हे़क्क्याङ् इङ्गाॽ हाङ्युक्नाहाॽ निसुङ्सिङ्॥ खे़प्मो खासे़न् लोःम्मा युक् के़घोबाहाॽ मे़युङे़॥ हे़क्क्याङ् ये़सु ख्रिस्तरे़ ओसेःन्दाङ् चोगुबा से़क्खान् नु निङ्वाॽफु पाःन्जाक्किन् इङ्भन् मे़जोगुबाल्ले़ चोगुल्ले़ खुनिॽ थे़गेक्पा मे़घक्तु मे़से़रुसिबाहाॽरे़ खुनिॽ याम्साम्हाॽ निसुङ्सिङ्लो॥ खे़ङ्हाॽरे़ग खे़न् किप्मा के़घुबा थक्सान् नु कुनावाइत्लान् से़वा मे़न्जोगुन् हे़क्क्याङ् इबुगे़न् कुमिक्सेःन्निन्नाङ् खुनिॽ तोवाबो इग्र हुक्को मे़न्दाःक्तुन्नाङ् वये़रो॥ खे़ङ्हाॽग सिमे़न्लाम् याम्मो मे़हिङे़आङ् ख्रिस्ते़न्नु तङ्बे हे़न्छिङ् थारिक् हाङ् मे़जोगुरो॥
सुफो 6:9 - लिम्बु9 हे़क्क्याङ् मे़ल्लुक्साःल्ले़ ङासिगेक्पा एःप्साप्पिन् फाःक्खुल्ले़ निङ्वाॽफु पाःन्जाक्किन् नु ये़सुरे़ कुयाःम्बेओ मे़बाःत्तुबा पाःन्नो नसाःन्साबा मे़जोगे़बाल्ले़ चोगुल्ले़ मे़से़रुसिबा मे़न्छाम् याप्मिहाॽरे़ खुनिॽ याम्साम्हाॽ इङ्गाॽ ले़त्ति तोःम्मादे़न्निल्ले़ कुसिगाङ् निसुङ्सिङ्लो॥ Gade chapit la |
सुफो 6:9
21 Referans Kwoze
इङ्गाॽ युहुन्नान् नसाःन्नो खिनिॽ फुॽआरो॥ ख्रिस्त ये़सुन् नसान् चोःक्मे़ल्ले़ खुने़ॽ कुहाङ्जुम्मो के़वाॽबाहाॽरे़ मे़घोसुबा निङ्घुम्मिन् खिनिॽनु सोसोरिक् नासि थःत्तुङ्ल थरुङ्ङाङ् वाॽआरो॥ निङ्वाॽफु पाःन्जाक्किन् नु ये़सुरे़ पाःत्तुबा नु चोगुबा पाःन्हाॽ इङ्भन् चोगुङ्बाल्ले़ चोगुल्ले़ इङ्गाॽ पत्मोस वागप्लाजेॽओ साक्पा के़धाबा मे़जोगाङ् मे़देॽराङ्ङाङ् वयाङ्॥
हे़क्क्याङ् साङ्सिङ् हाःम्मादे़न्नोलाम् मिःसम्दाङ् युक् के़गप्पा वेॽसमा माङ्लाइङ्बान् लःन्दे़आङ् खे़ल्ले़ खे़न् खागे़सुक्पा कात्च्या के़गप्पे़न् यम्बा इक्लाओ अःक्ते़र मे़त्तु, “खे़न् खागे़सुक्पा के़गात्च्यान् याङ्सिङ्ङे़ॽआङ् इक्सादिङ् खाम्बेःक्मोबा काक् चे़ल्ले़क्सेॽहाॽ सुप्से़ॽ, थेआङ्भे़ल्ले़ खे़ङ्हाॽग तुम्से़घे़रे़आङ् पत्लो॥”
खे़न् एगाङ् निङ्वाॽफुसाम्बाल्ले़ तुम्मादे़न् साःङ्गाहिम् सिगाङ् के़युङ्बा कुनाम्गे़नुॽबा सुक्पा ले़त्ति तोःन्मादे़न्नोबा ताङ्हाॽओ यहवे दाङ्बाल्ले़ कुबेसाङ् खे़न् माक्खिॽओलाम् कुभा तारुर, हे़क्क्याङ् से़गम्बाल्ले़ के़नम्बा कुमाक्खिन् तुम्मादे़न् साःङ्गाहिम्मोबा लाम्धेःत्तो मिधिङ्मनादेमनाबा सिदुङ्जभा ले़त्ति तोःम्मादे़न्निल्ले़ कुबुङ्ङो हुक्खुर॥
हे़क्क्याङ् इङ्गाॽग खुने़ॽ से़वा चोःक्मा फाॽआङ् कुलाङ्ङो साम्बोन् फन्छिङ्ङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसे़वारोबा नु ये़सुन् तोःन्दि के़बिबाआरक्लो॥ निङ्वाॽफुमाङ्ङिन्ने से़वा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपान् के़बाःप्पाहाॽ हाङ्हाङ् मे़त्तुसिॽरो॥
हे़क्क्याङ् साम्म्याङ् साङ्ते़रे़ङ् के़बङ्बा वेॽसमा माङ्लाइङ्बान् त्ये़आङ् ले़त्ति तोःम्मादे़न्निल्ले़ कुबेसाङ् ये़म्सिङ्लो॥ के़रे़क् निङ्वाॽफुमाङ्ङिल्ले़ सेसे कुयाप्मिहाॽरे़ खुनिॽ तुवान्नु तोःम्मा फाॽआङ् हाङ्युक्नाःल्ले़ कुदगिबा साम्म्याङ् ले़त्ति तोःम्मादे़न्नो साङ्सिङ् हाःम्मा फाॽआङ् यरिक् साङ्सिङ् मे़बिरुरो॥
खिनिॽग साङ्ग्राम्पेदाङ्ङो खुनिॽ मिङ्हाॽ साप्ते़आङ् के़वाॽबा तुम्बालक् के़घोबाहाॽरे़ खुनिॽ चुम्लुङ्ङो के़द्ये़ॽइआङ् के़वयिॽरो॥ खिनिॽग काक् मनाहाॽरे़ खुनिॽ खासे़न्दाङ्बा निङ्वाॽफुमाङ्ङिल्लो, हे़क्क्याङ् कुलिङ्दो के़गे़प्पा मे़जोगे़बा साम्योबाहाॽरे़ खुनिॽ याम्साम्लुम्मो के़द्ये़ॽइआङ् के़वयिॽरो॥
Piblisite