सुफो 4:4 - लिम्बु4 हाङ्युक्नाःल्ले़ कुघिरि ने़त्-लि (२४) वेॽ हाङ्युक्नाहाॽ मे़युङे़ हे़क्क्याङ् खे़प्मो फगे़लॽबा तेत् के़जाङ्बा साम्म्याङ् तिचः के़घुःङ्बा ने़त्-लि तुम्लाम्लोबाहाॽ मे़युङे़रो॥ Gade chapit la |
सुफो 4:4
24 Referans Kwoze
हे़क्केःल्ले़ ये़सुरे़ खे़ङ्हाॽ मे़त्तुसि, “इङ्गाॽ से़क्खाए मे़त्निङ्, इङ्गाॽ मे़न्छाम्सान् के़दाबा कुसङ् हाङ्जुम्मो मिमिदिङ्गे़न् हाङ्युक्नाओ युङ्ङारो॥ खे़न् ये़म्मो खिनिॽ इङ्गाॽ याप्मि के़दिम्बाहाॽआङ् थिक्-ने़त् (१२) हाङ्युक्नाओ के़युङिआङ् इस्राइलबा थिक्-ने़त् सुवाङ्हाॽ सम्दाङ् हाङ् के़जोगिॽरो॥
हे़क्क्याङ् इङ्गाॽ हाङ्युक्नाहाॽ निसुङ्सिङ्॥ खे़प्मो खासे़न् लोःम्मा युक् के़घोबाहाॽ मे़युङे़॥ हे़क्क्याङ् ये़सु ख्रिस्तरे़ ओसेःन्दाङ् चोगुबा से़क्खान् नु निङ्वाॽफु पाःन्जाक्किन् इङ्भन् मे़जोगुबाल्ले़ चोगुल्ले़ खुनिॽ थे़गेक्पा मे़घक्तु मे़से़रुसिबाहाॽरे़ खुनिॽ याम्साम्हाॽ निसुङ्सिङ्लो॥ खे़ङ्हाॽरे़ग खे़न् किप्मा के़घुबा थक्सान् नु कुनावाइत्लान् से़वा मे़न्जोगुन् हे़क्क्याङ् इबुगे़न् कुमिक्सेःन्निन्नाङ् खुनिॽ तोवाबो इग्र हुक्को मे़न्दाःक्तुन्नाङ् वये़रो॥ खे़ङ्हाॽग सिमे़न्लाम् याम्मो मे़हिङे़आङ् ख्रिस्ते़न्नु तङ्बे हे़न्छिङ् थारिक् हाङ् मे़जोगुरो॥
खे़न् साप्कित्तिन् याङ्सिङ्ङिल्ले़ लिसि कुहिङ्वे़त् पाथुङ्साहाॽ नु ने़त्-लि (२४) तुम्लाम्लोबाहाॽ मे़ल्लुक्साःल्ले़ कुदगि साम्बोन् मे़भन्छिङ्॥ खे़न् के़रे़क्ले़ खुनिॽ हुक्को साराङ्गि हे़क्तङ्बा मुक्ला नु साङ्सिङ्रे़ के़दिम्बा साम्म्याङ् खोर्याहाॽ मे़गत्तु॥ खे़न् साङ्सिङ्ङिङ्ग निङ्वाॽफुमाङ्ङिल्ले़ सेसे कुयाप्मिहाॽरे़ खुनिॽ तुवारो॥
कन् एगाङ् खे़प्मो आत्तात्तान्ने निःप्मा सुक्मे़न्दे़प्मना मनाहाॽ, के़रे़क् लाजेॽहाॽ, के़रे़क् मे़न्छाम् सुवाङ्हाॽ, हे़क्क्याङ् के़रे़क् पाःन्दाङ्हाॽलाम्, हाङ्युक्नान् नु मे़ल्लुक्साःल्ले़ कुदगि कब्रिङ् मे़ये़बे़बा निसुङ्सिङ्॥ खे़ङ्हाॽरे़ फदाङ्बा तेत् मे़जाक्खुआङ् खुनिॽ हुक्को खे़बक्सिङ्ङिल्ले़ कुबोराक्हाॽ मे़बक्खुआङ् मे़ये़बे़॥
आल्ल खे़ने़ॽओ के़दाबार के़बप्पा इनोगे़न् तुक्खेहाॽनु मे़गिसे़न्ने़ॽओ॥ खे़प्से़ॽओ, के़नसाःन्निन् हङ्साॽमारे़ लागि माफे़न्साम्मिल्ले़ कुभा खिनिॽ पुङ्लाहिम्मो के़धे़क्तिॽसाङ् थिबोङ् ये़न् थारिक्लक् इनोगे़न् तुक्खे के़ज्ये़ॽइरो॥ सिमालिङ्धोओ के़गे़रिसाङ् इङ्गाॽ नसान् चोःक्मा याप्मि आल्ले़रे़म्मिन्ने़ॽओ, हे़क्क्याङ् के़नाःन्दुम्माङ् के़घोसुम्बा थुम्घोःल्ले़ लागि मे़न्नुप्मनाबा हिङ्मन् पिनिङ्लो॥
हे़क्केःल्ले़ खे़ने़ॽ याङ्साकुन्धेसाबा पोङ्मा के़सुक्ल फाॽआङ् मिओ योःम्मनाबा इसेःङ्बा साम्म्याङ्ङिन् इङ्गाॽओलाम् इङे़ॽओ लॽरिक् सुजा पिने़, ले़क्चाबे़धिःक्पा के़धक्किन् ते़प्ते़ॽआङ् नुःम्मा मे़बोङ्ने़न्ल फाॽआङ् फगे़लॽबा तेःत्तिन् इङे़ॽओ, हे़क्क्याङ् निमा के़सुक्पा पोङ्मा फाॽआङ् मिक् सिदाॽइन् इङे़ॽओ॥
हे़क्क्याङ् इङ्गाॽ हाङ्युक्नाःल्ले़ कुबेसाङ्, लिसि कुहिङ्वे़त् पाथुङ्साहाॽ नु तुम्लाम्लोबाहाॽरे़ खुनिॽ लुम्मो, मे़ल्लुक्साःन् ये़बे़बा निसुङ्॥ खे़न् सिदुङ्जभा चोःक्मनाबा कुइसिक् चोगे़रो॥ खे़ल्ले़ नुसि कुदाङ्हाॽ युङे़ हे़क्क्याङ् नुसि कुमिक्हाॽ मे़बत्छे़रो॥ खे़ङ्हाॽग निङ्वाॽफुमाङ्ङिल्ले़ इक्सादिङ् खाम्बेःक्मो काक् पिसाङ् पाङ्घुसिबा नुसि कुसेसेमाङ्सिरो॥
खे़ङ्हाॽरे़ निङ्वाॽफुमाङ्ङिल्ले़ कुहाङ्युक्नाःल्ले़न् हे़क्क्याङ् लिसि कुहिङ्वे़त् पाथुङ्साहाॽ नु तुम्लाम्लोबाहाॽरे़ खुनिॽ तगि कुसङ् साम्लोन् साम्मे़मे़त्तुबा इङ्गाॽ खे़प्सुङ्लो॥ खे़न् साम्लोःङ्ग इक्सादिङ् खाम्बेःक्मोलाम् थे़ॽमनाबा खे़न् लाङे़न्छिङ्धिक्काङ् हे़न्छिङ् लि-लि (१,४४,०००) मनाहाॽनुःल्ले़ वेॽ आत्तिन्हाॽरे़आङ् हुॽसिङ्मा मे़न्छुक्तुन्लो॥
Piblisite