Biblia Todo Logo
Bib sou entènèt

- Piblisite -




रोमि 1:13 - लिम्‍बु

13 आमिःम् फुॽनुसाॽ नु ने़ॽनुसाॽसे, खिनिॽओ तामा यरिक्‍ले़ङ् निङ्‌वाॽ चोगुङ्, कर आल्‍लो थारिक् तामा मे़न्‍छुक्‍पे़न् के़लॽबान् निङ्‌वाॽ खोसे़म्‍मे़ॽ के़लॽबा निङ्‌वाॽ इःत्तुङ्‌लो॥ इङ्‌गाॽ वेॽ थिम्‍मे़न्‍दङ् सुवाङ्‌हाॽ ख्रिस्‍तओ तारुङ्‌सिङ्‌बा हे़क्‍के खिनिॽओलाम्‍माङ् यरिक् मनाहाॽ ताःप्‍मासि आनिङ्‌वाॽ वाॽरो॥

Gade chapit la Kopi




रोमि 1:13
38 Referans Kwoze  

कन् पाःन्‍हाॽ पोःक्‍खे़चुरे़आङ् पावलरे़ मे़सेदोनिया नु अक्‍खैया थुम् पोङ्‌मार यरुसले़म पेःक्‍मा निङ्‌वाॽ चोगु॥ हे़क्‍क्‍याङ् खे़ल्‍ले़ अक्‍खे मे़त्तुसि, “इङ्‌गाॽग खे़प्‍मो पेःक्‍माआङ् रोम ये़क्‌यक्‍कोआङ् पेःक्‍माए पोङ्‌लो॥”


इङ्‌गाॽ खिनिॽलाम् कुभाॽ खोमा फाॽआङ्‌ग मेःन्‍लो, कर कुभाॽ याप्‍मि के़बिरिबालाम् निङ्‌वाॽफुमाङ्‌ङिल्‍ले़ हाङ्‌वा मुॽइसाम्‍मिन् खिनिॽ के़बिरिर के़लॽबा आनिङ्‌वाॽ वाॽरो॥


कर दाङ्‌बान् इङ्‌गाॽनु वये़आङ् थिम्‍मे़न्‍दङ् सुवाङ्‌हाॽरे़ सुनाइङ् खे़म्‍मा मे़घोसुनि फाॽआङ् सुनाइङ् इङ्‌भोमा के़सुक्‍पा पोङ्‌मा थुम् पिराङ्‌लो॥ दाङ्‌बाल्‍ले़ग इङ्‌गाॽ खिरिङ्‌बाल्‍ले़ कुमुराओलाम्‍माङ् से़ःप्‍ताङ्‌लो॥


फुॽनुसाॽ नु ने़ॽनुसाॽसे, के़सिबा नसानिबाहाॽरे़ खुनिॽ याःम्‍बेओ थेआङ् मे़ल्‍ले़ मे़न्‍निए मे़वये़म्‍मिन्‍ने़ॽ के़लॽबा निङ्‌वाॽ चोगुम्‍बे़आङ् वाॽरो॥ हे़क्‍केलॽरिक् ये़सुओ निङ्‌साङ् के़होप्‍पा मनाहाॽ कुइसिक् मे़रिङ् मे़धक्‍ते़म्‍मिन्‍ने़ॽओ॥


आनिगे खिनिॽओ तामा निङ्‌वाॽ चोगुम्‍बे़आङ् वये़, हे़क्‍क्‍याङ् इङ्‌गाॽ पावल आबाङेआङ् ए़त्‍ले़ङ् तामा निङ्‌वाॽ चोगुङ्, कर माफे़न्‍साम्‍मिल्‍ले़ आनिगे लाम् साक्‍तिगे़रो॥


