खे़न् साप्कित्तिन् याङ्सिङ्ङिल्ले़ लिसि कुहिङ्वे़त् पाथुङ्साहाॽ नु ने़त्-लि (२४) तुम्लाम्लोबाहाॽ मे़ल्लुक्साःल्ले़ कुदगि साम्बोन् मे़भन्छिङ्॥ खे़न् के़रे़क्ले़ खुनिॽ हुक्को साराङ्गि हे़क्तङ्बा मुक्ला नु साङ्सिङ्रे़ के़दिम्बा साम्म्याङ् खोर्याहाॽ मे़गत्तु॥ खे़न् साङ्सिङ्ङिङ्ग निङ्वाॽफुमाङ्ङिल्ले़ सेसे कुयाप्मिहाॽरे़ खुनिॽ तुवारो॥
सुफो 4:10 - लिम्बु10 खे़न् ने़त्-लि (२४) तुम्लाम्लोबाहाॽरे़ साम्बोन् मे़भन्छिङ्ल सदादिङ् नु सदादिङ् के़वाॽबाआङ् हाङ्युक्नाओ के़युङ्बान् से़वा मे़जोगुॽरो॥ खे़ङ्हाॽरे़ खुनिॽ तिचःन् हाङ्युक्नाःल्ले़ कुदगाङ् मे़ने़स्सुर अक्खे मे़बाःत्तुॽरो, Gade chapit la |
सुफो 4:10
28 Referans Kwoze
खे़ब्याङ् के़रे़क् सङ्जुम्भोबा मनाहाॽ ले़प्माङ् हिसिङ्ङाङ् दाउदरे़ मे़त्तुसि, “आल्ल यहवे दाङ्बा खिनिॽ निङ्वाॽफुमाङ्ङिल्ले़ कुनारा फोसे़म्मे़ॽओ॥” कल्ले़चोगुल्ले़ के़रे़क् सङ्जुम्भोहाॽरे़ खुन्छिॽ सुधे़बा ताक्थे़बाहाॽरे़न् निङ्वाॽफुमाङ्ङिन् कुनारा मे़भोसु॥ खे़ङ्हाॽ यहवे दाङ्बान् नु हाङ्ङिल्ले़ कुदगि साबन् हप्पे़त् मे़भन्छिङ्ङाङ् से़वा मे़जोगे़रो॥
मि थ्ये़आङ् पत्छे़बा नु यहवे दाङ्बे़ल्ले़ कुमिमिदिङ्ङिन् माङ्हिम्मो लासे़आङ् पत्छे़बा आल्ल के़रे़क् इस्राइलिहाॽरे़ मे़निसुल्ले़ लुङ् फे़मनाबा आःम्भोॽओ खे़ङ्हाॽ खाम्बाङ्ङो थारिक् साबन् हबत् मे़भन्छिङ् हे़क्क्याङ् अक्खे मे़बाःत्तुआङ् यहवे दाङ्बे़न् नुगे़न् मे़बिरुरो, “यहवे दाङ्बे़न् के़नुॽबा चोक्लो, थेआङ्भे़ल्ले़ खुने़ॽ कुमिःम्जिन् सदादिङ् वाॽरो॥”
कर आल्लो इङ्गाॽ आक्खेलॽरिक् वाॽआ खे़ङ्ग निङ्वाॽफुमाङ्ङिल्ले़ कुलुङ्गुम्मिल्ले़ चोगुल्ले़एरो॥ निङ्वाॽफुमाङ्ङिल्ले़ कुलुङ्गुम्मिन् इङ्गाॽओ चामे़सोःक्ते़न्लो॥ खे़न् वेॽ सेःक्युक्मिबाहाॽनुःल्ले़आङ् साॽरिक् याम्बुधिक्काङ् याःम्बक् चोगुङ्ङाङ् वाॽआरो, हे़क्केसाङ् इङ्गाॽ चोगुङ्बाग मेःन्लो कर इङ्गाॽओ के़वाॽबा निङ्वाॽफुमाङ्ङिल्ले़ कुलुङ्गुम्मिल्ले़ चोगुबारो॥
खे़न् ये़म्मिल्ले़ कुनुप्मो, आङ्गाॽ नबुकदनेसररे़ आमिक्किल्ले़ साङ्ग्राम्पेदाङ् ले़प्माङ् ओमे़त्तुङ्, हे़क्क्याङ् आनिङ्वाॽ सेरे़॥ खे़ब्याङ् आङ्गाॽ के़रे़क्नुःल्ले़ यम्बा निङ्वाॽफुमाङ्ङिल्ले़ कुनारा फोसुङ्, सदादिङ् आभे़ल्ले़साङ् कुहिङ्वे़त् के़वाॽबे़न् आङ्गाॽ मिङ्सो इङ्धाङ् नु मिमिदिङ् पिरुङ्लो॥ खुने़ॽ कुयुक्किङ्ग सदादिङ् के़वाॽबा युक्लो, खुने़ॽ कुहाङ्जुम्मिन् थाःक्थाःक्को थारिक् ने़रो॥
खे़न् वहःङ्ङोबा च्वाःत् सम्धाङ् के़ये़प्पा नैनासुत् चाङ् के़जाङ्बा मनाःल्ले़ कुजुक्वा नु कुभे़ङ्वा हुक्हाॽ साङ्ग्राम्पेदाङ् ले़प्माङ् फोःक्खु, हे़क्क्याङ् सदादिङ् के़वाॽबे़ल्ले़ कुमिङ्ङो अक्खे पाःत्तुआङ् माङ्हे़क्सिङ्बे़न् आङ्गाॽ खे़प्सुङ्, “कन् ये़म्, ये़म्हाॽ नु कुभ्रे़ःङ् ये़म्ले़ लागि पोङ्ॽ॥ आल्ल सेसे मनाहाॽरे़ खुन्छिॽ मुक्साम्मिन् कुनुप्मो नुप्, खे़ब्याङ् कन् के़रे़क् पाःन्हाॽ के़त्लो॥”
Piblisite