हे़क्क्याङ् इङ्गाॽ मि नु के़बुप्पा से़ल्ले़ङ्घो कुइसिःक्पा वरःङ्धिक् निसुङ्लो॥ खे़ल्ले़ कुयाओ खे़न् किप्मा के़घुबा थक्साःन्, कुनावाइत्ला नु खे़ल्ले़ कुमिङ्ङिल्ले़ कुघानिःत्तिन् के़नाःम्बाहाॽ खे़प्मो मे़ये़बे़बा निसुङ्सिङ्लो॥ खे़ङ्हाॽरे़ निङ्वाॽफुमाङ्ङिल्ले़ पिरुसिबा साराङ्गिहाॽ मे़गत्तुरो॥
सुफो 4:6 - लिम्बु6 हाङ्युक्नाःल्ले़ कुदगाङ् सिसा हे़क्तङ्बा वहःङ् ने़स्से़रो॥ खे़ङ्ग माङ्लुङ् हे़क्के से़ल्ले़ङ् के़ले़क्पा चोगे़॥ हे़क्क्याङ् कुलुम्मो, हाङ्युक्नाःल्ले़ कुघिरि, एगाङ् तगाङ् काक् पिसाङ् मिक् इस्सेःङ् के़बप्पा लिसि कुहिङ्वे़त् पाथुङ्साहाॽ मे़ये़बे़रो॥ Gade chapit la |
सुफो 4:6
25 Referans Kwoze
हे़क्क्याङ् इङ्गाॽ हाङ्युक्नाःल्ले़ कुबेसाङ्, लिसि कुहिङ्वे़त् पाथुङ्साहाॽ नु तुम्लाम्लोबाहाॽरे़ खुनिॽ लुम्मो, मे़ल्लुक्साःन् ये़बे़बा निसुङ्॥ खे़न् सिदुङ्जभा चोःक्मनाबा कुइसिक् चोगे़रो॥ खे़ल्ले़ नुसि कुदाङ्हाॽ युङे़ हे़क्क्याङ् नुसि कुमिक्हाॽ मे़बत्छे़रो॥ खे़ङ्हाॽग निङ्वाॽफुमाङ्ङिल्ले़ इक्सादिङ् खाम्बेःक्मो काक् पिसाङ् पाङ्घुसिबा नुसि कुसेसेमाङ्सिरो॥
खे़ङ्हाॽरे़ निङ्वाॽफुमाङ्ङिल्ले़ कुहाङ्युक्नाःल्ले़न् हे़क्क्याङ् लिसि कुहिङ्वे़त् पाथुङ्साहाॽ नु तुम्लाम्लोबाहाॽरे़ खुनिॽ तगि कुसङ् साम्लोन् साम्मे़मे़त्तुबा इङ्गाॽ खे़प्सुङ्लो॥ खे़न् साम्लोःङ्ग इक्सादिङ् खाम्बेःक्मोलाम् थे़ॽमनाबा खे़न् लाङे़न्छिङ्धिक्काङ् हे़न्छिङ् लि-लि (१,४४,०००) मनाहाॽनुःल्ले़ वेॽ आत्तिन्हाॽरे़आङ् हुॽसिङ्मा मे़न्छुक्तुन्लो॥
हुरामे़ल्ले़ योःम्मनाबा कासालाम् काक्पे़प्पा पयम् यम्बा फसि थिक् चोगु॥ खे़ल्ले़ कुगःङ्ग्यान् थिक् कुयाओलाम् वेॽसमा कुयाओ थारिक् थिबोङ् हुक्सिक् पत्छे़, खम्भ्याङ् खे़न् हुक्सिक् ङासि केःम्बा कुलिङ्गे़न् चोगे़॥ खे़ल्ले़ कब्रिङ् कुसाप्पोःक्के़न् सिःक्मारे़ लागि हुक्सिक् सुम्बोङ्बा थाक्पा चाहा चोगे़॥
खे़न् साप्कित्तिन् याङ्सिङ्ङिल्ले़ लिसि कुहिङ्वे़त् पाथुङ्साहाॽ नु ने़त्-लि (२४) तुम्लाम्लोबाहाॽ मे़ल्लुक्साःल्ले़ कुदगि साम्बोन् मे़भन्छिङ्॥ खे़न् के़रे़क्ले़ खुनिॽ हुक्को साराङ्गि हे़क्तङ्बा मुक्ला नु साङ्सिङ्रे़ के़दिम्बा साम्म्याङ् खोर्याहाॽ मे़गत्तु॥ खे़न् साङ्सिङ्ङिङ्ग निङ्वाॽफुमाङ्ङिल्ले़ सेसे कुयाप्मिहाॽरे़ खुनिॽ तुवारो॥
Piblisite