3 हे़क्क्याङ् मे़ल्लुक्साःल्ले़ निसिगेक्पा एःप्साप्पिन् फाःक्खुल्ले़ निसिगेक्पा कुहिङ्वे़त् पाथुङ्साःल्ले़ “फे़रे़ॽ” पाःत्तुबा खे़प्सुङ्॥
थिक्सिगेक्पा कुहिङ्वे़त् पाथुङ्साःङ्ग थिरिङ्बान् हे़क्के लॽरे़॥ निसिगेःक्पे़न् पित् हे़क्के लॽरे़॥ सुम्सिगेक्पाल्ले़ कुनारान् मे़न्छाम् याप्मि नारा हे़क्के लॽरे़॥ हे़क्क्याङ् लिसिगेक्पाङ्ग के़बे़बार के़बप्पा मुया हे़क्तङ्बा चोगे़रो॥
हे़क्क्याङ् इङ्गाॽ मे़ल्लुक्साःल्ले़ नुसि एःप्साप्पो थिक्सिगेक्पा एःप्साप्पिन् फाःक्खुबा निसुङ्, हे़क्क्याङ् लिसि कुहिङ्वे़त् पाथुङ्साहाॽओ थिक्सिगेक्पाल्ले़ ताङ्साक्पे़न् के़लोङ्बा इक्लाओ “फे़रे़ॽ” पाःत्तुबा खे़प्सुङ्॥
हे़क्केःल्ले़ खे़ङ्हाॽ मे़बेआङ् इःप्पुङ्ङिल्ले़ कुमुराओबा लुङ्ङो एःप्साप् मे़युक्तुआङ् मनाहाॽरे़ मे़न्हन्दुन्ल फाॽआङ् थक्सुबाहाॽ खे़प्मो कोमा मे़बाङ्घुसिरो॥
हे़क्क्याङ् मे़ल्लुक्साःल्ले़ नुसिगेक्पा एःप्साप्पिन् फाःक्खुल्ले़ साङ्ग्राम्पेदाङ्ङो कुमुक् कुभ्रे़ःङ् थारिक् चिजि ये़म्ये़म् पोःक्खे़॥