थेआङ्भे़ल्ले़ कुघासे़न्निङ्ग से़क्खाबा नु नुबा चोक्लो, हे़क्क्याङ् याम्बोःप्मा कुयाःम्बक्किल्ले़ इक्सादिङ् खाम्बेःक्मान् के़जिःम्मा खे़न् पयम् यम्मा के़त्निमान् खुम्दिङ् पिरुरो॥ निङ्वाॽफुमाङ्ङिल्ले़ कुसे़वारोबाहाॽ खे़ल्ले़ से़रुसिबाल्ले़ चोगुल्ले़ खे़न् खुम्दिङ् पिरुआङ् वाॽरो॥”
सुफो 6:10 - लिम्बु10 खे़ङ्हाॽ अक्खेलॽरिक् यम्बा इक्लाओ मे़अःक्ते़, “सेसे नु से़क्खाबा मुक्साम्दाङ्बाए, खे़ने़ॽ याप्मि के़से़प्पा इक्सादिङ् खाम्बेःक्मोबा मे़न्छाम् याप्मिहाॽ आप्फाल्ले़ खासे़न् के़लोःन्दुसिआङ् खुम्दिङ् के़बिरुसिबाबे?” Gade chapit la |
सुफो 6:10
33 Referans Kwoze
मे़न्छाम् सुवाङ्हाॽ खे़ने़ॽनु खुनिॽ याःक्ले़ॽरे़आङ् वाॽ, कर आल्ल खे़ने़ॽ के़सिक् पोःक्मा ये़म् के़रे़आङ् वाॽ॥ के़सिबाहाॽ खासे़न् चोःक्मासि ये़म् त्ये़आङ् वाॽ॥ हे़क्क्याङ् खे़ने़ॽनु के़गिबा चुक्सा नु यम्बा, माङ्निङ्वाॽपान् के़बाःप्पा के़से़वारोबाहाॽ हे़क्क्याङ् के़सेसे मनाहाॽ हाङ्से़म् पिमासि सुये़म् त्ये़आङ् वाॽ॥ आल्ल इक्सादिङ् खाम्बेःक्मान् के़मे़ङ्बाहाॽ मे़ङ्मासि ये़म्माङ् त्ये़आङ् वाॽरो॥”
आमिःम् आन्जुम्से, फे़न् पाःन्निल्ले़ कुले़क्वा आप्फाल्ले़आङ् ताप्फे़ःम्बा मे़जोगे़म्मिन्ने़ॽओ, कर निङ्वाॽफुमाङ्ङिल्ले़ कुसाक्के़न्नो ले़रे़म्मे़ॽओ, थेआङ्भे़ल्ले़ साम्योसाप्लाओ अक्खे साप्ते़आङ् पत्, “ताप्फे़ःम्बा याःम्बक् के़जोक्पे़न् खुम्दिङ् पिमाग आलक्लो॥ इङ्गाॽए कुले़क्वा नुःक्तुङ् पिरुङ् लॽरिक् यहवे दाङ्बाल्ले़ पाःत्तुरो॥”
“हे़क्क्याङ् फिलादेल्फियाबा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् सेसे नु से़क्खाबा हे़क्क्याङ् दाउद हाङ्ङिल्ले़ कुदिमिक् के़गप्पे़ल्ले़ पाःत्तुबारो॥ खुने़ॽ हन्दुबान् हाःत्ले़आङ् सुप्मा मे़सुक्तुन्, हे़क्क्याङ् खुने़ॽ सुबुबान् हाःत्ले़आङ् हम्मा मे़सुक्तुन्लो॥
साङ्ग्राम्पेदाङ्ङो के़वाॽबासे, खे़न् मे़गे़बाओ सःत्ते़म्मे़ॽओ! निङ्वाॽफुमाङ्ङिल्ले़ सेसे कुमनाहाॽ, सेःक्युक्मिबाहाॽ हे़क्क्याङ् माङ्निङ्वाॽपान् के़बाःप्पासे, सःत्ते़म्मे़ॽओ! थेआङ्भे़ल्ले़ खिनिॽ निङ्घुम् के़मे़त्तिबाल्ले़ चोगुल्ले़ निङ्वाॽफुमाङ्ङिल्ले़ खे़न् खुम्दिङ् पिरुआङ् वाॽरो॥”
खे़ने़ॽ निङ्घुम् के़दुमुल्ले़ निङ्वाॽ हाङ्गे़म्सिङ्ङे़ॽओ फाॽआङ् इङ्गाॽ पिने़बा इङ्जाङ्ङिन् ते़न्दिङ् के़जोगुबाल्ले़ चोगुल्ले़ खे़ने़ॽग इक्सादिङ् खाम्बेःक्मो के़दाबा इनोगे़न् पयम् यम्बा तुक्खेलाम् इङ्गाॽ ताङ्से़ःप्ने़ॽरो॥ खे़ङ्ग इक्सादिङ् खाम्बेःक्मो के़वाॽबा काक् मनाहाॽरे़ खुनिॽ नसाःन्निन् साॽसे़ तार पत्लो॥
खे़ब्याङ् सिमसोनरे़ यहवे दाङ्बे़न् पेलि फाक्तुआङ् मे़त्तु, “यहवे दाङ्बा निङ्वाॽफुमाङ्ङे, आङ्गाॽ निङ्वाॽ इःत्ताङ्ङे़ॽओ! निङ्वाॽफुमाङ्ङे, आङ्गाॽ आल्लसाङ् याम्मो थिक्ले़ङ्धिक् मुक्साम् पिराङ्ङे़ॽओ, हे़क्क्याङ् आङ्गाॽ आमिक्हाॽ मे़लःत्तु मे़देसु मे़बिराङ्बाल्ले़ लागि कन् पलिस्तिहाॽओ थिक्ले़ङ्माल्ले़ कुले़क्वा नुःक्मा सुक्तुङ्लरो॥”
खे़न् एगाङ् आङ्गाॽ सेसे माङ्लाइङ्बा ने़त्छि पारे़सिबा खे़प्सुङ्, थिक्पारे़ वेॽ सेसे माङ्लाइङ्बे़न् अक्खे मे़त्तु, “थिक्याःन्धक्पा सिदुङ्जभा, खाप्पुथ्यःङ् के़जोःक्पा पिफ्युङ्ङिल्ले़ कुयाःम्बेओ, हे़क्क्याङ् सेसेदे़न् नु थक्सुबाहाॽ लाङ्ङिल्ले़ मे़दोॽरुसिबा सुफोन् के़प्मारे़ लागि आक्खे़न् ये़म् थरुबे?”
कर उन्छोन् इस्राइलओ इङ्ले़क्पा माङ्निङ्वाॽपान् के़बाःप्पाहाॽ मे़वये़बा कुइसिक् खिनिॽ लुम्मोआङ् इङ्ले़क्के सिक्साम्बाहाॽ मे़लन् मे़दारो॥ खे़ङ्हाॽरे़ग स्वाःत्ताङ् याप्मि के़मे़ङ्बा इङ्ले़क् पाःन्हाॽ मे़हुॽरुसिॽ, हे़क्क्याङ् खे़ङ्हाॽरे़ खुनिॽ मे़ल्लुङ् के़हुङ्बाआङ् के़धे़ॽबा दाङ्बान्नाङ् मे़नाॽरुआङ् हाराए आबाङे खुनिॽओ मे़क्मे़न् मे़दारुॽ॥
Piblisite