ताङ्साङ्बो के़बप्पा के़रे़क् खेःम्सिक्पाहाॽ मे़मा मे़बेःक्लो, हे़क्क्याङ् ताङ्साङ्बान् किप्नाबा साप्ला थङ्मान् हे़क्के कित्छिङ् पेःक्लो॥ चे़ल्ले़क्सेल्ले़ कुबुङ्ङोनु इगे़ले़म्बा कुभे़क्वाहाॽ मुत्थाबा हे़क्के खे़म्ब्याङ् पएप्पाल्ले़ कुबुङ्ङोनु इगे़सुॽबा कुजाॽहाॽ मुत्थाबा हे़क्के ताङ्साङ्बोबा खेसे-खेःम्सिक्पाहाॽ मक्मे़धारो॥
सुफो 6:14 - लिम्बु14 हे़क्क्याङ् ताङ्साक्पे़न्नाङ् साप्कित्तिन् कुइसिक् कित्छिङ्ङाङ् चत्छिङ् पेरो॥ काक् कोःक्मा फाङ्जङ्हाॽ नु वागप्खाम्हाॽ मे़घे़त्छिङ् मे़बेरो॥ Gade chapit la |
सुफो 6:14
16 Referans Kwoze
कर दाङ्बान् नुःङ् युबा ये़न्निङ्ग से़न्दिक् के़घुःम्बान् खुःन्छे़ ताबा कुइसिक् हक्चघत् पोङ्लो॥ यम्बा इक्लाओ तरःङ्दिङ् ताङ्साक्पे़न् माबेःक्, हे़क्क्याङ् खे़प्मो के़बप्पाहाॽ काक् मिदिक्काङ् योःम्बेःक्, हे़क्क्याङ् इक्सादिङ् खाम्बेक् नु खे़प्मो के़वाॽबा काक् पाःन्हाॽआङ् मिःल्ले़ खाप्पुथ्यःङ् चोगुसिरो॥
के़रे़क् कुहिङ्वे़त् थक्साहाॽ, वरःङ्ङोबा ङाहाॽ, ताङ्साङ्बोबा पुसाहाॽ, खाम्बाङ्ङोबा थक्साहाॽ, खाम्बेःक्मो नाना कत्ना के़उःङ्सिङ्बा के़सःन्छिङ्बा चुजुक्सा थक्साहाॽ, हे़क्क्याङ् इक्सादिङ् खाम्बेःक्मोबा के़रे़क् मे़न्छाम् याप्मिहाॽ आङ्गाॽ आबेसाङ् पगि मे़गिआङ् थे़गक्कक्ना मे़यङ्ॽ॥ कोःक्मा फाङ्जङ् थे़गु माङ्वाहाॽ चोःन्धा, सियाक्पेॽ थे़याक्पेॽहाॽ पक्क्रे़ॽ पक्क्रे़ॽ पःङ्धा खम्भ्याङ् लुङ्धाक्हाॽ खाम्बाङ्ङो लुःन्॥
कोःक्मा फाङ्जङ्हाॽ मे़यक्खु हे़क्क्याङ् थे़गु माङ्वाहाॽ मे़घे़त्तुरो हे़क्केसाङ् आफाल्ले़आङ् मे़न्नुप्नाबा मिःम्जि मे़प्मा मे़ले़त्ने़ल्लो, आङ्गाॽ चोगुङ्बा सनारुङ्ले़न् माङ्हुप्पिन्नाङ् मे़ङ्गे़प्मनाबा मे़बोङ्ने़ल्लो,” खे़ने़ॽ लुङ्माॽ के़दुक्पा यहवे दाङ्बे़ल्ले़ पाःत्तुॽ॥
ये़म्सिङ्ङिल्ले़ खुने़ॽ इक्सादिङ् खाम्बेःक्मान् मुन्दुरो, खुने़ॽ ओमुये़आङ् मे़न्छाम् सुवाङ्हाॽ चिरिम्लिम् मे़यक्खे़रो॥ उन्छेःन् उन्छेःन्नाङ्धोबा कोःक्माहाॽ फयःप्फयःप् यबे़रो, खे़न् काप्पोबा थे़गु माङ्वाहाॽ चोःन्दे़ लासे़रो, खुने़ॽ कुलाम्हाॽ आभे़ल्ले़आङ् मे़म्नुप्मनाबा चोक्लो॥
“इक्सादिङ् खाम्बेःक्मान् के़मे़ङ्बा मुक्साम्बा नाङ्जङ्लुङ्ङे़, ओमे़त्ते़ॽओ! आङ्गाॽ खे़ने़ॽ के़निङ्मिआ,” यहवे दाङ्बे़ल्ले़ पाःत्तुरो॥ “चन्जम्बादे़न्हाॽलाम् यो हिप्मा थामारे़ लागि आङ्गाॽ के़दक्ले़ङ्वाओ आहुक्किल्ले़ साःम्ने़रो॥ आङ्गाॽ मे़ङ्ने़सुःत्ने़आङ्, खे़ने़ॽ थे़माआङ् के़म्बोङ्ने़न्लो कर मिगे़दिक्पाआङ् के़लुम्सिङ्बा कुम्जिक् के़बोङ्लो॥
Piblisite