सुफो 3:5 - लिम्बु5 खे़ङ्हाॽ हे़क्के के़नाःम्बा काक्ले़ फःगे़लॽबा तेत् मे़जाक्खुॽरो॥ हे़क्क्याङ् खुनिॽ मिङ्ङिन् हिङ्मन्ले़न् साप्पन्नोलाम् आप्फाल्ले़आङ् मे़दुःक्कान्लो, कर पानुदिङ् आम्बा नु कुमाङ्लाइङ्बाहाॽरे़ खुनिॽ तगि खे़ङ्हाॽ ते़न्दिङ् चोगुङ्सिङ्लो॥ Gade chapit la |
सुफो 3:5
23 Referans Kwoze
खे़न् के़निसुबा किप्मा के़घुबा थक्साःङ्ग कुहिङ्वे़त् वये़, कर खे़न् आल्लो होप्लो॥ खे़ङ्ग याम्मो कुद्रोःम् मेःन्नेबा लुम्बाःत्तोलाम् थाङ्ङाङ् मे़न्नुप्मनाबा मे़क्माओ पेःक्लो॥ हे़क्क्याङ् कन् इक्सादिङ् खाम्बेःक्माल्ले़न् नावागे़न् चइःत् ने़स्से़आङ्धो हिङ्मन्ले़न् साप्पन्नो खुनिॽ मिङ् मे़म्बप्मना इक्सादिङ् खाम्बेःक्मोबा मे़न्छाम् याप्मिहाॽरे़ कन् के़सिबा किप्मा के़घुबा थक्सान् याम्मो कुहिङ्वे़त् मे़निसुआङ् खुनिॽ निङ्वाॽ मारो॥
हे़क्क्याङ् इङ्गाॽ यम्बा चुक्पा काक् के़सिबाहाॽ खे़न् हाङ्युक्ना तगि मे़ये़बे़बा निसुङ्सिङ्, हे़क्क्याङ् खे़प्मो साप्पन्हाॽ मे़हन्दे़॥ खे़प्मो वेॽ साप्पन्धिक्काङ् हन्दे़॥ खे़ङ्ग हिङ्मन्ले़न् साप्पन्लो॥ हे़क्क्याङ् खे़न् साप्पन्हाॽओ साप्ते़आङ् पत्छे़बा के़सिबाहाॽरे़ मे़जोगुबा खुनिॽ याःम्बक् कुइसिक् खुनिॽ खासे़न् पोःक्खे़रो॥
हे़क्क्याङ् निङ्वाॽ इरे़ खोःप्तुबा आन्जुम्मे, कन् मे़न्छुमाहाॽ कुभाॽ पिरे़से़ॽ फाॽआङ् मे़त्ने़ॽरो, थेआङ्भे़ल्ले़ खे़ङ्हाॽरे़ग सुनाइङ् इङ्भोमा याःम्बक्किन् इङ्गाॽनु याम्बुधिक्काङ् चोगे़त्छु॥ खे़ङ्हाॽरे़ क्लेमे़न्त हे़क्क्याङ् वेॽ इङ्गाॽनु याःम्बक् के़जोःक्पा चुम्हाॽनुआङ् याःम्बक् चोगे़त्छुरो॥ खे़ङ्हाॽरे़ खुनिॽ मिङ्ङिन् हिङ्मन्ले़न् साप्पन्नो साप्ते़आङ् पत्लो॥
आल्ल खे़ङ्हाॽ अक्खेलॽरिक् मे़बारे़, “ओमे़त्ताम्मे़ॽ, खे़न् मनान् थिक्याःन्धक् लःन्नाङ् इस्राइलिहाॽ थङ् थक्मा साःत्तुसिॽ॥ खे़न् के़से़प्पा मनान् हाङ्ङिल्ले़ पयम् यम्बा थुम्घो पिरुॽ, हे़क्क्याङ् कुस्सा मे़न्छ्याःन्नु मेःक्खिम् मे़त्तुॽ, खे़म्ब्याङ् खे़ल्ले़ के़रे़क् कुहिम्सयङ्हाॽरे़ इस्राइलओ एःङ्याङ्ङाङ् हुङ्मा मे़बोङ्ने़न्॥”
के़नाःम्बाङ्ग आनिङ्वाॽफुमाङ्ङिल्ले़ कुहिम्मो इङ्गाॽ सित्लाङ् चोगुङ्लो॥ खुने़ॽ खे़प्मोलाम् आप्फाल्ले़आङ् मे़जत्छिङ्ङिन्लो॥ आनिङ्वाॽफुमाङ्ङिल्ले़ कुमिङ्ङिन् खे़ल्लो इङ्गाॽ साप्तुङ्, हे़क्क्याङ् खे़ल्लो इङ्गाॽ कुसङ् आमिङ्ङिन्नाङ् साप्तुङ्लो॥ हे़क्क्याङ् आनिङ्वाॽफुमाङ्ङिल्ले़ कुसेसे ये़क्यक् कुसङ् यरुसले़मिल्ले़ कुमिङ्ङिन्नाङ् खे़ल्लो साप्तुङ्लो॥ खे़ङ्ग आनिङ्वाॽफुमाङ्ङिल्ले़ साङ्ग्राम्पेदाङ्लाम् पाङ्घुयुसुॽ॥
Piblisite