सुफो 5:13 - लिम्बु13 हे़क्क्याङ् इङ्गाॽ साङ्ग्राम्पेदाङ्बा, इक्सादिङ् खाम्बेःक्मोबा नु इक्सादिङ् खाम्बेक् सिगाङ्बा, हे़क्क्याङ् वरःङ्ङोबा के़रे़क् पाथुङ्साहाॽ अक्खेलॽरिक् साम्मे़लोरे़बा खे़प्सुङ्लो, “हाङ्युक्नाओ के़युङ्बान् नु मे़ल्लुक्साःल्ले़ कुनारा फोमान्, मिङ्सो इङ्धाङ्, मिमिदिङ् नु मुक्साम् सदादिङ् सदादिङ् पोङ्लरो!” Gade chapit la |
सुफो 5:13
29 Referans Kwoze
यहवे दाङ्बाए, पयम् यम्बा नु मुक्साम्मिन् आदाङ्बारे़न्नेरो, मिमिदिङ् नु हाङ्वा माङ्वान् आदाङ्बारे़न्नेरो, साङ्ग्राम्पेदाङ् नु इक्सादिङ् खाम्बेःक्मो के़वाॽबा के़रे़क् पाःन्हाॽ आदाङ्बारे़न्नेरो॥ हाङ्जुम्मिन्नाङ् आदाङ्बारे़न्नेरो, यहवे दाङ्बाए, के़रे़क् पाःन्हाॽ सम्धाङ् के़युङ्बा आदाङ्बा हाङ्ने़रो॥
यहवे दाङ्बे़ल्ले़ कुलागि कुसङ् साम्लोधिक् साम्मे़त्ताम्मे़ॽओ, इक्सादिङ् खाम्बेःक्माल्ले़ नासमा कुयाओनु खुने़ॽ कुनारा फोसे़म्मे़ॽओ, तुङ्गोदिङ् वरःङ्ङो लाम्दिक् के़जोःक्पासे, हे़क्क्याङ् खे़ॽयो के़याक्पा के़रे़क् परिक्पा पाधुङ् ले़ःक्ङासे, वागप्खाम्हाॽ नु खे़ॽयो के़युङ्बासे साम्लोरे़म्मे़ॽओ!
हे़क्क्याङ् इङ्गाॽ हाङ्युक्नाःल्ले़ कुबेसाङ्, लिसि कुहिङ्वे़त् पाथुङ्साहाॽ नु तुम्लाम्लोबाहाॽरे़ खुनिॽ लुम्मो, मे़ल्लुक्साःन् ये़बे़बा निसुङ्॥ खे़न् सिदुङ्जभा चोःक्मनाबा कुइसिक् चोगे़रो॥ खे़ल्ले़ नुसि कुदाङ्हाॽ युङे़ हे़क्क्याङ् नुसि कुमिक्हाॽ मे़बत्छे़रो॥ खे़ङ्हाॽग निङ्वाॽफुमाङ्ङिल्ले़ इक्सादिङ् खाम्बेःक्मो काक् पिसाङ् पाङ्घुसिबा नुसि कुसेसेमाङ्सिरो॥
पाःन्जाक् के़बाःप्पाल्ले़ निङ्वाॽफुमाङ्ङिल्ले़ कुबाःन्जाक् कुइसिक् पाःत्तुर, वेॽहाॽ से़वा के़जोःक्पाल्ले़ निङ्वाॽफुमाङ्ङिल्ले़ पिरुबा थुम्मिल्ले़ से़वा चोगुररो॥ हे़क्केलॽरिक् काक् पाःन्नो ये़सु ख्रिस्तलाम् निङ्वाॽफुमाङ्ङिल्ले़ कुमिमिदिङ् पोङ्लरो॥ काक् मिमिदिङ् नु मुक्साम्मिङ्ग सदादिङ् खुने़ॽइन्नेरो॥ आमे़न्॥
हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
कर खिनिॽ के़घे़प्सुम्बा सुनाइङ्ङिल्ले़न् निङ्साङ्ङो मे़म्मुन्ने नु ताप्मे़म्बे़ॽए हे़क्क्याङ् चक्मे़ल्लॽए नसान् चोःक्माए पोङ्लो॥ हाबा कन् सुनाइङ्ङिन् इक्सादिङ् खाम्बेःक्मोबा काक् मे़न्छाम् सुवाङ्हाॽओ इङ्मे़भोसुआङ् वाॽ, हे़क्क्याङ् खे़न् सुनाइङ्ङिन् इङ्भोमा फाॽआङ् इङ्गाॽ पावले़न् निङ्वाॽफुमाङ्ङिल्ले़ कुसे़वारोबा पोःक्खाङ्लो॥
Piblisite