सुफो 9:17 - लिम्बु17 इङ्गाॽ निसुङ्बा सुफोओ अन्हाॽ नु अन् के़युक्पाहाॽ अक्तङ्बा मे़जोगे़—खे़ङ्हाॽरे़ खुनिॽ सङ्बेॽ से़ःप्चाङ्ङिन् मि हे़क्के हे़ःत्ताङ्बा, कुभिङ्लुङ् हे़क्के फिङ्दाङ्बा नु कान्धाक् हे़क्के अम्दाङ्बा चोगे़रो॥ हे़क्क्याङ् अन्हाॽरे़ खुनिॽ थे़गेक्पाङ्ग खिरिङ्बाल्ले़न् कुइसिक् चोगे़, हे़क्क्याङ् खे़ङ्हाॽरे़ खुनिॽ मुराओलाम् मि, मिःक्खुॽ नु कान्धाक्किन् लःन्दे़रो॥ Gade chapit la |
सुफो 9:17
16 Referans Kwoze
कर किस्रुक्पाहाॽ, नसान् मे़न्जोःक्मनाबाहाॽ, फे़क्के़लाॽबाहाॽ, मना के़से़प्पाहाॽ, ताप्फे़ःम्बा याःम्बक् के़जोःक्पाहाॽ, फे़न्साम् मुन्धुम् के़नाःप्पाहाॽ, नावाइत्ला से़वा के़जोःक्पाहाॽ नु इङ्ले़क् के़बाःप्पाहाॽरे़ खुनिॽ वाॽमादे़ङ्ग कान्धाक् नु मि के़दिःप्पार के़बप्पा लुम्बाःत्तो पोङ्लो॥ खे़ङ्ग निसिगेक्पा सिमे़न्लो॥”
गादबा कुभा कुभा मनाहाॽआङ् मुरे़क् खारे़क् थेआङ् के़होप्पा ये़ःङ्घादे़न्नो के़ने़बा यक्को दाउदे़न्नु फुङ्सिङ्से़ मे़द्ये़॥ खे़ङ्हाॽ मुक्के़गुबा थक्लिहाङ् मनाहाॽ मे़वये़ हे़क्क्याङ् थङ् चोःक्मारे़ लागि ताम्सिङ् मे़जोगे़आङ् मे़वये़, खे़ङ्हाॽरे़ खो नु लाःक् याङ्मा मे़सुक्तु॥ खे़ङ्हाॽ खिरिङ्बा कुइसिक् किप्मा के़घुबा नु कोःक्माहाॽओ पे़ःङ्वा हे़क्के के़जप्पा मे़जोगे़रो॥
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
हे़क्क्याङ् खुनिॽ इङ्ले़क् के़मे़प्पा माफे़न्साम्मिन् मिराःक् नु कान्धाक् के़दिःप्पा लुम्बाःत्तो लाप्फुसुरो॥ खे़प्मोग किप्मा के़घुबा थक्सान् नु इङ्ले़क्पा माङ्निङ्वाॽपान् के़बाःप्पे़न्नाङ् तगिसा लाप्मे़भुसुसिआङ् यागे़त्छिरो॥ हे़क्क्याङ् खे़ङ्हाॽग से़न्दिक् ले़न्दिक् सदादिङ् खे़प्मो तुक्खे मे़जारो॥
थेआङ्भे़ल्ले़ यरिक् ये़न् तगि अस्सुरबा यम्बा हाङ्ङिन् मिधिङ्मारे़ लागि यम्बा मि तुम्मादे़न्धिक् मे़जोगुआङ् वये़रो॥ खे़न् ते़न्निन् ताम्दाम्बा नु केःम्बा लुम्बात् चोक्लो हे़क्क्याङ् खे़प्मो यरिक् सिङ् मे़लुप्सुआङ् ने़रो॥ यहवे दाङ्बान् सक्मा सोःन्छिङ्ङिल्ले़ मिधुङ्दिङ् मिराःक् लःन्नाङ् खे़प्मो मि हाःन्दुरो॥
ङासिगेःक्पे़न् मुधिङ्लुङ्, तुक्सिगेःक्पे़न् लुङ्से़रुम्बा, नुसिगेःक्पे़न् अम्ले़ङ्लुङ्, ये़त्छिगेःक्पे़न् लुङ्मिङ्, फाङ्सिगेःक्पे़न् कुरिङ्लुङ्, थिबोङ् सिगेःक्पे़न् कुहिःक्लुङ्, थिक्थिक् सिगेःक्पे़न् फुःत्ताङ्लुङ्, हे़क्क्याङ् थिक्-ने़त् सिगेःक्पे़न् हे़ःक्कङ्लुङ्ङिल्ले़न् मे़जोगुआङ् वये़रो॥
Piblisite