़ङ्‌हाॽ मे़हिङे़॥