आमिःम् फुॽनुसाॽ नु ने़ॽनुसाॽसे, एसियाबा ते़ङ्‌गप्‍पो आनिगे तुमुम्‍बे़बा के़साक्‍पा इनोगे़न् तुक्‍खेन् खिनिॽ निङ्‌वाॽओ ताःप्‍मा के़लॽबा निङ्‌वाॽ चोगुङ्‌लो॥ खे़न् तुक्‍खेःङ्‌ग थम्‍मा सुक्‍मे़न्‍दे़प्‍मना कुइसिक् चोगे़, हे़क्‍केःल्‍ले़ आनिगे हिङिगे़ॽ के़लॽबा निङ्‌वाॽए मे़न्‍इःप्‍मनारो॥


आल्‍ल आमिःम् फुॽनुसाॽ नु ने़ॽनुसाॽसे, सेसेमाङ्‌लाम्‍बाबा याम्‍साम्‍गे़न् पर्धाःम्‍हाॽरे़ कुयाःम्‍बेओ निङ्‌वाॽ मे़ङ्‌घोए के़वयिबा आनिङ्‌वाॽ होप्‍लो॥


आमिःम् फुॽनुसाॽ नु ने़ॽनुसाॽसे, आनिॽ सुधे़बा ताक्‍थे़बाहाॽ एःक्‍सादे़न्‍नो मोसाःन्‍नु लाम्‍दिक् मे़जोगे़ल्‍ले़ थे पोःक्‍खे़ के़लॽबा पाःन्‍निन् निङ्‌वाॽ मे़भेःत्‍छे़म्‍मिन्‍ने़ॽ के़लॽबा आनिङ्‌वाॽ वाॽरो॥ खाप्‍मिःप्‍पाल्‍ले़ खुनिॽ लाम्‍दिःक्‍को लाम्‍लोसुसिर खे़ङ्‌हाॽ के़रे़क् वाहङ् लुम्‍मो मे़बोःक्‍खे़र मे़बेरो॥


खिनिॽ सुनाइङ्‌ङिन् के़घे़प्‍सुम् हे़क्‍क्‍याङ् निङ्‌वाॽफुमाङ्‌ङिल्‍ले़ कुलुङ्‌गुम्‍मिन् काक् से़क्‍खाओ कुसिङ् के़निःत्तुम्‍बा ये़न्‍नाङ्‌धो खिनिॽ लुम्‍मो पोङ्‌ल पप्‍पा हे़क्‍केए काक् इक्‍सादिङ् खाम्‍बेःक्‍मो आत्तिसाङ् मनालुम्‍मो सुनाइङ्‌ङिल्‍ले़ मुॽइसाम् तारुर पोर पत्‍लो॥


आमिःम् फुॽनुसाॽ नु ने़ॽनुसाॽसे, खिनिॽ आङ्‌दिङ् के़न्‍लॽरिन्‍ल फाॽआङ् कन् सिबिॽगे़न् पाःन्‍निन् कुसिङ् निःत्ते़म्‍मे़ॽ के़लॽबा आनिङ्‌वाॽ वाॽरो॥ कन् सिबिॽगे़न् पाःन्‍निङ्‌ग निङ्‌वाॽफुमाङ्‌ङिल्‍ले़ कुनिङ्‌सेक् कुइसिक् नसान् चोःक्‍मा के़बोङ्‌बा थिम्‍मे़न्‍दङ् सुवाङ्‌हाॽरे़ नसान् चोःक्‍मा मे़न्‍छुःत्ते थारिक् यरिक् यहुदिहाॽ खुनिॽ निङ्‌वाॽ मे़न्‍नुःङ्‌मनाबा मे़बोङ्‌लो॥


खिनिॽ याप्‍मि के़न्‍छेगिन् कर इङ्‌गाॽ खिनिॽ सेःक्‍निङ्, हे़क्‍क्‍याङ् पेगे़म्‍मे़ॽआङ् सदादिङ् के़बप्‍पा कुजाॽ फत्‍छे़म्‍मे़ॽ फाॽआङ् सेःक्‌युक् चोःक्‍निङ्‌ङाङ् वाॽआरो॥ आमिङ्‌ङो थे के़नाःक्‍तुम्‍साङ् पानुदिङ् आम्‍बारे़ के़बिरिॽरो॥


