खे़ल्ले़चोगुल्ले़ मुक्साम्दाङ्बा यहवे दाङ्बे़ल्ले़ खे़न् यरुसले़ःम्मोबा माङ्निङ्वाॽपान् के़बाःप्पाहाॽरे़ खुन्छिॽ याःम्बेओ अक्खे पाःत्तुरो, “आङ्गाॽ खे़ङ्हाॽ चामारे़ लागि साक्खिःक् के़घिःक्पा सुङ्घिःङ्बान् हे़क्क्याङ् थुङ्मारे़लागि निङ्ङिन् पिरुङ्सिङ्लो थेआङ्भे़ल्ले़ खे़ङ्हाॽरे़ के़रे़क् लाजेन् लायोल्ले़ थिम्सुबा मे़जोगुआङ् ने़रो॥”
सुफो 8:11 - लिम्बु11 खे़न् खेःम्सिक्पाल्ले़ कुमिङ्ग “पघिःक् के़घिःक्पा” वये़॥ खे़ल्ले़ कुलक् सुम्सिओ कुसुक्वा थिक् च्वाःत्तिन् के़घिःक्पा चोगु, हे़क्क्याङ् खे़न् च्वाःत्तिन् मे़धुङुआङ् यरिक् मे़न्छाम् याप्मिहाॽ मे़स्ये़रो॥ Gade chapit la |
सुफो 8:11
17 Referans Kwoze
सिङ्सिङ् लॽरे़म्मे़ॽ! खे़न् मे़न्छाम् सुवाङ्हाॽरे़ खुन्छिॽ माङ्हाॽ से़वा मे़त्छे़ आइन् यहवे दाङ्बा आनिॽ निङ्वाॽफुमाङ्लाम् खिनिॽओबा कुभा ये़म्बित्छा इग्र मे़न्छुमा, किग्र थाःक् इग्र पासिङ्हाॽरे़ खुन्छिॽ निङ्वान् मे़हिसिङ्ङिन्ल॥ ये़क्ये़क् लॽरे़म्मे़ॽ, खिनिॽ लुम्मो अक्तङ्बा फे़न्निङ्वाॽ के़दाःप्पा थे़मा पाःन्निल्ले़आङ् कुबुङ् होःप्ल॥
हे़क्क्याङ् थिक्सिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ माक्खिॽनु के़भुत्छिङ्बा फःन् नु मिन् इक्सादिङ् खाम्बेःक्मो इक्सिङ्ल थामा हेःक्ते़रो॥ हे़क्क्याङ् कुलक् सुम्सिओ कुसुक्वा थिक् इक्सादिङ् खाम्बेःक्मान् नु कुलक् सुम्सिओ कुसुक्वा थिक् सिङ्बुङ्हाॽ, हे़क्क्याङ् काक् सरेःत्क्याःप्पा याःन्हाॽ मिदिगे़बेरो॥
खे़ल्ले़ याःन्दिक् कुलक् थिक्हाॽ मिओ याक्तुङ्सिङ्लो, युप्पा साङ्मनाबा कुइसिक् खे़ङ्हाॽ योःन्दुङ्सिङ्लो, साम्म्याङ् योःम्मनाबा कुइसिक् साॽरुङ्सिङ्लो॥ खे़ङ्हाॽरे़ आङ्गाॽ आमिङ्ङो पेलि मे़भाक्कारो, खे़ब्याङ् आङ्गाॽ खे़ङ्हाॽ नुगप् पिरुङ्सिङ्लो॥ ‘खे़ङ्हाॽ आङ्गाॽ आमनासि’ फाॽआङ् मे़त्तुङ्सिङ्लो, हे़क्क्याङ् खे़ङ्हाॽरे़ अक्खे मे़बाःत्तुरो, ‘यहवे दाङ्बे़न् आनिगे निङ्वाॽफुमाङ्लो॥’”
Piblisite