सुफो 8:7 - लिम्बु7 हे़क्क्याङ् थिक्सिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ माक्खिॽनु के़भुत्छिङ्बा फःन् नु मिन् इक्सादिङ् खाम्बेःक्मो इक्सिङ्ल थामा हेःक्ते़रो॥ हे़क्क्याङ् कुलक् सुम्सिओ कुसुक्वा थिक् इक्सादिङ् खाम्बेःक्मान् नु कुलक् सुम्सिओ कुसुक्वा थिक् सिङ्बुङ्हाॽ, हे़क्क्याङ् काक् सरेःत्क्याःप्पा याःन्हाॽ मिदिगे़बेरो॥ Gade chapit la |
सुफो 8:7
29 Referans Kwoze
हे़क्क्याङ् मे़न्छाम् याप्मि सम्दाङ् ताङ्साक्पोलाम् यम्बयम्बा फःन् थ्ये़रो॥ खे़न् फःन्निङ्ग लिबोङ् (४०) लिबोङ् किलो थारिक् के़लिःप्पा चोगे़रो॥ हे़क्क्याङ् खे़न् मे़न्छाम् याप्मिहाॽरे़ग कन् फःन्निल्ले़न् मिन्देॽइल्ले़ चोगुल्ले़ निङ्वाॽफुमाङ्ङिन् साङ्ग्रा मे़मे़त्तुरो, थेआङ्भे़ल्ले़ खे़न् मिन्देॽइङ्ग साॽरिक् किप्मा के़घुबा चोगे़रो॥
यहवे दाङ्बे़ल्ले़ के़रे़क् मनाहाॽ खुने़ॽ कुमिमिदिङ्गे़न् कुइक्लान् मे़घे़प्सुर याःन्दुसिरो, हे़क्क्याङ् तिङ्दिङ्गे़न् कुयाःक्ले़ॽमान् निङ्वाॽ मे़घोसुर चोगुसिरो॥ खे़ॽयो साःम्भे ले़क्ल खे़रे़ङ्घुरुङ् लॽआङ् मिधुङ् मिराःक् पोःक्लो, फःन् थाआङ् वहित् साम्मिःत् खइक् खइक् इक्सिङ्लो, खे़ब्याङ् वधोःक्को च्वाःत् हुङ्मना थेसिङ् के़लॽबा आबङ्बङ्बा वहित् थासुरो॥
हे़क्क्याङ् थिक्सिगेक्पा माङ्लाइङ्बान् पेआङ् कुघोर्यान् खाम्बेःक्मो हुक्खु, हे़क्क्याङ् खे़न् किप्मा के़घुबा थक्साःल्ले़ इबुगे़न् कुमिक्सेःन्निन् के़लक्पा नु कुनावाइत्लान् सेसे माङ्गे़घःबाहाॽ याम्गे़सिङ्बा नु साॽरिक् के़दुक्पा याङ्घेःक्किल्ले़ खुनिॽ थक्किन् सिदे़प् ते़प्तुर लःन्दे़रो॥
हे़क्क्याङ् इङ्गाॽ अम्दाङ्बा अन्निन् खे़प्मो निसुङ्लो॥ खे़न् अन् के़युक्पाल्ले़ कुमिङ्ग “सिमे़न्” वये़॥ हे़क्क्याङ् खे़मायङ्सङ्ङोबा के़सिबाहाॽरे़ खुने़ॽ मे़दिम्दुरो॥ इक्सादिङ् खाम्बेःक्मोबा कुलक् लिसिओ कुलक् थिक् मे़न्छाम् याप्मिहाॽ थङ्, साक्, तुक्मा नु ताम्भुङ् थक्साहाॽलाम् से़प्मासि फाॽआङ् खे़ङ्हाॽ युक् मे़बिरुसिरो॥
Piblisite