हे़क्‍क्‍याङ् के़सुम्‍बाल्‍ले़ खुने़ॽ कुनाम्‌याक् खोसुरो॥ हे़क्‍क्‍याङ् खे़ङ्‌हाॽरे़ मे़न्‍नुप्‍मनाबा हिङ्‌मन्‍ले़ लागि पोगुगे़न् कुजान् मे़सुप्‍सुरो॥ हे़क्‍केलॽरिक् याॽरिःम्‍बा के़हेॽबा नु चा के़सुम्‍बा ने़प्‍माङ् सःत्‍छिरो॥


तगिनुए लायोल्‍ले़ सिगाङ्‌गे़न् मुक्‍साम्‍मिन् याःम्‍बक् चोःक्‍नु याक्, कर निङ्‌वाॽफुमाङ्‌ङिल्‍ले़ खे़न् लाम् के़साक्‍पे़न् कुलाम्‍मोलाम् मे़ङ्‌घे़त्ते थारिक् खे़ल्‍ले़ कुयाःम्‍बक्‍किन् लाःक्‍कात् मे़धाःप्‍ने़न्‍लो॥


कर निङ्‌वाॽफुमाङ्‌ङिन् नोगे़न्‍लो, थेआङ्‌भे़ल्‍ले़ खुने़ॽ सदादिङ् ख्रिस्‍ते़न्‍नु सोरिक् थङ्‌नाःम्‍बा ससःत्‍सराङ्‌ङो लाम्‍आलोरो॥ हे़क्‍क्‍याङ् कुनाम्‍गे़नुॽबा फुङ्‌नाम्‍मिन् से़बा कुइसिक् खुने़ॽ ख्रिस्‍तरे़ कुयाःम्‍बेओबा ने़हिनिङ्‌वाॽइन् आनिॽलाम्‍बा के़रे़क् पिसाङ् से़सुरो,


वेॽहाॽरे़ इङ्‌गाॽ सेःक्‌युक्‍मिबा लॽरिक् मे़न्‍इःत्तान्‍छाङ् खिनिॽ लागिग सेःक्‌युक्‍मिबाआएरो॥ इङ्‌गाॽ दाङ्‌बाल्‍ले़ कुसेःक्‌युक्‍मिबाआ फाॽआङ् खिनिॽए तसि-पर्माङ्‌गि के़वयिॽरो॥


पावलरे़ खे़ङ्‌हाॽ के़रे़क् से़वा मे़त्तुसिआङ् खुने़ॽ कुहुक्‍कोलाम् थिम्‍मे़न्‍दङ् सुवाङ्‌हाॽरो अक्‍खेलॽरिक् निङ्‌वाॽफुमाङ्‌ङिल्‍ले़ याःम्‍बक् चोगु के़लॽबा काक् पाःन्‍हाॽ चे़क्‍तुसिरो॥


बरनाबास नु पावलरे़ खुन्‍छिॽलाम् थिम्‍मे़न्‍दङ् सुवाङ्‌लुम्‍मो निङ्‌वाॽफुमाङ्‌ङिल्‍ले़ चोगुबा मिक्‍सेन् नु निङ्‌वाॽ के़माबा याःम्‍बक्‍हाॽ चे़क्‍खे़छुल्‍ले़ ये़जुम्‍भोबा काक् मनाहाॽ स्‍वाःत्ताङ् मे़घे़प्‍सुर मे़युङे़रो॥


