सुफो 4:11 - लिम्बु11 “खे़ने़ॽग आनिगे दाङ्बा नु निङ्वाॽफुमाङ्ने़ॽरो॥ खे़ने़ॽग मिमिदिङ् नु मिङ्सो इङ्धाङ् हे़क्क्याङ् मुक्साम्रे़न् नारा फोसुम्बे़बा आनिगे सेवागे़न् साम्लोन् ताःक्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग काक् पाःन्हाॽ नावागे़न् चइःत् के़जोगु, हे़क्क्याङ् सिक्कुम्दिङ् के़निङ्वाॽलाम् खे़ङ्हाॽ मे़बोःक्खे़, हे़क्क्याङ् हिङ्मन् के़बिरुसिआङ् वाॽरो॥” Gade chapit la |
सुफो 4:11
31 Referans Kwoze
थे खे़ने़ॽ निङ्वाॽ मे़ङ्घोए के़वाॽबि? थे खे़ने़ॽ मे़ङ्घे़म्मे के़वाॽबि? यहवे दाङ्बे़ङ्ग आभे़ल्ले़साङ् सदादिङ् के़वाॽबा निङ्वाॽफुमाङ्लो, इक्सादिङ् खाम्बेःक्मे़ल्ले़ कुनुप्मो थारिक् नावागे़न् चइःत् के़ने़बारो॥ खुने़ॽ मे़नाने़न्नाङ् कुसक्माआङ् मे़बुॽने़ल्लो, हे़क्क्याङ् हाःत्ले़आङ् खुने़ॽ कुसिक्कुम् निङ्वान् कुसिङ् निःप्मा मे़सुक्तुल्लो॥
खे़ल्ले़ यम्बा इक्लाओ अक्खे पाःत्तु, “निङ्वाॽफुमाङ्ङिन्नु किसे़म्मे़ॽआङ् मिमिदिङ् पिरे़म्मे़ॽओ, थेआङ्भे़ल्ले़ खुने़ॽ कुघासे़न् चोःक्मा ये़म्मिन् त्ये़आङ् वाॽरो॥ तरःङ्दिङ् ताङ्साक्पे़न्, इक्सादिङ् खाम्बेःक्मान्, वरःङ् नु च्वाःत्तिल्ले़ कुबुन्हाॽरे़न् नावागे़न् चइःत् के़ने़बान् से़वा चोगे़म्मे़ॽओ॥”
हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
“आदाङ्बासे, कन् थे चोःक्मा के़इःत्तुम्बाबे? आन्छिगेग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लान् से़वा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे कप्मो त्ये़त्छिगे़बारो॥
येसुअ, कादमिएल, बानि, हसबन्याह, सरेबियाह, होदियाह, सबन्याह हे़क्क्याङ् पतहियाह ले़बिहाॽरे़ मनाहाॽ मे़मे़त्तुसिरो— “ये़बे़म्मे़ॽआङ् खिनिॽ यहवे दाङ्बा निङ्वाॽफुमाङ्ङिन् कुनारा फोसे़म्मे़ॽओ! सदादिङ्ले़ लागि खुने़ॽ कुनारा फोसे़म्मे़ॽ! मनाहाॽरे़ मे़जोगुबा नाराफोमा याःम्बक्किल्ले़ खुने़ॽ पयम् यम्बा चोःक्पान् लाॽरु खे़म्दुबाग मेःन्लो, हे़क्केसाङ् के़रे़क्ले़ खुने़ॽ कुमिमिदिङ् इस्सेःङ्बा कुमिङ्ङिन् इङ्धाङ् पिरे़म्मे़ॽओ॥”
खे़निॽ मिक्किन् थाःङ् फोःक्खाम्मे़ॽआङ् ताङ्साङ्बे़न् ओमे़त्ते़म्मे़ॽओ, कङ्हाॽ के़रे़क् हाःत्ले़ चोगुबाबे? थे खुने़ॽए मेःम्बि, खुने़ॽ खेःम्सिक्पाल्ले़ कुबन्ज्याङ्माहाॽ थिक्थिक् चोगु तारुसिरो हे़क्क्याङ् के़रे़क् थिक्थिक् लॽरिक् मिङ् लोःक्तुसिआङ् उःत्तुसिरो॥ खुने़ॽ पयम् यम्बा कुमुक्साम् नु मुक्साम्साबा कुमुक्किल्ले़ चोगुल्ले़ खे़ङ्हाॽओ लत्छाआङ् मे़म्माने़ल्लो॥
थेआङ्भे़ल्ले़ तुक्सि ये़न्नो यहवे दाङ्बे़ल्ले़ ताङ्साङ्बा, इक्सादिङ् खाम्बेःक्मा, वरःङ् नु खे़प्मो के़याक्पा के़रे़क् पाःन्हाॽ चोगु, कर नुसिगेक्पा ये़न्नो खुने़ॽ नाःम्सिङ्॥ खे़ल्ले़चोगुल्ले़ यहवे दाङ्बे़ल्ले़ नाःम्सिङ्मा ये़न्निन् हाङ्वागे़न् मुॽइसाम् पिरु, हे़क्क्याङ् खे़न् सेसे चोगु॥
Piblisite