खे़ङ्‌हाॽ एन्‍तिओक्‍को के़रे़त्‍छिआङ् खे़प्‍मोबा सेसेहुप्‍लक्‍कोबा नसानिबाहाॽ निङ्‌वाॽफुमाङ्‌ङिल्‍ले़ खुन्‍छिॽलाम् चोगुबा के़रे़क् याःम्‍बक्‍हाॽ हे़क्‍क्‍याङ् अक्‍खेलॽरिक् थिम्‍मे़न्‍दङ् सुवाङ्‌हाॽरे़आङ् से़न्‍लप् खोमा मे़सुक्‍तुर फाॽआङ् निङ्‌वाॽफुमाङ्‌ङिल्‍ले़ लाम्‍धेःप्‍पे़न् हन्‍दुबा पाःन्‍निन् चे़क्‍खे़त्‍छुरो॥


इङ्‌गाॽ से़क्‍खाए मे़त्‍निङ्, याॽरिःम्‍बान् खाम्‍मो मक्‍थाआङ् मे़न्‍छिए थारिक् खे़ङ्‌ग थिक्‍लक् ने़रो॥ कर खे़न् सिःने़ फाॽग्र खे़न्‍लाम् यरिक् पोगुगे़न् कुजाॽ थोःक्‍लो॥


के़दाबा ये़न्‍हाॽओ याकुबरे़ कुस्‍साहाॽ इस्राइलबा मनाहाॽ सिङ्‌बुङ् कुइसिक् कुसाःप् मे़लेःत्‍छिङ्‌लो, हे़क्‍क्‍याङ् सिङ्‌बुङ्‌ङिन् फे़क्‍काङ् कुजाॽइल्‍ले़ थिम्‍सुबा हे़क्‍के खे़ङ्‌हाॽ मे़बोन् मे़धे़ॽरो, खे़ब्‍याङ् काक् इक्‍सादिङ् खाम्‍बेःक्‍किन् मे़धिम्‍सुरो॥


खे़न् ये़म्‍मो पत्रुसे़न् किप्‍थिक्‍काङ् निबोङ् यारिक् (१२०) नसानिबा लुम्‍मो ये़म्‍सिङ्‌ङाङ्


खे़प्‍मो आनिगे कुभा नसानिबा फुॽनुसाॽहाॽ तुम्‍मनासि, हे़क्‍क्‍याङ् खे़ङ्‌हाॽरे़ ये़त्‍नाम्‍धिक् याःक्‍ते़म्‍मे़ॽ लॽरिक् पेलि याप्‍मि मे़भाक्‍ते़रो॥ आनिगे खुन्‍छिॽनु ये़न्‍नाम्‍धिक् याःक्‍मनाआङ् रोम ले़प्‍माङ् थासिङ्‌मनारो॥


हे़क्‍केलॽरिक् आनिॽ के़रे़क्‍ले़ नसाःन्‍लाम्‍बा हाङ्‌हाङ् आमे़त्‍छिङ्‌लो॥


आल्‍ल साम्‌योथिम् के़ले़बा के़निबा आमिःम् फुॽनुसाॽ नु ने़ॽनुसाॽसे, इङ्‌गाॽ पाःप्‍मा कोःत्तुङ्‌बा पाःन्‍निन् कुसिङ् के़निःत्तुम्‍लो॥ साम्‌योथिम्‍मिल्‍ले़ग मनान् कुहिङ्‌वे़त् वाॽर थारिक्‍लक् युक्‍तुॽ॥


आमिःम् फुॽनुसाॽ नु ने़ॽनुसाॽसे, खिनिॽ लुम्‍मो से़म्‍मा मे़बोङ्‌ने़न्‍ल कर तङे़म्‍मे़ॽआङ् वये़म्‍मे़ॽ फाॽआङ् आनिॽ दाङ्‌बा ये़सु ख्रिस्‍तरे़ कुमिङ्‌ङो पेलि फाक्‍निङ्‌लो॥ हे़क्‍क्‍याङ् खिनिॽ निङ्‌वाॽ नु निङ्‌वाॽ इःप्‍माओआङ् थिक्‍हुप् पोःक्‍खे़म्‍मे़ॽओ॥


फुॽनुसाॽ नु ने़ॽनुसाॽसे, खिनिॽ हिन्‍जाॽबित्‍छा कुइसिक् निङ्‌वाॽ इःप्‍मा ले़रे़म्‍मे़ॽओ॥ फे़न्‍पाःन्‍नो अङे़ःक्‌वा कुइसिक् पोःक्‍खे़म्‍मे़ॽओ, कर निङ्‌वाॽ इःप्‍माओग कुनिङ्‌वाॽ के़दुम्‍बा मनाहाॽ कुइसिक् पोःक्‍खे़म्‍मे़ॽओ॥


फुॽनुसाॽ नु ने़ॽनुसाॽसे, आल्‍ल इङ्‌गाॽ अक्‍खे पाःत्तुङ्‌लो॥ खिनिॽ सेसेहुप्‍लक्‍को के़जुप्‍सिल्‍ले़ लत्‍थिक्‍किल्‍ले़ साम्‍लो कत्तुॽ, वेॽसमाल्‍ले़ निसाम् कत्तुॽ, वेॽसमाल्‍ले़ निङ्‌वाॽफुमाङ्‌ङिल्‍ले़ पिरुबा ओसेःन्‍दाङ् पान् कत्तुॽ, वेॽसमाल्‍ले़ वेॽ पाःन्‍दाङ् कत्तुॽ हे़क्‍क्‍याङ् वेॽसमाल्‍ले़ वेॽ पाःन्‍दाङ्‌ङिन् पाःन्‍ले़ङ्‌मा पर्धाःम् कत्तुॽरो॥ कन् के़रे़क् पाःन्‍हाॽ सेसेहुप्‍लक्‍किल्‍ले़न् याम्‍साम्‍गे़न् थोबो चोःक्‍मा फाॽआङ् ओगप्‌ चोःक्‍मा पोङ्‌लो॥


आमिःम् फुॽनुसाॽ नु ने़ॽनुसाॽसे, इङ्‌गाॽ कप्‍मो मे़न्‍छाम् याप्‍मि थिम्‍लाम् कुबिधिक् पिनिङ्‌लो॥ ने़प्‍फुरे़ माङ्‌हे़क् चोःक्‍सुआङ् पान् तङ्‌सुबा साप्‍लाओ आत्तिल्‍ले़आङ् ले़ङ्‌मा नु योॽमा मे़सुक्‍तुन्‍लो॥


आमिःम् फुॽनुसाॽ नु ने़ॽनुसाॽसे, दाङ्‌बा ये़सु ख्रिस्‍तरे़ कुलुङ्‌गुम्‍मिन् खिनिॽनु वाॽररो॥ आमे़न्॥


कर इङ्‌गाॽ हिङ्‌ङाने़ फाॽग्र ख्रिस्‍तरे़ कुसे़वा चोःक्‍मा याःम्‍बक् खोसुङ्‌लो॥ हे़क्‍केःल्‍ले़ थे़माःन् सेगुङ्‌बाबे? मे़निआन्‍लो!


हे़क्‍क्‍याङ् दाङ्‌बा ये़सुन् लाॽरुबा हिङ्‌मन्‍नो सुम्‍बोधासाबा के़बोःक्‍खिर, हे़क्‍केलॽरिक् काक् परिक्‍ले़ खुने़ॽ कुनिङ्‌वाॽ के़दासुम्‍ल हे़क्‍क्‍याङ् निङ्‌वाॽफुमाङ्‌ङिन् आल्‍लसाङ् नुरिक्‍काङ् कुसिङ् निःप्‍मा के़सुक्‍तुम्‍माङ् काक् नुबा याःम्‍बक्‍किल्‍ले़ निङ्‌वाॽफुमाङ्‌ङिल्‍ले़ कुनिङ्‌वाॽ के़दासुम्‍ल फाॽआङ् आनिगे तुवा चोगुम्‍बे़रो॥


Swiv nou:

Piblisite


Piblisite